Paltiing 21:3 - Ti Baro a Naimbag a Damag Biblia

³ Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.

Ti Biblia (1973)

³ Ket nangngegco ti maysa a dackel a timec a naggapu iti trono nga agcuncuna: Adtoy ti tabernaculo ti Dios adda cadagiti tattao, ket isu makipagnaedto cadacuada, ket isudanto dagiti tattaona, ket ti Dios met laeng addanto cadacuada, a Dios da:

Paltiing 21:3 Iomraidhean Croise

1 Ar-ari 8:27

“Ngem pudno kadi, O Dios, nga agnaedka ditoy daga? No bassit ti langit ket dinaka malaon, kasano a malaonnaka daytoy Templo a binangonko?

2 Cronicas 6:18

“Ngem pudno aya a mabalin ti Dios ti makipagnaed kadagiti tattao ditoy daga? Di pay umanay ti entero a langit a manglaon kenka; kasano a malaonnaka daytoy Templo a binangonko?

Exodo 25:8

Masapul a yaramidandak dagiti tattao iti santuario tapno agnaedak kadakuada.

Exodo 29:45

Agtaengakto iti sidong dagiti Israelita ket siakto ti Diosda.

Isaias 12:6

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”

Jeremias 31:33

Inton dumteng dayta a tiempo, kastoyto ti pagtutulaganmi kadagiti Israelita: Ikabilkonto ti lintegko iti panunotda ket isuratkonto iti pusoda. Siakto ti Diosda ket isudanto dagiti tattaok.

Jeremias 32:38

Isudanto dagiti tattaok ket siakto ti Diosda.

Ezekiel 37:27

Sadiay, makipagnaedakto kadakuada. Siakto ti Diosda ket isudanto dagiti tattaok.

Ezekiel 43:7

Kinunana, “Anak ti tao, daytoy ti tronok. Makipagnaedak ditoy kadagiti Israelita ket iturayak ida iti agnanayon. Saanton a tulawan dagiti Israelita ken dagiti arida ti nasantoan a naganko babaen iti panagdaydayawda kadagiti didiosen wenno babaen iti panangipasdekda iti monumento dagiti natay nga arida.

Ezekiel 48:35

Agdagup iti 9,000 a metro ti kaatiddog ti bakud a nanglikmut iti siudad. “Adda-Ditoy-ti-Apo” ti nagan ti siudad manipud idin.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

Zacarias 8:8

Alaekto ida manipud iti daya ken laud ket isublikto ida idiay Jerusalem a pagnaedanda. Isudanto dagiti tattaok ket siakto ti Diosda. Iturayakto ida a sipupudno ken awan idumdumak.

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 14:23

“Ti agayat kaniak, tungpalennanto dagiti saok,” insungbat ni Jesus. “Ayatento ni Amak, ket siak ken ti Ama umaykamto agtaeng kenkuana.

2 Taga-Corinto 6:16

Kasano nga agkappia ti templo ti Dios ken dagiti didiosen? Ta datayo ti templo ti sibibiag a Dios. Kas kuna ti mismo a Dios: “Agyanakto iti sidongda ket makipagnaedakto kadakuada, Siakto ti Diosda ket isudanto dagiti tattaok.”

2 Taga-Corinto 6:18

Siakto ti amayo, Ket dakayto ti annakko, Kuna ti Mannakabalin-amin nga Apo.”

1 Taga-Tesalonica 3:11

Sapay koma ta ti mismo a Dios ken Amatayo, ken ni Apotayo a Jesus ti mangiturong iti dalanmi nga umay kadakayo!

Hebreo 11:16

Ngem tartarigagayanda ti nasaysayaat a lugar, kayatna a sawen, ti nailangitan a lugar. Isut' gapuna a saan a mabainan ti Dios no awaganda a Diosda agsipud ta insaganaanna ida iti maysa a siudad.

Hebreo 8:10

Daytoy ti baro a pannakitulagko kadagiti Israelita Kadagiti masakbayan nga aldaw, kuna ti Apo: Ikabilkonto dagiti linlintegko kadagiti isipda, Ket isuratkonto ida kadagiti pusoda. Siakto ti Diosda, Ket isudanto dagiti tattaok.

Hebreo 8:2

Agserserbi kas kangatoan a padi iti Kasasantoan a Disso, kayatna a sawen, ti napudpudno a tabernakulo a binangon ti Apo, saan a ti tao.

Paltiing 10:4

Idi malpas ti dulluog, agsuratak koman, ngem nangngegko ti maysa a timek a naggapu sadi langit. “Ilimedmo ti imbaga dagiti pito a gurruod,” kinunana. “Dimo isurat.”

Paltiing 10:8

Nagsao manen kaniak ti timek a nangngegko a naggapu sadi langit. Kinunana, “Inka alaen ti silulukat a pagbasaan iti ima ti anghel nga agtaktakder iti baybay ken iti daga.”

Paltiing 12:10

Kalpasanna, nangngegko ti maysa a napigsa a timek sadi langit. Kinunana, “Dimtengen ti panangisalakan ti Dios, ti pannakabalinna ken ti pagarianna! Ipabigbigen ti Cristona ti turayna iti sangalubongan. Ta napagtalawen sadi langit ti mangidardarum kadagiti kakabsattayo iti pammati iti aldaw ken rabii iti sangoanan ti Dios.

Paltiing 21:7

Daytoy ti gunggona ti agballigi: Siakto ti Diosna ket isunto ti anakko.

Paltiing 22:3

Awan sadiay ti aniaman nga inlunod ti Dios. Masarakan iti siudad ti trono ti Dios ken ti Kordero ket agdaydayawto kenkuana dagiti adipenna.

Paltiing 7:15

Dayta ti gapuna nga addada iti sangoanan ti trono ti Dios ket aldaw-rabii nga agserserbida kenkuana iti templona. Aywananto ida ti agtugtugaw iti trono.