Paltiing 20:3 - Ti Baro a Naimbag a Damag Biblia

³ Intappuakna iti nakaun-uneg a yuyeng. Rinikpan ken tinimbreanna ti wangawangan tapno saan a makaruar ti dragon ken mangallilaw kadagiti pagilian. Inton aggibus ti 1,000 a tawen, masapul a mawayawayaan iti apagbiit a tiempo.

Ti Biblia (1973)

³ Ket isu ingarangogongna iti abut a mangliwengliweng, ket inrikepanna ken sinelloanna ti rabawna, tapno dina allilawenen dagiti pagpagarian agingga iti maturpos dagiti sangaribo a tawen; ket inton maturpos daytoy, masapul a maluc-atan iti bassit a canito.

Paltiing 20:3 Iomraidhean Croise

Dagiti Salmo 90:4

Ti sangaribu a tawen kenka, mayarigda iti maysa nga aldaw. Kasla kalman a napalabas, kas nabiit a panagbantay iti rabii.

Daniel 6:17

Nangalada iti bato ket inserrada iti ngarab ti rukib. Tapno awan ti makaisalakan ken ni Daniel, tinimbrean ti ari iti bukodna a selio, kasta met iti selio dagiti papangulo.

San Mateo 24:24

Ta agparangto dagiti sinan-Cristo ken dagiti sinan-profeta, ket agipakitadanto kadagiti datdatlag ken nakaskasdaaw a banag tapno, no mabalin, yaw-awanda uray dagiti pinili ti Dios.

San Mateo 27:66

Iti kasta, pimmanawda ket napanda sinerraan a naimbag ti tanem babaen iti panangmarkada iti bato a rikepna, ket nangibatida kadagiti soldado a mangguardia.

San Marcos 4:15

Dagiti bukel nga agdisso iti dalan mayarigda kadagiti tattao a makangngeg iti sao ti Dios; apaman a mangngegda, umay ni Satanas ket ikkatenna ti mensahe kadakuada.

San Lucas 8:31

Dinawat dagiti demonio ken ni Jesus a dina ibaon ida iti yuyeng.

2 Taga-Corinto 11:3

Maamakak amangan no masabidongan ti panunotyo ket laksidenyo ti naan-anay ken nasin-aw a panagtulnogyo ken ni Cristo—kas iti pannakaallilaw ni Eva babaen iti nasikap nga uleg.

2 Pedro 3:8

Ngem, gagayyemko, diyo liplipatan ti maysa a banag! Iti imatang ti Apo, awan paggiddiatan ti maysa nga aldaw ken sangaribu a tawen. Agpadpada dagitoy kenkuana.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 20:1

Nakitak ti maysa nga anghel a bumabbaba manipud langit. Iggemna ti maysa a dakkel a kawar ken ti tulbek ti nakaun-uneg a yuyeng.