Paltiing 21:1 - Ti Baro a Naimbag a Damag Biblia

¹ Kalpasanna, nakitak ti baro a langit ken ti baro a daga. Awanen ti immuna a langit ken ti immuna a daga. Awan metten ti taaw.

Ti Biblia (1973)

¹ Ket nakitac ti maysa a langit a baro ken maysa a daga a baro; ta daydi immuna a langit ken daydi immuna a daga napalabasdan, ket ti baybay awanen.

Paltiing 21:1 Iomraidhean Croise

Isaias 27:1

Iti dayta nga aldaw, usarento ti Apo ti nabileg ken makapatay a kampilanna a pangdusa iti Leviatan, dayta agkalkalawikiw ken agtirtiritir a dragon, ket gudasenna dayta nakabutbuteng a parsua nga agnaed iti taaw.

Isaias 51:11

Siraragsakto a makadanon idiay Jerusalem dagiti inispalmo; agkakanta ken agpukpukkawdanto iti rag-o. Naragsakdanto iti agnanayon nga awan inggana. Pulos nga awanton ti ladingit ken leddaangda.

Isaias 57:20

Ngem mayarig dagiti managdakdakes iti nadawel a taaw a di agsardeng ti panagdalluyonna, ket mangyeg iti rugit ken pitak.

Isaias 66:22

“Kas iti panagpaut ti baro a langit ken ti baro a daga babaen iti bilegko, kastanto met ti panagpaut dagiti kaputotanyo ken ti naganyo.

Daniel 7:3

Manipud iti taaw, timpuar ti uppat a narungsot nga animal. Agdudumada iti langa.

Taga-Roma 8:21

Addanto aldaw a mawayawayaan met laeng ti amin a parsua iti nakatagabuanda a panagrupsa, ket mairanuddanto iti nagloriaan a pannakawayawaya dagiti annak ti Dios.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

2 Pedro 3:13

Ngem namnamaentayo ti inkari ti Dios: ti baro a langit ken ti baro a daga a pagnaedanto ti kinalinteg.

Paltiing 13:1

Nakitak ti maysa a narungsot nga animal a rumrumkuas iti taaw. Pito ti ulona ket sangapulo met ti sarana. Nagkorona ti tunggal sara ket iti tunggal ulo, adda dagiti naisurat a nagan a nanglais iti Dios.

Paltiing 20:11

Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Paltiing 21:5

Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”

Paltiing 6:14

Nagpukaw ti langit a kas iti pagbasaan a kellaat a nalukot ket nayalis iti ayanda dagiti amin a bambantay ken purpuro.