Paltiing 20:4 - Ti Baro a Naimbag a Damag Biblia

⁴ Ket nakakitaak kadagiti trono. Naikkan dagiti nakatugaw sadiay iti pannakabalin a mangukom. Nakitak met dagiti kararua dagiti napapatay gapu iti panangpaneknekda ken ni Jesus ken iti panangipakaammoda iti sao ti Dios. Saanda a nagrukbab iti narungsot nga animal wenno iti ladawanna. Saanda a pinaikkan dagiti muging ken imada iti marka ti narungsot nga animal. Nagungarda ket nakipagturayda ken ni Cristo iti unos ti 1,000 a tawen.

Ti Biblia (1973)

⁴ Ket nakitac dagiti trono; ken dagiti nagtugaw cadacuada; ket naitalec cadacuada ti panangocom ket dagiti carcararua dagiti naputulan gapu iti pammanecnec ken Jesus ken gapu iti sao ti Dios, ken dagup dagiti saan a nagdaydayaw idi animal ken iti ladawanna ken saan a mamarcaan cadagiti mugmugingda ken iti imada; ket dagitoy nagbiagda, ket nakipagarida ken Cristo iti sangaribo a tawen.

Paltiing 20:4 Iomraidhean Croise

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Daniel 7:18

Awatento dagiti tattao ti Kangatoan a Dios ti pannakabalin a mangituray iti pagarian ket tagikuaendanto iti agnanayon nga awan inggana.”

Daniel 7:22

Kalpasanna, dimteng ti sibibiag iti agnanayon ket inkalinteganna dagiti tattao ti Kangatoan a Dios. Dimtengen ti tiempo a panangawat dagiti tattao ti Dios iti pannakabalin a mangituray iti pagarian.

Daniel 7:27

Maitedto ti pannakabalin ken ti kinatan-ok dagiti amin a pagarian ditoy lubong kadagiti tattao ti Kangatoan a Dios. Agturaydanto iti agnanayon ket agserbi ken agtulnogto kadakuada dagiti amin a pagarian ditoy daga.”

Daniel 7:9

Bayat ti panagbuybuyak, adda nangikabil kadagiti trono. Nagtugaw iti maysa kadagitoy ti maysa a sibibiag iti agnanayon. Napudaw a kas iti niebe ti kawesna, ket kasla puro a de lana ti buokna. Gumilgil-ayab ti tronona a naisaad kadagiti dumardarang a pilid.

Malakias 4:5

“Ngem sakbay a dumteng ti naindaklan ken nakaal-alliaw nga aldaw ni Yahweh, ibaonkonto ni profeta Elias kadakayo.

San Mateo 19:28

Kinuna ni Jesus kadakuada, “Ibagak daytoy kadakayo: Inton agtugaw ti Anak ti Tao iti nagloriaan a tronona iti baro a lubong, dakayo a simmurot kaniak, agtugawkayto met kadagiti sangapulo ket dua a trono a mangituray kadagiti 12 a tribu ti Israel.

San Mateo 24:10

Iti dayta a tiempo, adunto dagiti mangtallikud iti pammatida. Aglilinniput ken aggiginnuradanto.

San Marcos 6:16

Idi mangngeg daytoy ni Herodes, kinunana, “Isu dayta ni Juan a pinaputolak ngem napagungar!”

San Marcos 6:27

Iti kasta, binilinna a dagus ti maysa a guardia nga yegna ti ulo ni Juan. Napan ti guardia idiay pagbaludan ket pinutolanna ni Juan.

San Marcos 9:11

Inimtuodda kenkuana, “Apay a kuna dagiti mamaestro iti Linteg a masapul nga umay nga umuna ni Elias?”

San Lucas 1:17

Umun-unanto a maibaon ngem ti Apo. Nabileg ken mannakabalinto a kas ken ni profeta Elias. Pagtutunosennanto manen dagiti amma ken dagiti annak. Pagsubliennanto iti kinalinteg dagiti nasukir. Isaganananto dagiti tattao a maipaay iti Apo.”

San Lucas 14:14

Nagasatkanto, ta didaka masupapakan. Ngem gunggonaannakanto ti Dios inton agungar dagiti nalinteg a tattao.”

San Lucas 22:30

Mangan ken uminumkayto iti lamisaanko iti Pagariak ken agtugawkayo kadagiti trono a mangituray kadagiti sangapulo ket dua a tribu ti Israel.”

San Juan 14:19

Bassit laengen a tiempo ket dinakto makitan ti lubong, ngem dakayo, makitadakto. Ket gapu ta agbiagak, agbiagkayto met.

Taga-Roma 11:15

Idi nailaksidda, nagbalin ti sangkataoan a gayyem ti Dios. Anianto ngarud inton awaten ida ti Dios? Mayarigto iti panagungar kadagiti natay!

Taga-Roma 8:17

Agsipud ta annaknatayo, tagikuaentayto dagiti iduldulinna a bendision nga agpaay kadagiti tattaona. Makipagtagikuatayto met ken ni Cristo kadagiti indulin ti Dios nga agpaay kenkuana. Ta no mairanudtayo iti panagsagaba ni Cristo, mairanudtayto met iti dayagna.

2 Timoteo 2:12

No makaibturtayo, makipagturaytayto met kenkuana. No kunatayo a saantayo nga am-ammo, kunananto met a dinatay am-ammo.

Paltiing 1:2

ket impakaammo ni Juan ti amin a nakitana. Daytoy ti pammaneknekna maipapan iti mensahe a naggapu iti Dios ken iti kinapudno nga impakaammo ni Jesu-Cristo.

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 11:11

Ngem kalpasan ti tallo ket gudua nga aldaw, pinagungar ida ti Dios ket timmakderda. Kasta unay ti buteng dagiti nakaimatang kadakuada.

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 11:3

Nupay kasta, ikkakto ti pannakabalin dagiti dua a saksik a nakakawes iti nakersang a lupot ket ipakaammodanto ti mensahe ti Dios iti uneg ti 1,260 nga aldaw.”

Paltiing 11:7

Inton maipakaammo dagiti dua a saksi ti mensaheda, rummuarto ti narungsot nga animal iti nakaun-uneg a yuyeng tapno gubatenna ida. Parmeken ken papatayennanto ida.

Paltiing 12:11

Pinarmek dagiti kakabsattayo babaen iti dara ti Kordero ken iti panangsaksida iti pudno. Siaayatda a mangipatli iti biagda gapu iti pammatida.

Paltiing 14:11

Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Paltiing 15:2

Ket nakitak ti kasla taaw a kristal a gumilgil-ayab. Nakitak pay dagiti nangparmek iti narungsot nga animal ken iti ladawanna, agraman iti animal a numero ti kaibatogan ti naganna. Agtatakderda iti igid ti taaw a kristal; ig-iggamanda dagiti arpa nga inted ti Dios kadakuada.

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 2:26

Ti agballigi nga agtungpal iti pagayatak agingga iti panungpalan, ikkakto iti pannakabalin a kas iti inawatko ken ni Amak: Pagturayekto kadagiti nasion

Paltiing 20:6

Nagasat ken nasantoan dagiti mairaman iti umuna a pannakapagungar. Awan pannakabalin ti maikadua nga ipapatay kadakuada. Agbalindanto a papadi ti Dios ken ni Cristo, ket makipagturaydanto kenkuana iti 1,000 a tawen.

Paltiing 22:5

Awan ti rabii sadiay ket didanto masapul ti pagsilawan wenno ti lawag ti init agsipud ta ni Apo Dios ti silawdanto ket agaridanto iti agnanayon nga awan inggana.

Paltiing 3:21

“Ti agballigi, ikkakto iti kalintegan nga agtugaw iti dennak iti tronok, kas kaniak a nagballigi, ket ita, agtugtugawak iti abay ni Amak iti tronona.

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 6:9

Inikkat ti Kordero ti maikalima a timbre. Nakitak iti sirok ti altar dagiti kararua dagiti napapatay gapu ta impakaammoda ti sao ti Dios ken napudnoda idi iti panagsaksida.

Paltiing 7:3

“Saanyo pay a dadaelen ti daga, ti taaw wenno dagiti kayo; urayenyo a malpas ti panangmarkami kadagiti muging dagiti adipen ti Diostayo.”