Paltiing 20:9 - Ti Baro a Naimbag a Damag Biblia

⁹ Nagwarasda iti sangalubongan ket linakubda ti kampo dagiti tattao ti Dios ken ti inay-ayatna a siudad. Ngem nagtudo iti apuy manipud langit a nangibus kadakuada.

Ti Biblia (1973)

⁹ Ket nagwarasda iti naglawaan ti daga, ket linawlawda daydi campamento dagiti sasanto iti aglicmut, ken ti ciudad nga ay-ayaten; ket bimmaba ti apuy sadi langit, ket inalun-unna ida.

Paltiing 20:9 Iomraidhean Croise

Genesis 19:24

Pagammoan, pinagtudo ni Yahweh iti apuy ken asufre kadagiti siudad ti Sodoma ken Gomorra.

2 Ar-ari 6:15

Kabigatanna, nasapa a nakariing ti adipen ni Eliseo. Idi rimmuar iti balay, nakitana ti armada ti Siria agraman dagiti kabalio ken dagiti lugan a pakigubat iti lawlaw ti ili. Napan ken ni Eliseo ket kinunana, “Mataytayon, apo! Ania ti aramidentayo?”

Ti Libro ni Job 38:18

Ammom kadi ti kadakkel ti lubong? Sungbatannak man no ammom.

Dagiti Salmo 106:18

Bimmaba ti apuy kadagiti pasurotda, ket dagiti dakes a tattao naikisapda.

Dagiti Salmo 87:2

Ad-adda ti panagayat ti Apo iti Sion ngem iti aniaman a siudad ti Israel.

Dagiti Salmo 97:3

Adda apuy a magmagna iti sangona; uramenna dagiti kabusorna iti likmutna.

Isaias 30:33

Idi un-unana, addan naisagana a lugar a pakapuoran iti ari ti Asiria. Nauneg ken nalawa daytoy a disso a nakatuontuonan ti adu a kayo. Ket arigto iti gumilgil-ayab nga asufre ti anges ti Apo a mangpasged kadagiti kayo.

Isaias 37:36

Napan ti anghel ni Yahweh iti kampo dagiti taga-Asiria ket pinatayna ti 185,000 a mannakigubat. Iti parbangon iti sumuno nga aldaw, napasagda amin sadiay!

Ezekiel 38:16

Rautemto dagiti tattaok nga Israelita; kaskanto la bagio nga aglasat iti daga. Inton dumteng dayta a tiempo, ibaonkanto a mangsakup iti dagak tapno maiparangarang kadagiti nasion no siasinoak ken tapno maipakita ti kinasantok iti panangaramatko kenka.

Ezekiel 38:22

Dusaekto babaen iti angol ken gubat. Idissuorkonto kenkuana ti bumayakabak a tudo, uraro, apuy ken asufre, kasta met iti armadana ken iti adu a nasion a kakaduana.

Ezekiel 38:9

Dumarupto a kasla bagio, agraman ti armadana ken dagiti adu a nasion a kimmuyog kenkuana, ket agsaknapdanto a kasla ulep iti daga.”

Ezekiel 39:6

Irugikto ti agpuor idiay Magog ken kadagiti lugar iti igid ti baybay a pagnaedan dagiti saan a masingsinga a tattao ket maammoanto ti amin a siak ni Yahweh.

Mikias 2:13

Luktanto ti Dios ti ruangan ket iruarna ida. Agdadarisondanto iti ruangan ti siudad ket rummuarda a siwawaya. Ninto Yahweh nga arida ti mangidalan kadakuada.

Habakuk 1:6

Pagturayek dagiti taga-Babilonia, dagiti tattao a naranggas ken darasudos. Agdakiwasda iti entero a daga tapno parmekenda dagiti sabali a pagilian.

Numero 11:1

Rinugian dagiti tattao ti agreklamo ken ni Yahweh gapu iti rigat a naglasatanda. Idi mangngeg ni Yahweh ti asugda, nakapungtot ket indissuorna ti apuy kadagiti tattao. Rimsua ti uram iti ayanda ket dinadaelna ti maysa a pungto ti kampo.

Numero 16:35

Kalpasanna, nangyeg ni Yahweh iti apuy a gimmil-ayab ken nangikisap kadagiti 250 a lallaki a nagpuor iti insenso.

San Lucas 17:29

Idi aldaw nga ipapanaw ni Lot idiay Sodoma, nagtudo iti apuy ken asufre manipud langit a nangpatay kadakuada amin.

San Lucas 19:43

Dumtengto dagiti aldaw a bangenandaka dagiti kabusormo. Lakuben ken darupendakanto iti amin a suli.

San Lucas 21:20

“Inton makitayo ti Jerusalem a linakub dagiti armada, ammoyon nga asidegen ti pannakadadaelna.

San Lucas 9:54

Idi makita daytoy da Santiago ken Juan nga adalanna, kinunada, “Apo, kayatmo nga awaganmi a bumaba ti apuy sadi langit tapno uramenna ida?”

Deuteronomio 23:14

Pagtalinaedenyo a nadalus ti kampoyo gapu ta adda ti Apo a Diosyo iti kampoyo a mangsalaknib kadakayo ken mangparmek kadagiti kabusoryo. Dikay agaramid iti aniaman a naalas a panggapuan ti Apo a mangbaybay-a kadakayo.

2 Taga-Tesalonica 1:8

Babaen iti gumilgil-ayab nga apuy, dusaennanto dagiti di mangbigbig iti Dios ken dagiti di agtulnog iti Naimbag a Damag maipapan ken ni Apotayo a Jesus.

Hebreo 13:13

Ngarud, mapantayo kenkuana iti ruar ti kampo ket sagabaentayo met ti pannakaibabainna.

Paltiing 11:5

No adda mangranggas kadakuada, rummuar ti apuy iti ngiwatda ket dadaelenda dagiti kabusorda. Kasta ti pannakapapatay ti siasinoman nga agpanggep a mangranggas kadakuada.

Paltiing 13:13

Nagiparang kadagiti nakaskasdaaw a pagilasinan ti maikadua a narungsot nga animal. Iti imatang ti amin, pinagtinnagna ditoy daga ti apuy manipud langit.