Paltiing 2:22 - Ti Baro a Naimbag a Damag Biblia

²² Adtoy, idalitkonto iti pagiddaan, agraman dagiti nakikamalala kenkuana. Agsagabadanto iti nakaro malaksid no agbabawida iti kinadakes nga inaramidda iti sidongna.

Ti Biblia (1973)

²² Adtoy, ta innac ipisoc iti maysa a pagiddaan, ken dagiti makiabig kencuana, a maipaay iti dackel a rigat, malacsid no agbabawida cadagiti ar-aramidda.

Paltiing 2:22 Iomraidhean Croise

Jeremias 36:3

Nalabit nga inton mangngeg dagiti tattao ti Juda dagiti amin a didigra a pinanggepko nga idissuor kadakuada, agbalbaliwda ket ikkatenda dagiti amin a dakes a kababalinda. Iti kasta, pakawanekto ti kinadakes ken basolda.”

Ezekiel 23:29

Gapu ta kaguradaka, alaendanto ti amin a nagbannogam, ket panawandakanto a lamolamo. Malukaisanto ti kinabalangkantismo. Ti kinaderrep ken ti kinabalangkantismo

Ezekiel 33:11

Ibagam kadakuada nga isapatak iti naganko nga Apo a sibibiag a Dios, diak agragsak a makakita iti ipapatay ti managbasol. Kaykayatko a makita nga isardengna ti agbasol tapno agbiag. Dakayo nga Israelita, isardengyo ti dakes nga aramidyo. Apay aya a kayatyo ti matay?

Sofonias 3:7

Impagarupko idi nga agbutengton kaniak dagiti tattaok ket awatenda ti panangdisiplinak kadakuada. Impagarupko a dida malipatan ti dusa nga inyegko a pangisuro kadakuada. Ngem iti saan a mabayag, ad-adda ketdi a dimmakesda.”

San Lucas 13:3

Saan! Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.

San Lucas 13:5

Saan! Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.”

2 Taga-Corinto 12:21

Agamakak amangan no iti sumaruno a yaayko, pabainannakto ti Diosko iti sangoyo. Agamakak amangan no agsangitakto gapu kadagiti amin a nagbasol iti napalabas a di nagbabawi kadagiti narugit nga aramidda—dagiti basolda iti lasag ken kinaderrep.

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 18:3

Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Paltiing 18:9

Mapuoranto ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.

Paltiing 2:5

Laglagipem ti kasasaadmo idi sakbay ti pannakatnagmo. Agbabawika ket agbiagka a kas idi nangrugika a nagkristiano. Ta no saanka nga agbabawi, umaykonto ikkaten ti pagsilawam iti nakaisaadanna.