Paltiing 20:12 - Ti Baro a Naimbag a Damag Biblia

¹² Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Ti Biblia (1973)

¹² Ket nakitac dagiti natay, babassit ken dadackel, a nagtatacder iti sangoanan di trono; ket nabistrad dagiti pagbasaan; nabistrad met ti sabali a pagbasaan, nga isu ti pagbasaan ti biag, ket dagiti natay naocomda cadagiti banbanag a naisurat cadagiti pagbasaan cas mayannurot cadagiti aramidda.

Paltiing 20:12 Iomraidhean Croise

Dagiti Salmo 28:4

Dusaem ida gapu iti inaramidda, gapu iti amin a dakes a gapuananda. Wen, dusaem ida gapu iti aramidda; ipaaymo ti rumbeng a dusada!

Dagiti Salmo 62:12

ken saan nga agbalbaliw ti ayatna. Sika, O Apo, gunggonaam ti tunggal maysa kas mayannurot iti aramidna.

Dagiti Salmo 69:28

Iti libro dagiti sibibiag mapunas koma ti naganda; iti listaan dagiti tattaom, mailaksidda koma.

Dagiti Proverbio 24:12

Nalabit a kunam nga awan bibiangmo, ngem ammo ti Dios ti adda iti panunotmo ket ammona dagiti panggepmo, ta kanayon a sipsiputannaka. Supapakanna dagiti tattao kadagiti aramidda.

Dagiti Proverbio 24:29

Dimo kunaen, “Aramidek kenkuana ti inaramidna kaniak tapno makabalesak!”

Eclesiastes 12:14

Ukomento ti Dios dagiti amin nga aramidtayo, naimbag man wenno dakes, uray pay dagiti naaramid iti nalimed.

Jeremias 17:10

Siak, ni Yahweh, ammok ti pampanunoten ti tao; sukimatek ti naguneg iti pusona. Supapakak ti siasinoman a tao, kas mayannurot iti panagbiagna, ket gunggonaak kas mayannurot iti aramidna.”

Jeremias 32:19

Nainsiriban dagiti planom ket naindaklan dagiti aramidmo. Makitam dagiti aramid dagiti tattao ket gunggonaam ida kas mayannatup iti panagbiag ken aramidda.

Daniel 7:10

Agay-ayus nga apuy ti aggapu iti trono. Rinibribu dagiti agserserbi kenkuana ket linaklaksa dagiti adda iti sangoananna. Nangrugi ti panangukom ket naluktan dagiti libro.

San Mateo 11:22

Laglagipenyo ngarud nga inton Aldaw ti Panangukom, nalaglag-anto ti panangdusa ti Dios iti Tiro ken Sidon ngem ti panangdusana kadakayo.

San Mateo 16:27

Ta dandanin umay ti Anak ti Tao agraman dagiti anghelesna. Umay iti dayag ni Amana, ket gunggonaannanto ti tunggal maysa kas mayannatup kadagiti aramidna.

San Lucas 10:20

Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”

Dagiti Aramid 24:15

Mangnamnamaak iti Dios a kas iti panangnamnamada, nga agungarto amin a tattao, dakes man wenno naimbag.

Taga-Roma 2:6

Gunggonaanto ti Dios ti tunggal tao kas maitutop iti aramidna.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

2 Taga-Corinto 5:10

Ta masapul a dumatagtay amin iti pangukoman ni Cristo tapno awatentayo ti rumbeng nga agpaay kadatayo, segun ti inaramidtayo, naimbag man wenno dakes, bayat ti panagbiagtayo.

Taga-Filipos 4:3

Kasta met kenka a mapagtalkan a katulongak, kayatko a tulongam dagitoy dua a babbai. Impasnekda ti timmulong kaniak iti pannakaisaknap ti ebanghelio, agraman ni Clemente ken dagiti amin a katrabahoak a nailanad ti naganda iti libro ti biag.

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”

Paltiing 13:8

Agdaydayawto kenkuana dagiti amin a tattao iti rabaw ti daga, malaksid dagiti naisurat ti naganda iti libro ti biag sakbay a naparsua ti lubong. Daytoy a libro kukua ti napapatay a Kordero.

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 19:5

Adda nagsao manipud iti trono: “Dayawenyo ti Diostayo, dakay amin nga adipenna, dakay amin nga agdaydayaw kenkuana, natan-ok man wenno nanumo!”

Paltiing 2:23

Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.

Paltiing 20:11

Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Paltiing 20:13

Inyula ti taaw dagiti natay nga adda kenkuana. Inyula met ni Patay ken ti Hades dagiti natay nga adda kadakuada. Naukomda amin kas mayannurot iti inaramidda.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.

Paltiing 21:27

Ngem saanto a makastrek sadiay ti uray ania a saan a nadalus iti imatang ti Dios, ti siasinoman nga agar-aramid iti nakababain ken dagiti naulbod. Dagitinto laeng naisurat ti naganna iti libro ti biag nga adda iti ikut ti Kordero ti makastrek iti siudad.

Paltiing 22:12

Naibaga kaniak: “Dumngegkayo, umayakon! Itugotko dagiti gunggona nga itedko iti tunggal maysa kas mayannurot iti inaramidna.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.