Paltiing 21:23 - Ti Baro a Naimbag a Damag Biblia

²³ Saanen a masapul ti init ken ti bulan a manglawag iti siudad agsipud ta ti dayag ti Dios ti mangranraniag ket ti Kordero ti pagsilawan.

Ti Biblia (1973)

²³ Ket ti ciudad awan ti pacasapulanna iti init wenno iti bulan, tapno silnaganda: ta ti dayag ti Dios isu ti nanglawag kencuana, ket ti pagsilawanna isu ti Cordero.

Paltiing 21:23 Iomraidhean Croise

Dagiti Salmo 84:11

O Apo ken Diosmi, arigmo iti init ken kalasag; mangipaayka iti parabur ken dayaw. Dimo ipaidam ti nasayaat a banag kadagiti agaramid iti naimbag.

Isaias 2:10

Aglemmengdanto kadagiti rukib kadagiti kabatoan a turod wenno agkalida iti abut iti daga tapno maliklikanda ti pungtot ni Yahweh ken iti pannakabalin ken dayagna!

Isaias 2:19

Agkamangto dagiti tattao kadagiti rukib iti katurturodan wenno agkalida kadagiti abut iti daga tapno maliklikanda ti pungtot ni Yahweh wenno mailemmenganda ti pannakabalin ken dayagna inton umayna gunggonen ti daga.

Isaias 2:21

Inton umay gunggonen ni Yahweh ti daga, agkamangto dagiti tattao kadagiti abut ken rukib kadagiti katurturodan tapno maliklikanda ti pungtot ni Yahweh wenno mailemmenganda ti pannakabalin ken dayagna.

Isaias 24:23

Agsipngetto ti bulan ket saanton nga aglawag ti init, agsipud ta agarinton ti Apo a Mannakabalin-amin. Agturayto idiay Jerusalem, iti Bantay Sion, ket makitanto dagiti pangulo dagiti tattao ti dayagna.

Isaias 30:26

Kaslanto raniag ti init ti raniag ti bulan. Mamimpitonto met ti karaniag ti init ngem ti sigud a raniagna, kas iti agtitipon a raniagna iti pito nga aldaw. Mapasamakto amin dagitoy inton bedbedan ken agasan ti Apo dagiti sugat nga impalak-amna kadagiti tattaona.

Habakuk 3:3

Umay manen ti Dios manipud Teman; umay ti Nasantoan a Dios manipud kadagiti turod ti Paran. Abbongan ti dayagna ti tangatang; mapno ti daga iti pannakaidaydayawna.

San Mateo 16:27

Ta dandanin umay ti Anak ti Tao agraman dagiti anghelesna. Umay iti dayag ni Amana, ket gunggonaannanto ti tunggal maysa kas mayannatup kadagiti aramidna.

San Marcos 8:38

Ngarud, ti mangibain kaniak ken dagiti saok iti daytoy managbasol ken awanan pammati a kaputotan, ibainto met ti Anak ti Tao inton umay iti dayag ni Amana a kuyogen dagiti nasantoan nga angheles.”

San Lucas 2:32

Maysa a silaw a mangipakaammo kadagiti Hentil ti pagayatam. Ken mangyeg iti dayaw iti ilim nga Israel.”

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 1:18

Awan pay ti nakakita iti Dios. Ti laeng Bugbugtong nga Anak, a kadua ti Ama, isu ti nangipakaammo kenkuana.

San Juan 1:4

Ti Sao isu ti gubbuayan ti biag, ket daytoy a biag isu ti silaw dagiti tattao.

San Juan 1:9

Daytoy ti pudno a silaw, ti silaw nga umay ditoy lubong ken manglawag kadagiti amin a tattao.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

San Juan 5:23

tapno padayawan dagiti amin a tattao ti Anak a kas iti panangpadayawda iti Ama. Ti saan a mangpadayaw iti Anak, saanna met a padayawan ti Ama a nangibaon kenkuana.

Dagiti Aramid 22:11

“Diak makakita gapu iti makasisirap a lawag, ket kinibindak dagiti kakaduak nga inturong idiay Damasco.

Paltiing 14:4

Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.

Paltiing 18:1

Kalpasanna, nakitak ti sabali nga anghel a bumabbaba manipud langit. Adda dakkel a turayna ket rinaniagan ti dayagna ti entero a daga.

Paltiing 21:11

Agranraniag daytoy gapu iti dayag ti Dios. Agrimatrimat a kas iti alahas a haspe ken aganninaw a kas iti kristal.

Paltiing 21:25

Agmalmalem a silulukat dagiti ruangan ti siudad agsipud ta awanen ti rabii sadiay.

Paltiing 22:5

Awan ti rabii sadiay ket didanto masapul ti pagsilawan wenno ti lawag ti init agsipud ta ni Apo Dios ti silawdanto ket agaridanto iti agnanayon nga awan inggana.

Paltiing 5:6

Kalpasanna, nakitak ti maysa a Kordero nga agtaktakder iti tengnga ti trono a linikmut dagiti uppat a sibibiag a parsua ken dagiti panglakayen. Kasla napapatay ti Kordero. Pito ti sarana ken addaan iti pito a mata nga isu dagiti pito nga espiritu ti Dios nga imbaonna iti entero a lubong.

Paltiing 7:17

agsipud ta pastordanton ti Kordero nga adda iti tengnga ti trono. Iturongnanto ida kadagiti ubbog ti danum a sibibiag. Punasento ti Dios dagiti amin a luada.”