Paltiing 2:3 - Ti Baro a Naimbag a Damag Biblia

³ Ammok a naanuska. Inturedmo dagiti rigat gapu kaniak ket saanka a naupay.

Ti Biblia (1973)

³ Ket naganusca ken nagituredca gapu iti naganco ket saanca a nagbannog.

Paltiing 2:3 Iomraidhean Croise

Dagiti Salmo 37:7

Aganuska ket urayem nga agtignay ti Apo. Dimo pakasikoran dagiti rumang-ay ti panagbiagda, wenno dagiti agballigi iti dakes a panggepda.

Dagiti Salmo 69:7

Sika ti gapuna a naum-umsiak, ket iti bain nalapunosak.

Mikias 7:9

Nagbasolkami iti Apo, isut' gapuna nga ibturanmi iti apagbiit ti pungtotna. Ngem iti kamaudiananna, ikaluyanakami. Ikalintegannakami kadagiti naipalak-am kadakami. Ipannakami iti lawag. Makitaminto ti panangisalakanna!

San Marcos 15:21

Iti dalan, nasabatda ni Simon a taga-Cirene nga ama da Alejandro ken Rufo. Naggapu ni Simon iti away ket mapan iti siudad. Pinilit dagiti soldado a baklayenna ti krus ni Jesus.

San Lucas 14:27

Saan met a makapagbalin nga adalak ti siasinoman a di mangbaklay iti krusna ken sumurot kaniak.

San Lucas 18:1

Sinarita ni Jesus kadakuada daytoy a pangngarig tapno isurona ida a masapul nga agkararagda a kanayon ken dida pukawen ti namnamada.

San Lucas 21:19

Babaen iti panagibturyo, maisalakanyonto dagiti bagbagiyo.”

San Lucas 5:5

“Maestro,” insungbat ni Simon, “nagpatpatnagkami a nagkalap. Awan pulos ti naalami. Ngem no kasta ti kunam, iwayatko dagiti iket.”

San Lucas 8:15

Dagiti nagdisso iti nadam-eg a daga, iladawanda dagiti tattao a dumngeg iti mensahe, salimetmetanda iti naimbag ken natulnog a puso, ket agtalinaedda agingga iti agbungada.”

San Juan 15:21

Ngem aramidendanto amin daytoy kadakayo ta kukuakayo. Saanda ngamin nga ammo ti nangibaon kaniak.

Taga-Roma 12:12

Agbiagkayo a siraragsak gapu iti namnamayo. Ibturanyo dagiti rigatyo, ket kanayon nga agkararagkayo.

Taga-Roma 16:12

Pakomustaak da Trifena ken Trifosa nga agserserbi iti Apo, kasta met ti patgek a gayyem, ni Persida nga adu ti nagapuananna a maipaay iti Apo.

Taga-Roma 2:7

Adda tattao a naanus nga agaramid iti naimbag tapno magun-odda ti dayag, dayaw ken biag nga awan patinggana. Itedto ti Dios kadakuada ti biag nga agnanayon.

Taga-Roma 8:25

Ngem no namnamaentayo ti ditay pay makita, urayentayo a siaanus.

1 Taga-Corinto 13:7

Ti ayat ituredna amin a banag, mamati iti amin, mangnamnama iti amin, ibturanna amin.

1 Taga-Corinto 16:16

a paidalankayo kadagiti kakastoy a tattao ken uray siasinoman a makipagtrabaho ken makipagserbi kadakuada.

2 Taga-Corinto 10:15

Isu a saanmi nga ipasindayag ti trabaho nga inaramid dagiti dadduma iti labes ti intuding ti Dios kadakami. Ngem namnamaenmi ketdi a pumigsa ti pammatiyo, nga ad-adunto pay ti maaramidmi iti dennayo, ket kankanayon nga addakami iti sakup nga inted ti Dios.

2 Taga-Corinto 11:23

Adipen kadi ida ni Cristo? Kaslaak la agsasao a mauyong—ngem nalalaingak nga adipen ngem isuda! Narigrigat ti panagtrabahok. Naibalbaludak. Ad-adu ti pannakasaplitko. Ad-adu ngem isuda ti kaaddak iti ngarab ti tanem.

2 Taga-Corinto 4:1

Iti kaasi ti Dios, naited kadakami daytoy a panagserbi, ket saankam a maupay.

2 Taga-Corinto 4:16

Gapu iti daytoy, pulos a saankam a maupay. Uray no main-inut nga agrupsa ti nailasagan a bagimi, inaldaw met a mapabaro ti naespirituan a kinataomi.

2 Taga-Corinto 5:9

Nupay kasta, uray agtaengkami iti biag ditoy wenno iti sabali a biag, ikagumaanmi ti pannakaay-ayona.

2 Taga-Corinto 6:5

Napangpang-or, naibalbalud ken naluglugobankami. Nabambannogkamin, ket napadasanmin ti napuypuyatan ken nabisbisinan.

Taga-Galacia 6:2

Agtitinnulongkayo iti pakadagsenan ti tunggal maysa tapno matungpalyo ti linteg ni Cristo.

Taga-Galacia 6:9

Isut' gapuna a ditayo koma mauma nga agaramid iti naimbag; ta dumtengto ti tiempo nga agapittayo no ditay maupay.

Taga-Filipos 4:3

Kasta met kenka a mapagtalkan a katulongak, kayatko a tulongam dagitoy dua a babbai. Impasnekda ti timmulong kaniak iti pannakaisaknap ti ebanghelio, agraman ni Clemente ken dagiti amin a katrabahoak a nailanad ti naganda iti libro ti biag.

Taga-Colosas 1:11

Sapay koma ta mapakiredkayo babaen iti amin a pigsa nga aggapu iti nagloriaan a pannakabalinna, tapno maibturanyo a siaanus ken siraragsak ti uray aniaman a mapasamak.

1 Taga-Tesalonica 1:3

Ta tunggal agkararagkami iti Dios ken Amatayo, malagipmi no kasano ti panangipakitayo iti pammatiyo babaen iti panagbiagyo, ti gagetyo nga agtrabaho gapu iti ayat ken no kasano ti kinatibker ti namnamayo ken ni Apotayo a Jesu-Cristo.

1 Taga-Tesalonica 2:9

Diak agduadua, kakabsat, a malagipyo no kasano ti panagtrabaho ken panagbannogmi. Aldaw-rabii a nagtrabahokami tapno dikam agbalin a pakadagsenanyo bayat ti panangikasabami kadakayo iti Naimbag a Damag nga aggapu iti Dios.

1 Taga-Tesalonica 5:12

Kakabsat, dawatenmi kadakayo nga ipaayyo koma ti rumbeng a pammadayaw kadagiti agtartrabaho iti sidongyo. Isuda ti mangidalan ken mangisuro kadakayo iti pannakikadkadua iti Apo.

2 Taga-Tesalonica 3:13

Ngem dakayo, kakabsat, masapul a dikayo mauma nga agaramid iti naimbag.

2 Taga-Tesalonica 3:5

Sapay koma ta idalannakayo ti Apo iti naun-uneg a pannakaawat iti panagayat iti Dios ken iti panagibtur nga ipaay ni Cristo.

2 Taga-Tesalonica 3:8

Awan ti inawatmi a tulong a dimi binayadan. Ngem nagtrabaho ken nagbannogkami ketdi. Nagtrabahokami iti aldaw ken rabii tapno dikam agbalin a pakadagsenan ti uray siasinoman kadakayo.

1 Timoteo 4:10

Daytoy ti gapuna nga agagawatayo ken igaedtayo ti agtrabaho, agsipud ta intalektayo ti namnamatayo iti sibibiag a Dios a Mangisalakan iti amin, nangnangruna kadagiti mamati.

1 Timoteo 5:17

Mamindua koma ti tangdan dagiti panglakayen a nasayaat ti panangtarawidwidda iti iglesia, nangruna dagiti mangipasnek a mangasaba ken mangisuro.

Hebreo 10:36

Masapul nga agibturkayo tapno maaramidyo ti pagayatan ti Dios, ket awatenyo ti inkarina.

Hebreo 12:1

No maipapan kadatayo, nalikmuttayo kadagitoy nakaad-adu a saksi. Ikkatentayo ngarud dagiti amin a makasali iti dalan ken ti basol a mangsimbalud kadatayo, ket agtaraytayo a sipipinget iti lumba a pakisalipantayo.

Hebreo 13:13

Ngarud, mapantayo kenkuana iti ruar ti kampo ket sagabaentayo met ti pannakaibabainna.

Hebreo 6:10

Nalinteg ti Dios. Dinanto lipaten ti aramidyo, kayatna a sawen, ti ayat nga impaayyo kenkuana babaen iti panangtulongyo ken ti panangtultulongyo pay laeng kadagiti kakabsatyo iti pammati.

Hebreo 6:12

Dimi kayat nga agbalinkayo a nasadut. Kayatmi ketdi a tuladenyo dagiti namati ken nagan-anus ket inawatda ti inkari ti Dios.

Hebreo 6:15

Naawat ni Abraham ti inkari ti Dios gapu ta nagur-uray a siaanus.

2 Pedro 1:6

iti pannakaammo, inayonyo ti panagteppel; iti panagteppel, ti panagibtur; iti panagibtur, ti panagbuteng iti Dios;

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.