Paltiing 2:25 - Ti Baro a Naimbag a Damag Biblia

²⁵ Ngem masapul a pagtalinaedenyo a natibker ti adda kadakayo agingga iti yaayko.

Ti Biblia (1973)

²⁵ Nupay casta ti adda cadacayo salimetmetanyo a naimbag, agingga iti umayac.

Paltiing 2:25 Iomraidhean Croise

San Juan 14:3

Kalpasan ti ipapanko panangisagana iti pagyananyo, umaykayto alaen tapno addakayo met iti ayanko.

Dagiti Aramid 11:28

Babaen iti pannakabalin ti Espiritu, impadto ni Agabo, maysa kadagiti profeta, nga adda dakkel a bisin a dandani dumteng iti entero a lubong. (Napasamak daytoy idi emperador ni Claudio.)

Taga-Roma 12:9

Agayatkayo a sipupudno. Guraenyo ti dakes ket salimetmetanyo ti naimbag.

1 Taga-Corinto 11:26

Kaipapananna daytoy a tunggal mangankayo iti daytoy a tinapay ken uminumkayo iti daytoy a kopa, ipakaammoyo ti ipapatay ti Apo agingga iti panagsublina.

1 Taga-Corinto 4:5

Ngarud, saankay a mangukom agingga iti dumteng ti naituding a tiempo. Wen, urayenyo ti yaay ti Apo ta isunto ti mangilatak kadagiti palimed ken mangibutaktak kadagiti panggep a naitalimeng iti puso ti tao. Ket awatento ti tunggal tao ti kaikarianna a pammadayaw nga aggapu iti Dios.

1 Taga-Tesalonica 5:21

Usigenyo ketdi a nalaing dagiti amin a bambanag. Salimetmetanyo dagiti naimbag

Hebreo 10:23

Agtalinaedtayo ngarud a natibker iti namnamatayo agsipud ta mapagtalkan ti Dios a mangtungpal iti karina.

Hebreo 3:6

Ngem napudno ni Cristo a kas Anak a mangaywan iti balay ti Dios. Datayo ti balay ti Dios no agtalinaedtayo a natured ken natalged iti namnamatayo.

Hebreo 4:14

Salimetmetantayo ngarud a sititibker ti pammatitayo. Ta addaantayo iti naindaklan a Kangatoan a Padi a limmasat kadagiti langit ken simrek iti ayan ti Dios—ni Jesus nga Anak ti Dios.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

Paltiing 1:7

Kitaenyo, umayen ni Jesus a silulugan kadagiti ulep! Makitanto ti tunggal maysa, agraman dagiti nangduyok kenkuana. Dung-awanto dagiti tattao iti amin a pagilian ditoy lubong. Maaramid koma a kasta! Amen.

Paltiing 22:20

Kuna ti mangpaneknek iti daytoy, “Agpayso nga umayakon!” Amen! Umaykan, Apo Jesus!

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 3:11

Umayak iti mabiit. Saluadam ngarud ti adda kenka tapno awan ti mangagaw iti gunggonam.

Paltiing 3:3

Ngarud, laglagipem dagiti nasursuro ken nangngegmo. Tungpalem ida ket agbabawika kadagiti basbasolmo. No dika agriing, umayakto kenka a kas iti mannanakaw—dimonto ammo no ania ti oras nga isasangpetko.