Paltiing 2:8 - Ti Baro a Naimbag a Damag Biblia

⁸ “Kastoy ti isuratmo iti anghel iti iglesia idiay Esmirna: “Daytoy ti mensahe nga aggapu iti Pangrugian ken Paggibusan, isu a natay ken nagbiag manen:

Ti Biblia (1973)

⁸ Ket isuratmo iti angel ti Iglesia ti Smirna: Dagitoy a banbanag cuna ti umuna ken ti camaudianan, daydi natay, ket nagbiag manen:

Paltiing 2:8 Iomraidhean Croise

Isaias 44:6

Kastoy ti kuna ti Apo a Mannakabalin-amin, ni Yahweh a mangituray ken mangsalaknib iti Israel: “Siak ti umuna ken siak ti maudi; awan sabali a Dios no di la siak.

Isaias 48:12

Kuna ni Yahweh, “Denggendak, Jacob ken Israel nga inayabak! Siak ti Dios, ti umuna, ti maudi, ti maymaysa a Dios!

Taga-Roma 14:9

Natay ken nagungar ni Cristo tapno isu ti Apo dagiti sibibiag ken dagiti natay.

Paltiing 1:11

“Isuratmo ti maipapan kadagiti makitam,” kinunana, “ket ipaw-itmo ti nakaisuratanda kadagiti pito nga iglesia: idiay Efeso, Esmirna, Pergamo, Tiatira, Sardis, Filadelfia ken Laodicea.”

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

Paltiing 22:13

Siak ti Alfa ken ti Omega, ti umuna ken ti maudi, ti pangrugian ken ti panungpalan.”