Paltiing 2:7 - Ti Baro a Naimbag a Damag Biblia

⁷ “No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Ti Biblia (1973)

⁷ Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.

Paltiing 2:7 Iomraidhean Croise

Genesis 2:9

Pinagtubona ti amin a kita ti agkakapintas a kayo nga agbunga iti nasayaat. Iti tengnga ti minuyongan, adda ti kayo ti biag ken ti kayo ti pannakaammo iti naimbag ken iti dakes.

Dagiti Proverbio 11:30

Biag ti ited ti kinalinteg, ngem babaen iti kinaranggas, maikkat ti biag.

Dagiti Proverbio 13:12

No madadael ti namnama, madadael met ti rikna, ngem ti pumudno a tarigagay, punnoennaka iti rag-o.

Dagiti Proverbio 15:4

Biag ti yeg ti nasayaat a sao, ngem ti nagubsang a balikas buriborenna ti panunot.

Dagiti Proverbio 3:18

Nagasat dagiti agbalin a masirib. Ti kinasirib ikkannanto ida iti biag.

Ezekiel 28:13

Nagnaedka idiay Eden a hardin ti Dios, ket nagalahaska iti amin a kita ti napateg a bato: rubi, diamante, topasio, berilio, karnelia, haspe, safiro, esmeralda ken karbunkulo. Adda idi al-alahasmo a balitok. Naaramidda nga agpaay kenka iti aldaw a pannakaparsuam.

Ezekiel 31:8

Awan ti sedro iti hardin ti Dios nga umasping kenkuana. Awan saleng a kasta ti sangana, awan met sikamoro a kasta ti santakna. Awan ti kayo iti hardin ti Dios a kasta ti pintasna.

San Mateo 11:15

Dumngeg ngarud ti siasinoman nga addaan pannakaawat.

San Mateo 13:43

Kalpasanna, agraniagto dagiti tattao ti Dios a kas init iti Pagarian ni Amada. Dumngeg ngarud ti siasinoman nga addaan pannakaawat.”

San Mateo 13:9

Inggibus ni Jesus, “Dumngeg ngarud ti siasinoman nga addaan pannakaawat!”

San Marcos 4:9

Ket inggibus ni Jesus, “Dumngeg ngarud ti siasinoman nga addaan pannakaawat.”

San Marcos 7:15

Saan a ti ipauneg ti tao ti mangtulaw kenkuana, no di ket dagiti agtaud iti pusona.”

San Lucas 23:43

Kinuna ni Jesus kenkuana, “Ibagak kenka daytoy: Ita nga aldaw, makipagyankanto kaniak idiay Paraiso.”

San Lucas 8:8

Adda met kadagiti bukel a nagdisso iti nadam-eg a daga, nagtubo ken nagbungada iti sagsasangagasut. “Dumngeg ngarud ti siasinoman nga addaan pannakaawat,” inggibus ni Jesus.

San Juan 16:33

Imbagak daytoy kadakayo tapno adda talnayo iti pannakikaduayo kaniak. Parigatennakayto ti lubong. Ngem papigsaenyo ti nakemyo! Naparmekkon ti lubong!”

1 Taga-Corinto 2:10

Nupay kasta, babaen iti Espiritu, impakaammo ti Dios kadatayo ti palimedna. Sukimaten ti Espiritu ti amin a banag, uray dagiti nauneg a panggep ti Dios.

2 Taga-Corinto 12:4

Nangngegna sadiay dagiti banag a di mabalin a saritaen, a saan koma a sawen ti tao.

1 Juan 2:13

Amma, agsuratak kadakayo, agsipud ta am-ammoyo ti Dios nga addan manipud idi punganay. Agtutubo a lallaki, agsuratak kadakayo, agsipud ta pinarmekyo ti Managdakdakes.

Paltiing 13:9

“Dumngeg ngarud ti siasinoman nga adda pannakaawatna!

Paltiing 14:13

Kalpasanna, nakangngegak iti timek a naggapu sadi langit. Kinunana kaniak, “Isuratmo daytoy: Manipud ita, nagasat dagiti matay iti panagserbida iti Apo.” “Wen, nagasat,” kuna ti Espiritu. “Makainanadan kalpasan ti nadagsen a trabahoda ta kumuykuyog kadakuada ti bunga ti panagserbida.”

Paltiing 15:2

Ket nakitak ti kasla taaw a kristal a gumilgil-ayab. Nakitak pay dagiti nangparmek iti narungsot nga animal ken iti ladawanna, agraman iti animal a numero ti kaibatogan ti naganna. Agtatakderda iti igid ti taaw a kristal; ig-iggamanda dagiti arpa nga inted ti Dios kadakuada.

Paltiing 2:11

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, malisiannanto ti maikadua nga ipapatay.”

Paltiing 2:17

“No adda pannakaawatyo, denggenyo ngarud ti kuna ti Espiritu kadagiti iglesia: “Ti agballigi, ikkakto iti naidulin a taraon. Ikkakto pay ti tunggal maysa iti puraw a bato a nakaimalditan ti baro a nagan nga awan ti makaammo malaksid ti umawat.”

Paltiing 21:7

Daytoy ti gunggona ti agballigi: Siakto ti Diosna ket isunto ti anakko.

Paltiing 22:14

Nagasat dagiti mangdalus kadagiti kawesda ta maikkanda iti kalintegan a sumrek iti siudad ken mangan iti bunga ti puon ti kayo a mangted iti biag.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

Paltiing 22:2

Agayus ti karayan iti tengnga ti kalsada ti siudad. Iti agsumbangirna, adda dagiti puon ti kayo ti biag a binulan nga agbunga, ket nasamay dagiti bulongda a pangagas iti sakit dagiti pagilian.