Paltiing 2:2 - Ti Baro a Naimbag a Damag Biblia

² Ammok dagiti aramidmo, dagiti panagbannog ken ti naanus a panagibturmo. Ammok a dimo maanusan dagiti dakes a tattao. Sinuotmo dagiti agpampamarang nga apostoles, ket natakkuatam nga ulbodda.

Ti Biblia (1973)

² Siac ammoc dagiti aramidmo, ken ti panagbannogmo ken ti anusmo; ken ti dica pannacaibtor cadagiti dakes a tattao, ket sinuutmo dagiti mangnagnagan cadagiti bagbagida nga apostol, ket saanda met nga apostol ket nasaracam ida a naulbod;

Paltiing 2:2 Iomraidhean Croise

Dagiti Salmo 1:6

Tarabayen ni Yahweh dagiti nalinteg, salaknibanna ida; ngem dagiti managdakdakes agturongda iti pakadadaelanda.

San Mateo 7:23

Ngem kunakto kadakuada, ‘Dikay am-ammo! Umadayokayo kaniak, dakayo a managdakdakes!’ ”

San Juan 6:6

Kinunana daytoy a pangsuot ken ni Felipe. Kinapudnona, ammo idin ni Jesus ti aramidenna.)

Taga-Galacia 1:7

Kinaagpaysona, awan “sabali nga ebanghelio.” Kunak daytoy agsipud ta adda tattao a mangrirriribuk kadakayo ket kayatda a ballikugen ti ebanghelio ni Cristo.

Taga-Efeso 4:14

Ket saantayton a kasla ubbing wenno bassit a bangka a yallo-allon dagiti dalluyon wenno yalla-alla ti agbaliwbaliw nga angin. Kasta ti mapasamak iti panangisuro dagiti manangallilaw a tattao. Mangyaw-awanda babaen kadagiti ulbod nga ibagbagada.

1 Taga-Tesalonica 1:3

Ta tunggal agkararagkami iti Dios ken Amatayo, malagipmi no kasano ti panangipakitayo iti pammatiyo babaen iti panagbiagyo, ti gagetyo nga agtrabaho gapu iti ayat ken no kasano ti kinatibker ti namnamayo ken ni Apotayo a Jesu-Cristo.

1 Taga-Tesalonica 5:21

Usigenyo ketdi a nalaing dagiti amin a bambanag. Salimetmetanyo dagiti naimbag

2 Timoteo 2:19

Ngem natibker ken di magunggon ti fondasion nga impasdek ti Dios. Nailanad dagitoy a balikas: “Ammo ti Apo no siasino dagiti tattaona,” ken “Siasinoman nga agkuna a mamati iti Apo, masapul nga adaywanna dagiti dakes nga aramid.”

Hebreo 6:10

Nalinteg ti Dios. Dinanto lipaten ti aramidyo, kayatna a sawen, ti ayat nga impaayyo kenkuana babaen iti panangtulongyo ken ti panangtultulongyo pay laeng kadagiti kakabsatyo iti pammati.

1 Juan 4:1

Ay-ayatek a gagayyem, diyo patien ti amin nga agkuna nga adda ti Espiritu kadakuada, ngem suotenyo ida no agtaud iti Dios ti espiritu nga adda kadakuada. Ta nagwarasen ditoy lubong ti adu a sinan-profeta.

Paltiing 2:5

Laglagipem ti kasasaadmo idi sakbay ti pannakatnagmo. Agbabawika ket agbiagka a kas idi nangrugika a nagkristiano. Ta no saanka nga agbabawi, umaykonto ikkaten ti pagsilawam iti nakaisaadanna.

Paltiing 2:6

Ngem adda met naimbag kenka: guraem, kas kaniak, ti ar-aramiden dagiti Nicolaita.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Paltiing 3:15

Ammok ti ar-aramidem. Ammok a saanka a nalamiis wenno napudot. Tarigagayak unay a nalamiis wenno napudotka koma.

Paltiing 3:8

Ammok dagiti aramidmo. Kitaem, nangikabilak iti sangom iti silulukat a ruangan nga awan ti makairikep. Ammok a bassit ti pannakabalinmo. Nupay kasta, tinungpalmo ti pannursurok ket nagtalinaedka a napudno kaniak.