Paltiing 2:23 - Ti Baro a Naimbag a Damag Biblia

²³ Papatayekto met dagiti annakna tapno maammoan dagiti iglesia nga ammok ti panunot ken tarigagay dagiti tattao. Dusaekto ti tunggal maysa kadakayo, segun ti inaramidyo.

Ti Biblia (1973)

²³ Ket patayecto dagiti annacna iti angol, ket amin nga Iglesia maammoandanto a siac mangsukimat cadagiti nalimed a panggep ken cadagiti puspuso; ket itedconto iti tunggal maysa cadacayo cas mayannatup cadagiti ar-aramidyo.

Paltiing 2:23 Iomraidhean Croise

1 Cronicas 17:18

Ania pay ti mabalinko nga ibaga kenka? Am-ammonak unay; nupay kasta, padayawannak nga adipenmo.

1 Cronicas 28:9

“Ket sika, Solomon nga anakko, ibilinko kenka a bigbigem ti Diosko. Agserbika a siaayat kenkuana ken iti amin a pusom, ta ammona amin ti pampanunoten ken tartarigagayantayo. No mapanka kenkuana, awatennaka. Ngem no tallikudam, laksidennakanto iti agnanayon.

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

2 Cronicas 6:30

ipangagmo koma ti kararagna. Denggem ida dita langit a taengmo ket pakawanem ida. Sika laeng ti makaammo iti naguneg ti puso ti tao. Aramidem iti tunggal tao ti kas iti maikari iti aramidna,

Ti Libro ni Job 24:23

Palubosan ti Dios nga agbiag a sitatalged, ngem kanayon a sipsiputanna.

Dagiti Salmo 139:1

O Apo, inusignak ket ammonak.

Dagiti Salmo 26:2

Sukimaten ken suotennak, O Apo; usigem dagiti tarigagay ken panunotko.

Dagiti Salmo 44:21

awan duadua a maammoam ta ammom ti amin dagiti nalimed a pampanunotmi.

Dagiti Salmo 62:12

ken saan nga agbalbaliw ti ayatna. Sika, O Apo, gunggonaam ti tunggal maysa kas mayannurot iti aramidna.

Dagiti Salmo 7:9

Pagsardengem ti kinadakes dagiti nakillo, ket dawatek a gunggonaam dagiti naimbag a tattao. Nalintegka, O Dios; usigem dagiti panunot ken tarigagaymi.

Jeremias 11:20

Ket inkararagko, “O Apo a Mannakabalin-amin, nalintegka nga ukom. Suotem ti puso ken panunot ti tao. Ipalubosmo kadi a makitak ti panangbalesmo kadagitoy a tattao, ta intalekko kenka daytoy a parikutko.”

Jeremias 17:10

Siak, ni Yahweh, ammok ti pampanunoten ti tao; sukimatek ti naguneg iti pusona. Supapakak ti siasinoman a tao, kas mayannurot iti panagbiagna, ket gunggonaak kas mayannurot iti aramidna.”

Jeremias 20:12

Ngem nalinteg ti panangsuotmo iti tao, O Apo a Mannakabalin-amin, ammom ti adda iti puso ken panunotna. Ipakitam ti panangbalesmo kadagiti kabusorko, agsipud ta intalekko kenka ti parikutko.

Sofonias 1:11

Inton mangngegyo daytoy, agsangit ken agdung-awkayo, dakayo nga agnaed iti akimbaba a paset ti siudad, gapu ta matayto amin nga agtagtagilako!

San Mateo 16:27

Ta dandanin umay ti Anak ti Tao agraman dagiti anghelesna. Umay iti dayag ni Amana, ket gunggonaannanto ti tunggal maysa kas mayannatup kadagiti aramidna.

San Lucas 16:15

Kinuna ni Jesus kadakuada, “Agparangkayo a kasla nalinteg iti imatang dagiti tattao. Ngem ammo ti Dios ti naguneg iti pusoyo. Ta dagiti ibilang ti tao a kas napateg awan kaes-eskanna iti imatang ti Dios.

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

San Juan 4:16

“Inka ayaban ti asawam saka agsubli ditoy,” kinuna ni Jesus.

Dagiti Aramid 1:24

Kalpasanna, inkararagda, “Apo, ammom ti pampanunoten ti tunggal maysa. Ipakitam koma kadakami no siasino kadagiti dua ti pinilim

Taga-Roma 14:12

Ngarud, dumatagto ti tunggal maysa kadatayo iti sangoanan ti Dios.

Taga-Roma 8:27

Makita ti Dios ti naguneg ti puso ti tao, ket ammona ti pampanunoten ti Espiritu, agsipud ta idawdawatan ti Espiritu dagiti tattao ti Dios kas pagayatan ti Dios.

2 Taga-Corinto 5:10

Ta masapul a dumatagtay amin iti pangukoman ni Cristo tapno awatentayo ti rumbeng nga agpaay kadatayo, segun ti inaramidtayo, naimbag man wenno dakes, bayat ti panagbiagtayo.

Taga-Galacia 6:5

Masapul a baklayen ti tunggal maysa ti bukodna nga awit.

Deuteronomio 13:11

Madamagto dagiti amin nga Israelita ti napasamak ket agbutengdanto; awanton ti agaramid iti kasta a kinadakes iti sidongyo.

Deuteronomio 17:13

Agbutengto ti amin a makadamag iti daytoy ket awanton ti makaitured nga agaramid iti kasta.

Deuteronomio 19:20

Madamagto ti amin ti napasamak; agbutengdanto ket awanton ti agaramid iti kasta a kinadakes.

Deuteronomio 21:21

Kalpasanna, masapul a batoen dagiti tattao agingga a matay ket iti kasta, maikkat daytoy a kinadakes. Maammoanto daytoy ti amin nga umili ti Israel ket agbutengdanto.

Hebreo 4:13

Awan ti naparsua a mailinged iti Dios. Sipapanayag amin iti imatangna, ket masapul nga ilawlawagtayo iti Dios ti amin nga inaramidtayo.

1 Pedro 1:17

Awan idumduma ti Dios. Ukomenna dagiti tattao kas mayannurot iti aramidda. Kunayo, “Amami” no agkararagkayo iti Dios. Ngarud, no kasta ti awagyo, masapul nga agbuteng ken agraemkayo kenkuana bayat ti panagbiagyo ditoy daga.

Paltiing 2:11

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, malisiannanto ti maikadua nga ipapatay.”

Paltiing 2:7

“No adda pannakaawatyo, denggenyo ngarud ti sao ti Espiritu kadagiti iglesia: “Ti agballigi, ikkakto iti kalintegan a mangan iti bunga ti kayo ti biag nga adda iti minuyongan ti Dios.”

Paltiing 20:12

Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:13

Inyula ti taaw dagiti natay nga adda kenkuana. Inyula met ni Patay ken ti Hades dagiti natay nga adda kadakuada. Naukomda amin kas mayannurot iti inaramidda.

Paltiing 22:12

Naibaga kaniak: “Dumngegkayo, umayakon! Itugotko dagiti gunggona nga itedko iti tunggal maysa kas mayannurot iti inaramidna.

Paltiing 6:8

Adda nakitak a kabalio a nabessag ti kolorna. Patay ti nagan ti nakasakay, ket sumursurot kenkuana ti Hades. Naikkanda iti pannakabalin a mangituray iti apagkapat a paset ti daga, a pumatay babaen iti gubat, bisin, sakit ken kadagiti atap nga animal ti daga.

1 Samuel 16:7

Ngem kinuna ni Yahweh kenkuana, “Dimo kitaen ti kinaguapo ken kinatayagna. Saan nga isu ti pinilik. Ti pagbatayak ket saan a ti pagbatayan ti tao. Kitaen ti tao ti akinruar a langa, ngem siak, kitaek ti puso.”