Paltiing 21:2 - Ti Baro a Naimbag a Damag Biblia

² Ket nakitak ti Nasantoan a Siudad, ti baro a Jerusalem, a bumabbaba manipud langit nga aggapu iti Dios, a kas iti babai a nakawesan nga agkasar ken mangpadpadaan iti lalaki a mangikallaysa kenkuana.

Ti Biblia (1973)

² Ket nakitac ti santo a ciudad ti baro a Jerusalem, a bimmaba, manipud langit nga aggapu iti Dios, a naisagana a cas la maysa a novia a naarcosan a maipaay iti noviona.

Paltiing 21:2 Iomraidhean Croise

Dagiti Salmo 87:3

Denggem, O Siudad ti Dios, dagiti nakaskasdaaw nga ibagana maipapan kenka:

Isaias 1:21

Daydi siudad a napudno, awanen dumana iti balangkantis a babai! Nagtaeng idi sadiay dagiti nalinteg a tattao, ngem ita, pasig a mammapatay ti nabati.

Isaias 52:1

Jerusalem, bumilegka ket ipakitam ti kinatan-okmo manen! Nasantoan a siudad ti Dios, yarruatmo ti nadaeg a kawesmo! Dinton sumrek kadagiti ruanganmo dagiti saan a mamati iti Dios.

Isaias 54:5

Kaslanto maysa nga asawa ti pannakilangen kenka ti Namarsua— Apo a Mannakabalin-amin ti naganna. Isalakannakanto ti Nasantoan a Dios ti Israel— isu ti agturay iti entero a lubong.

Isaias 61:10

Agrag-o ti Jerusalem gapu iti inaramid ni Yahweh. Mayarig iti babai a nakawesan iti aldaw a panagkasarna. Kinawesan ti Dios iti pannakaisalakan ken balligi!

Isaias 62:4

Saankanton a maawagan iti “Nabaybay-an,” dinto met maawagan ti dagam iti “Asawa a Napanawan.” Baro a naganmonto ti “Isu ti Ipangpangruna ti Dios.” Maawaganto ti dagam iti “Naragsak a Naasawaan,” gapu ta maragsakan ti Apo kenka, ket ibilangnanto ti dagam a kas asawa.

Jeremias 31:23

Kastoy ti kuna ni Yahweh a Mannakabalin-amin a Dios ti Israel, “Inton isublik dagiti tattao iti dagada, kunadanto idiay Juda ken kadagiti il-ilina, ‘Bendisionan koma ti Apo ti nasantoan a turod ti Jerusalem, ti nasantoan a lugar a pagtaenganna.’

San Juan 3:29

Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

2 Taga-Corinto 11:2

Agimonak kadakayo, kas iti panagimon ti Dios. Mayarigkayo iti natarnaw a balasang nga intulagko a mayasawa laeng ken ni Cristo.

Hebreo 11:10

Ta paspasungaden idi ni Abraham ti siudad a binangon ken inaramid ti Dios—ti siudad a nabangon iti mataginayon a fondasion.

Hebreo 11:16

Ngem tartarigagayanda ti nasaysayaat a lugar, kayatna a sawen, ti nailangitan a lugar. Isut' gapuna a saan a mabainan ti Dios no awaganda a Diosda agsipud ta insaganaanna ida iti maysa a siudad.

Hebreo 12:22

Immasidegkayo ketdi iti Bantay Sion ken iti siudad ti sibibiag a Dios, ti nailangitan a Jerusalem a yan dagiti rinibribu nga angheles.

Hebreo 13:14

Ta awan ti permanente a siudadtayo ditoy daga. Birbirokentayo ti maysa a siudad nga umayto iti masakbayan.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,

Paltiing 1:4

Siak, ni Juan: Kablaawak dagiti pito nga iglesia iti probinsia ti Asia. Adda koma kadakayo ti parabur ken talna nga aggapu iti Dios nga adda ita, adda idi ken umayto. Aggapu met daytoy kadagiti pito nga espiritu iti sangoanan ti tronona.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 11:2

Ngem dimo rukrukoden ti akinruar a paraangan ti templo agsipud ta naited daytoy kadagiti pagilian—baddebaddekandanto ti Nasantoan a Siudad iti las-ud ti tallo ket gudua a tawen.

Paltiing 21:10

Addaak iti pannakabalin ti Espiritu ket impannak ti anghel iti rabaw ti nakangatngato a bantay. Impakitana kaniak ti Jerusalem, ti Nasantoan a Siudad a bumabbaba manipud langit nga aggapu iti Dios.

Paltiing 21:9

Inasitgannak ti maysa kadagiti pito nga angheles nga addaan iti pito a malukong a napno kadagiti pito a maudi a didigra. “Umayka,” kinunana, “ket ipakitak kenka ti babai nga ikasar ti Kordero.”

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

Paltiing 22:19

Ket no adda mangikkat iti aniaman kadagiti padto a naisurat iti daytoy, ikkatento met ti Dios ti kalinteganna a mairanud iti kayo ti biag. Ikkatento pay ti Dios ti kalinteganna a mairaman iti Nasantoan a Siudad kas nailanad iti daytoy a libro.

Paltiing 3:12

“Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.