Paltiing 21:6 - Ti Baro a Naimbag a Damag Biblia

⁶ Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Ti Biblia (1973)

⁶ Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Paltiing 21:6 Iomraidhean Croise

Dagiti Salmo 36:9

Sika ti pagtaudan ti amin a biag, ket gapu iti silawmo, makitami ti lawag.

Isaias 12:3

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Jeremias 2:13

Adda dua a basol dagiti tattaok: binaybay-andak nga ubbog ti danum a sibibiag, nagkalida kadagiti bubon a di mabalin a pagurnongan iti danum.

Oseas 14:4

Kuna ti Apo, “Pakawanekon dagiti tattaok Ayatek ida iti amin a pusok ta nagbaawen ti pungtotko kadakuada.

Joel 3:18

Inton dumteng dayta nga aldaw, masaknapanto iti ubas dagiti kabambantayan; adunto ti baka kadagiti katurturodan; nabuslonto ti danum iti entero a Juda. Addanto waig nga aggapu iti Templo ni Yahweh, ket padanumannanto ti Tanap dagiti Acacia.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:11

“Apo,” kinuna ti babai, “nauneg ti bubon ket awan met ti pagsakdum. Pangalaam ngarud iti nabiag a danum?

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

Taga-Roma 3:24

Ngem gapu iti parabur a siaayat nga inted ti Dios, mapalinteg ti amin a tattao iti sangoananna babaen ken ni Cristo Jesus a mangwayawaya kadakuada.

Taga-Roma 8:32

Dina impaidam ti mismo nga Anakna, no di ket indatonna nga agpaay kadatayo amin! No impaayna ti Anakna kadatayo, dinto kadi sisasagana a mangted met kadatayo iti isuamin?

1 Taga-Corinto 2:12

Saan a ti espiritu ti lubong ti inawattayo, no di ket ti Espiritu nga aggapu iti Dios tapno maawatantayo ti kaipapanan ti amin nga imparabur ti Dios kadatayo.

1 Taga-Corinto 3:12

Adda agaramat iti balitok, pirak wenno dagiti napateg a bato iti panagpatakderda iti rabaw ti fondasion. Kayo, ruot wenno garami ti usaren met ti dadduma.

1 Taga-Corinto 3:21

Ngarud, di koma pagpasindayag ti tao ti kabaelanna nga aramiden. Kinapudnona, kukuayo ti amin:

1 Taga-Corinto 3:5

Siasino aya ngamin da Apolos ken Pablo? Agpadpadakami nga agserserbi iti Dios. Babaen kadakami, namatikayo. Aramiden laeng ti tunggal maysa kadakami ti intalek ti Apo.

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:17

Idi nakitak, kaslaak la natay a napasag iti sakaananna. Impatayna kaniak ti makannawan nga imana ket kinunana: “Dika agbuteng! Siak ti Pangrugian ken ti Paggibusan.

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 10:6

Nagsapata iti nagan ti Dios a sibibiag nga agnanayon nga awan inggana, isu a namarsua iti langit, daga, taaw ken amin a linaonda. “Saanen a maitantan,” kinunana.

Paltiing 16:17

Kalpasanna, imbuyat ti maikapito nga anghel ti malukongna iti angin. Adda napigsa a timek a naggapu iti trono iti templo. “Nalpasen!” kinunana.

Paltiing 22:13

Siak ti Alfa ken ti Omega, ti umuna ken ti maudi, ti pangrugian ken ti panungpalan.”

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Paltiing 7:17

agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”