Paltiing 2:19 - Ti Baro a Naimbag a Damag Biblia

¹⁹ Ammok dagiti aramidmo, ti ayat ken pammatim, ti panagserbim ken ti naanus a panagibturmo. Ammok nga ad-adu ti ar-aramidem ita ngem idi damo.

Ti Biblia (1973)

¹⁹ Siac ammoc dagiti ar-aramidmo, ken ti ayatmo, ken ti pammatim, ken ti panagservim, ken ti kinaanusmo; ket ammoc a dagiti ar-aramidmo a naud-udi adaduda ngem dagidi immun-una.

Paltiing 2:19 Iomraidhean Croise

Ti Libro ni Job 17:9

Dagiti agkuna a nataknengda, umad-adda ti panangipapanda a nalintegda.

Dagiti Salmo 92:14

Uray no lallakaydan, nabungada latta, ket kanayon a nalangto ken nakiredda.

Dagiti Proverbio 4:18

Mayarig iti bannawag ti dalan a pagnaan dagiti nalinteg. Rumaniag a rumaniag agingga a makatangkayagen ti init.

San Lucas 1:23

Nagawid ni Zacarias kalpasan ti batangna nga agserbi iti Templo.

San Juan 15:2

Putdenna amin a sanga a di agbunga ken dalusanna dagiti agbungbunga a sanga tapno ad-adu pay ti bungada.

Taga-Colosas 3:14

Ket kadagitoy amin, inayonyo ti ayat a mamagsinggalut a naan-anay iti isuamin.

1 Taga-Tesalonica 3:6

Ngem ita ta nagsublin ni Timoteo, impadamagna ti makaparagsak a sasaaden ti pammati ken ayatyo. Nasaona pay a silalagipkayo ken mailiwkayo a makakita kadakami a kas iti iliwmi met a makakita kadakayo.

2 Taga-Tesalonica 1:3

Kakabsat, masapul a kanayon nga agyamankam iti Dios gapu kadakayo. Tumutop a kastoy ti aramidenmi agsipud ta rumangrang-ay ti pammatiyo ken dumakdakkel ti panagayatyo iti tunggal maysa.

1 Timoteo 1:5

Panggep daytoy a bilin a riingen ti ayat nga agtaud iti nadalus a puso, nalawag a konsensia ken napudno a pammati.

1 Pedro 4:8

Kangrunaan unay, agiinnayatkayo a sipupudno agsipud ta ti ayat punasenna ti adu a basbasol.

2 Pedro 1:7

iti panagbuteng iti Dios, ti ayat a nainkabsatan; ket iti ayat a nainkabsatan, ti nadiosan nga ayat.

2 Pedro 3:18

Dumur-askayo iti parabur ken pannakaammoyo ken ni Jesu-Cristo nga Apo ken Mangisalakan kadatayo. Itan-ok ken idaydayawtayo ni Cristo, ita agingga iti agnanayon! Amen.

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.