Paltiing 2:5 - Ti Baro a Naimbag a Damag Biblia

⁵ Laglagipem ti kasasaadmo idi sakbay ti pannakatnagmo. Agbabawika ket agbiagka a kas idi nangrugika a nagkristiano. Ta no saanka nga agbabawi, umaykonto ikkaten ti pagsilawam iti nakaisaadanna.

Ti Biblia (1973)

⁵ Lagipem ngarud, no sadino ti nacatnagam, ket agbabawica, ket aramidem dagiti immuna nga aramidmo; ta no saan, umayacto kenca, ket iccatecto ti pagsilawam iti yanna, malacsid no agbabawica.

Paltiing 2:5 Iomraidhean Croise

Isaias 1:26

Ikkankayto kadagiti pangulo ken mammagbaga a kas kadagidi adda kadakayo idi un-unana. Kalpasanna, maawaganto ti Jerusalem a nalinteg ken napudno a siudad.”

Isaias 14:12

Sika, ari ti Babilonia, sika a baggak ti agsapa, anian a pannakatnagmo! Pinarmekmo idi dagiti nasion, ngem ita naidasaykan iti daga.

Ezekiel 20:43

Malagipyonton ti amin a nakababain nga inar-aramidyo ken ti panangtulawyo kadagiti bagbagiyo. Karurodyonto dagiti bagbagiyo gapu kadagiti amin a kinadakes nga inaramidyo.

Ezekiel 36:31

Malagipyonto dagiti amin a dakes nga aramidyo ken dagiti biddutyo. Guraenyonto dagiti bagbagiyo gapu kadagiti basolyo ken dakes nga aramidyo.

Oseas 14:1

Tattao ti Israel, agsublikayo iti Apo a Diosyo. Naitibkol ken natnagkayo gapu iti basolyo.

Oseas 9:10

Kuna ti Apo, “Idi damo a masarakak ti Israel, kaslaak la nakasarak kadagiti pinuon ti ubas a sumansantak iti let-ang. Idi damo a makitak dagiti kapuonanyo, kaslaak la nakakita iti apagluom ken damo a bunga ti igos. Ngem idi dumtengda idiay Bantay Peor, rinugianda ti nagdaydayaw ken ni Baal. Nagbalinda a makarimon a kas iti imahen nga inayatda.

Malakias 3:4

Maragsakanto ti Apo kadagiti daton dagiti tattao ti Juda ken Jerusalem, kas iti panagragsakna kadagiti daton iti napalabas.

Malakias 4:6

Pagkakappiaennanto dagiti amma ken dagiti annak, ta no saan, siak ti umay ket dadaelek ti pagilianyo.”

San Mateo 5:14

“Dakayo ti pannakasilaw ti lubong. Saan a mailinged ti ili a nabangon iti rabaw ti maysa a bantay.

San Mateo 5:15

Awan ti tao a manggangat iti pagsilawan sana kaluban. Iparabawna ketdi iti nairanta a pagsaadanna tapno aglawag kadagiti amin a tattao nga adda iti balay.

San Marcos 12:9

“Anianto ngarud ti aramiden ti akinkukua iti kaubasan?” sinaludsod ni Jesus. “Mapannanto papatayen dagidiay a tattao ket ipasublatnanto ti kaubasan kadagiti sabali a makitaltalon.

San Lucas 1:17

Umun-unanto a maibaon ngem ti Apo. Nabileg ken mannakabalinto a kas ken ni profeta Elias. Pagtutunosennanto manen dagiti amma ken dagiti annak. Pagsubliennanto iti kinalinteg dagiti nasukir. Isaganananto dagiti tattao a maipaay iti Apo.”

San Lucas 20:16

“Mapannanto papatayen ida sana yawat ti kaubasan kadagiti sabali a makitaltalon.” Idi mangngeg daytoy dagiti tattao, kinunada, “Saan a mabalin a kasta.”

Taga-Galacia 5:4

No tarigagayanyo ti mapalinteg iti sangoanan ti Dios babaen iti panagtungpalyo iti Linteg, naisinakayo ken ni Cristo ket nailaksidkayo iti parabur ti Dios.

Taga-Filipos 2:15

tapno awan pakababalawanyo ket nadaluskayo, kas awan mulitna nga annak ti Dios nga agnaed iti lubong a napno iti agkakadakes ken managbasol a tattao. Bayat ti panangipaayyo kadakuada iti mensahe a mangted iti biag, agraniagkayo kadakuada a kas silaw tapno addanto panggapuak a mangitangsit kadakayo inton Aldaw a panagsubli ni Cristo. Ta maipakitanto a nasayaat ti nagbanagan ti amin a nagbambannogak.

Hebreo 10:32

Ngem lagipenyo ti kasasaadyo iti napalabas. Kadagidi nga aldaw, adu ti sinagabayo kalpasan ti pannakalawlawagyo, ngem saankayo a naparmek.

2 Pedro 3:17

Ngem dakayo, gagayyemko, ammoyon daytoy. Agannadkayo ngarud tapno dikayo mayaw-awan kadagiti biddut dagiti dakes a tattao ket matnagkayo manipud kadagiti natalged a lugaryo.

San Judas 1:24

Madaydayaw koma ti Dios a mangaywan kadakayo tapno saankayo a matnag. Isu met ti mangidatag kadakayo a sidadalus ken siraragsak iti sangoananna. Iti maymaysa a Dios a Mangisalakan kadatayo babaen ken ni Apotayo a Jesu-Cristo, maited koma ti dayag, tan-ok, pannakabalin ken turay, manipud idi ugma, ita, ken iti agnanayon! Amen.

Paltiing 1:20

“Daytoy ti nalimed a kaipapanan dagiti pito a bituen nga ig-iggamak ken dagiti pito a pagsilawan a balitok: Dagiti pito a bituen isuda dagiti angheles iti pito nga iglesia, ket dagiti pito a pagsilawan a balitok isuda dagiti pito nga iglesia.”

Paltiing 16:9

Mapupuoran la ngaruden dagiti tattao, ilunlunodda pay laeng ti nagan ti Dios nga adda pannakabalinna kadagitoy a didigra idinto nga agbabawida koma kadagiti basbasolda ket agdaydayawda iti dayagna.

Paltiing 2:16

Agbabawika ngarud kadagiti basbasolmo. Ta no saan, umayak kenka iti mabiit ket pukawek dagita a tattao babaen iti kampilan a rummuar iti ngiwatko.

Paltiing 2:19

Ammok dagiti aramidmo, ti ayat ken pammatim, ti panagserbim ken ti naanus a panagibturmo. Ammok nga ad-adu ti ar-aramidem ita ngem idi damo.

Paltiing 2:2

Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.

Paltiing 3:19

Babalawek ken dusaek ti amin nga ay-ayatek. Agregtaka ngarud ket agbabawika kadagiti basbasolmo.