Paltiing 20:10 - Ti Baro a Naimbag a Damag Biblia

¹⁰ Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.

Ti Biblia (1973)

¹⁰ Ket daydi diablo a nangallilaw cadacuada naibelleng idi danaw nga apuy ken azufre, isu met a yan daydi animal ken daydi saan a pudno a mammadto; ket matutuocdanto iti aldaw ken rabii iti awan inggana.

Paltiing 20:10 Iomraidhean Croise

Daniel 7:11

Bayat ti panagbuybuyak, mangngegko pay laeng ti panagparparammag ken panagpalpalangguad ti bassit a sara. Idi kitkitaek, napapatay ti maikapat nga animal ket naipurruak ti bangkayna iti apuy.

San Mateo 25:41

“Kunananto kadagiti adda iti makannigidna: ‘Umadayokayo kaniak, dakayo nga inlunod ti Dios! Inkayo iti agnanayon nga apuy a naisagana iti Diablo ken kadagiti anghelesna.

San Mateo 25:46

Ngarud, dagitoyto ti mapan iti agnanayon a pannakadusa. Ngem mapanto dagiti nalinteg iti agnanayon a biag.”

San Mateo 7:15

“Agannadkayo kadagiti sinan-profeta. Umayda kadakayo ket agparangda a kas karnero, ngem iti kinapudnona, narawetda a lobo.

Paltiing 16:13

Ket nakakitaak iti tallo a narugit nga espiritu a kasla tukak a rumrummuar kadagiti ngiwat ti dragon, ti narungsot nga animal ken ti sinan-profeta.

Paltiing 19:20

Natiliw ti animal ken ti sinan-profeta a nagiparang idi kadagiti nakaskasdaaw a pagilasinan iti sangoanan ti animal. (Dagitoy a milagro ti pinangallilawna kadagiti tattao nga addaan marka iti animal ken nagdaydayaw iti ladawanna.) Sibibiag a naitappuak ti animal ken ti sinan-profeta iti dan-aw ti gumilgil-ayab nga asufre.

Paltiing 20:8

Rummuarto a mangallilaw kadagiti nasion iti entero a lubong, kayatna a sawen, da Gog ken Magog. Ummongento ida ni Satanas a kaduana a makigubat. Adunto ti armadada kas iti kaadu ti darat iti igid ti baybay.

Paltiing 9:17

Ket nakitak iti parmatak dagiti kabalio ken dagiti nakasakay a nakakabal iti kasla kolor ti apuy, asul a kasla kolor ti safiro ken amarillo a kasla kolor ti asufre. Kasla ulo ti leon ti ulo dagiti kabalio. Agipugpugsoda iti apuy, asuk ken asufre.