Paltiing 21:14 - Ti Baro a Naimbag a Damag Biblia

¹⁴ Nabangon ti bakud ti siudad iti sangapulo ket dua a bato a nakaisuratan ti nagan dagiti sangapulo ket dua nga apostoles ti Kordero.

Ti Biblia (1973)

¹⁴ Ket daydi bacud ti ciudad adda sangapulo ket dua a pamunganayanna ket cadacuada adda dagiti nagnagan dagiti sangapulo ket dua nga apostol ti Cordero.

Paltiing 21:14 Iomraidhean Croise

Isaias 54:11

Kuna ti Apo, “Nakaay-ay-ay ken agsagsagabaka, O Jerusalem, siudad nga awan ti mangliwliwa. Bangonek manen dagiti fondasionmo, agkakapateg a bato ti pangtarimaanko.

San Mateo 16:18

Ibagak ngarud kenka a sika ket Pedro. Iti rabaw daytoy a bato, bangonekto ti iglesiak ket uray ni patay dinto agballigi kenkuana.

Dagiti Aramid 1:26

Nagbibinnunotda ket napili ni Matias. Nainayon kadagiti sangapulo ket maysa nga apostoles.

Taga-Galacia 2:9

Binigbig da Santiago, Pedro ken Juan a maibilang a papangulo nga intalek ti Dios kaniak daytoy naisangsangayan a trabaho. Daytoy ti gapuna a linamanodakami ken ni Bernabe kas pakakitaan iti panagkakaduami. Nagaanamonganmi nga agtrabahokami kadagiti Hentil ket agtrabahoda met kadagiti Judio.

Taga-Efeso 2:20

Nabangonkayo met iti rabaw ti fondasion nga impasdek dagiti apostoles ken dagiti profeta, ket ni Cristo a mismo ti kangrunaan a pasuli.

Taga-Efeso 3:5

Saan a naipakaammo idi daytoy a palimed iti sangkataoan, ngem imparangarangen ti Dios babaen iti Espiritu kadagiti nasantoan nga apostoles ken profetana.

Taga-Efeso 4:11

Isu ti “nagited iti sagsagut iti sangkataoan.” Dinutokanna ti sumagmamano nga agbalin nga apostoles, ti dadduma profeta, ti dadduma ebanghelista, ti dadduma pastor ken maestro.

Hebreo 11:10

Ta paspasungaden idi ni Abraham ti siudad a binangon ken inaramid ti Dios—ti siudad a nabangon iti mataginayon a fondasion.

San Judas 1:17

Ay-ayatek a gagayyem, laglagipenyo dagiti impakdaar idi un-unana dagiti apostoles ni Apo Jesu-Cristo.

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

Paltiing 21:13

Tallo ti ruangan ti tunggal benneg ti bakud: tallo iti daya, tallo iti abagatan, tallo iti amianan ken tallo iti laud.