Paltiing 20:11 - Ti Baro a Naimbag a Damag Biblia

¹¹ Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Ti Biblia (1973)

¹¹ Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Paltiing 20:11 Iomraidhean Croise

Genesis 18:25

Awan duadua a dimo iraman a patayen dagiti awanan basol kadagiti adda basolna. Saan a mabalin nga aramidem ti kasta. No kasta ti aramidem, mairaman a madusa dagiti awan basolna kadagiti adda basolna. Masapul a nainkalintegan ti panangukom ti Hues iti entero a lubong.”

Ti Libro ni Job 9:6

Paggingginedenna ti daga, ket gunggonenna dagiti fondasionna.

Dagiti Salmo 102:26

Mapukawda man amin, agnanayonto latta nga addaka; marunotdanto amin a kas iti pagan-anay. Ibellengmonto ida a kas iti kawes, ket mapukawdanto.

Dagiti Salmo 47:8

Iturayan ti Dios dagiti pagilian; agtugaw iti tronoda a nasantoan.

Dagiti Salmo 89:14

Nabangon ti pagariam iti kinalinteg ken kinahustisia; iti amin nga aramidmo, makita ti ayat ken kinapudnom.

Dagiti Salmo 97:2

Ulep ken sipnget ti nanglikmut kenkuana; kinalinteg ken hustisia ti fondasion ti tronona.

Isaias 6:1

Idi tawen a pannakatay ni Ari Uzzias, nakitak ti Apo. Situtugaw iti nangato a tronona. Agsaringgayad ti gayadan ti kagayna iti entero a Templo.

Daniel 2:35

Dagus a narumrumek ti landok, damili, bronse, pirak ken balitok; nagbalinda a kasla tapok iti pagtaltagan no tiempo ti kalgaw. Nayanginda amin ket pulos nga awan ti nabati a paset ti estatua. Ngem nagbalin a dakkel a bantay daydi bato a nagdisso iti estatua, ket nadappatanna ti entero a daga.

Daniel 7:10

Agay-ayus nga apuy ti aggapu iti trono. Rinibribu dagiti agserserbi kenkuana ket linaklaksa dagiti adda iti sangoananna. Nangrugi ti panangukom ket naluktan dagiti libro.

San Mateo 11:22

Laglagipenyo ngarud nga inton Aldaw ti Panangukom, nalaglag-anto ti panangdusa ti Dios iti Tiro ken Sidon ngem ti panangdusana kadakayo.

San Mateo 24:35

Mapukawto ti langit ken ti daga, ngem pulos a dinto mapukaw dagiti saok.”

San Mateo 25:31

“Inton umay ti Anak ti Tao a kas Ari a kuyogen dagiti amin nga angheles, agtugawto iti nadayag a tronona.

Taga-Roma 2:5

Ngem gapu ta natangken ti panagul-ulom ken nasukirka, nakarkaronto ti pannakadusam inton Aldaw a maiparangarang ti pungtot ti Dios ken ti nalinteg a panangukomna.

2 Pedro 3:7

Ngem babaen iti isu met laeng a sao ti Dios, mataginayon ti agdama a langit ken daga tapno dadaelento ti apuy. Ta mapuorandanto inton dumteng dayta nga aldaw a pannakaukom ken pannakadadael dagiti awanan-dios.

Paltiing 12:8

Ngem naabak ti dragon ken dagiti anghelesna, ket saandan a napalubosan nga agyan sadi langit.

Paltiing 16:20

Limned amin a purpuro ken bambantay.

Paltiing 19:11

Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

Paltiing 20:2

Tiniliwna ti dragon, daydi duduogan nga uleg nga isu ti Diablo ken Satanas, sana kinawaran tapno saan a makaruk-at iti unos ti 1,000 a tawen.

Paltiing 21:1

Kalpasanna, nakitak ti baro a langit ken ti baro a daga. Awanen ti immuna a langit ken ti immuna a daga. Awan metten ti taaw.

Paltiing 21:5

Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”

Paltiing 4:2

Pagammoan, addaak iti pannakabalin ti Espiritu ket nakitak sadi langit ti maysa a trono. Adda nakatugaw iti trono.

Paltiing 6:14

Nagpukaw ti langit a kas iti pagbasaan a kellaat a nalukot ket nayalis iti ayanda dagiti amin a bambantay ken purpuro.