Paltiing 21:4 - Ti Baro a Naimbag a Damag Biblia

⁴ Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”

Ti Biblia (1973)

⁴ Ket punasennanto ti amin a lulua cadagiti matada; ket awanton ni patay; ket awanto met-ten ti sasaibbec, wenno sangsangit, wenno rigrigat; ta dagidi immuna a banbanag napalabasdan.

Paltiing 21:4 Iomraidhean Croise

Dagiti Salmo 144:4

Mayarig ti tao iti pul-oy ti angin; dagiti aldawna lumabas a kas anniniwan.

Isaias 25:8

Pukawennanto ti Apo a Dios ni patay iti agnanayon! Punasennanto amin a lua ti tunggal maysa ket ikkatennanto ti pakaibabainan a sinagaba dagiti tattaona iti sangalubongan. Ti Apo a mismo ti nagsao.

Isaias 30:19

Dakayo nga agnaed iti Jerusalem, dikayton agsangit. Manangngaasi ti Apo ket no umasugkayo nga agpatulong kenkuana, ipangagnakayo.

Isaias 35:10

Naragsakdanto a dumanon idiay Jerusalem; agkankanta ken agpukpukkawdanto gapu iti ragsakda. Naragsakdanto iti awan inggana, agnanayonto nga awan ti leddaang ken ladingitda.

Isaias 51:11

Siraragsakto a makadanon idiay Jerusalem dagiti inispalmo; agkakanta ken agpukpukkawdanto iti rag-o. Naragsakdanto iti agnanayon nga awan inggana. Pulos nga awanton ti ladingit ken leddaangda.

Isaias 60:20

Agpatingganton ti panagladladingitmo. Siak, ni Yahweh, ti agnanayon a silawmo; napapautto ti lawagko ngem ti init ken bulan.

Isaias 61:3

a mangted iti rag-o ken ragsak a di ket liday kadagiti agdungdung-aw iti Sion; mangted iti kanta a pagdaydayaw a saan ket a naladingit a kanta. Mayarigdanto kadagiti kaykayo nga immula ti Apo. Nalintegto ti aramid ti tunggal maysa, ket maidaydayawto ti Dios gapu iti aramidna.

Jeremias 31:12

Umaydanto agkanta a sirarag-o iti tapaw ti Bantay Sion. Maragsakandanto kadagiti sagsagutko a trigo, arak, ken lana, kadagiti karnero ken kadagiti baka. Kasdanto hardin a nasayaat ti pannakasibogna, addanto aminen a masapulda.

Jeremias 31:13

Agsalanto dagiti babbalasang ket agragsakdanto; dagiti babbaro ken dagiti lallakay agrag-odanto. Liwliwaekto ida ket agbalinto a rag-o ti leddaangda, agbalinto a ragsak ti ladingitda.

Oseas 13:14

Diak ispalen dagitoy a tattao manipud iti lubong dagiti natay wenno isalakan ida manipud iti bileg ni Patay? O Patay, yegmo dagiti angolmo! Lubong dagiti natay, yegmo ti panniludmo! Saankon a kaasian dagitoy a tattao.

San Mateo 24:35

Mapukawto ti langit ken ti daga, ngem pulos a dinto mapukaw dagiti saok.”

1 Taga-Corinto 15:26

Ni patay ti maudinto a kabusor a maparmek.

1 Taga-Corinto 7:31

dagiti agaramat kadagiti nailubongan a banag a kasla saan a dagitoy laeng ti ipangpangrunada. Ta saanen nga agbayag ti agdama a sasaaden daytoy lubong.

2 Taga-Corinto 5:17

Maysa a baro a parsua ti siasinoman a mainaig ken ni Cristo. Naglabasen dagiti daan a banag ket dimtengen dagiti baro.

2 Taga-Corinto 6:17

Isut' gapuna a kuna ti Apo: “Panawanyo ida ket suminakayo kadakuada. Diyo sagiden dagiti makatulaw a banag, Ket awatenkayto.

Hebreo 12:27

Ti sao a “maminsan pay” ipakitana a silalawag a madayyeg ken maikkatto dagiti naparsua a bambanag tapno dagitinto laeng saan a madayyeg ti mabati.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

1 Juan 2:17

Agpukaw ti lubong ken ti amin a linaonna nga aguman ti tao. Ngem agtalinaed nga agnanayon ti agaramid iti pagayatan ti Dios.

Paltiing 20:13

Inyula ti taaw dagiti natay nga adda kenkuana. Inyula met ni Patay ken ti Hades dagiti natay nga adda kadakuada. Naukomda amin kas mayannurot iti inaramidda.

Paltiing 20:14

Kalpasanna, naitappuak ni Patay ken ti Hades iti dan-aw ti apuy. (Daytoy a dan-aw ti apuy ti maikadua nga ipapatay.)

Paltiing 21:1

Kalpasanna, nakitak ti baro a langit ken ti baro a daga. Awanen ti immuna a langit ken ti immuna a daga. Awan metten ti taaw.

Paltiing 22:3

Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.

Paltiing 7:17

agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”