Paltiing 20:13 - Ti Baro a Naimbag a Damag Biblia

¹³ Inyula ti taaw dagiti natay nga adda kenkuana. Inyula met ni Patay ken ti Hades dagiti natay nga adda kadakuada. Naukomda amin kas mayannurot iti inaramidda.

Ti Biblia (1973)

¹³ Ket ti baybay inyawatna dagiti natay nga addada kencuana, ket ni patay ken ti Hades inyawatda dagiti natay nga adda idi cadacuada: ket naocomda tunggal maysa cas mayannurot cadagiti aramidna.

Paltiing 20:13 Iomraidhean Croise

Isaias 26:19

Agbiagto manen dagiti natay kadagiti tattaomi! Agbiagto dagiti bangkayda! Agriingto dagiti matmaturog iti tanemda; bumangondanto a mangikankanta iti ragsakda! Kas iti pannakapabang-ar ti daga gapu iti linnaaw, kasta met ti panangpagungar ni Yahweh kadagiti nabayagen a natay.

Oseas 13:14

Diak ispalen dagitoy a tattao manipud iti lubong dagiti natay wenno isalakan ida manipud iti bileg ni Patay? O Patay, yegmo dagiti angolmo! Lubong dagiti natay, yegmo ti panniludmo! Saankon a kaasian dagitoy a tattao.

San Mateo 11:23

“Ket sika met, Capernaum, kayatmo kadi ti maitan-ok sadi langit? Saan a mabalin! Maitappuakkanto idiay infierno! No idiay koma Sodoma ti nakaaramidan dagiti milagro a naaramid iti yanmo, adda koma pay laeng ita ti Sodoma.

San Mateo 16:27

Ta dandanin umay ti Anak ti Tao agraman dagiti anghelesna. Umay iti dayag ni Amana, ket gunggonaannanto ti tunggal maysa kas mayannatup kadagiti aramidna.

1 Taga-Corinto 15:26

Ni patay ti maudinto a kabusor a maparmek.

Paltiing 1:18

Siak ti sibibiag! Natayak idi, ngem kitaem, sibibiagak iti agnanayon nga awan inggana. Adda kaniak dagiti tulbek ni Patay ken ti Hades.

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.

Paltiing 20:12

Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:14

Kalpasanna, naitappuak ni Patay ken ti Hades iti dan-aw ti apuy. (Daytoy a dan-aw ti apuy ti maikadua nga ipapatay.)

Paltiing 21:4

Punasennanto dagiti luada. Awanton ti patay, ladingit, sangsangit wenno ut-ot agsipud ta limmabasen dagiti immun-una a banag.”

Paltiing 6:8

Adda nakitak a kabalio a nabessag ti kolorna. Patay ti nagan ti nakasakay, ket sumursurot kenkuana ti Hades. Naikkanda iti pannakabalin a mangituray iti apagkapat a paset ti daga, a pumatay babaen iti gubat, bisin, sakit ken kadagiti atap nga animal ti daga.