Paltiing 2:16 - Ti Baro a Naimbag a Damag Biblia

¹⁶ Agbabawika ngarud kadagiti basbasolmo. Ta no saan, umayak kenka iti mabiit ket pukawek dagita a tattao babaen iti kampilan a rummuar iti ngiwatko.

Ti Biblia (1973)

¹⁶ Agbabawica ngarud; ta no saan, umayacto kenca iti madaras, ket gubatecto ida iti campilan iti ngiwatco.

Paltiing 2:16 Iomraidhean Croise

Isaias 11:4

Nalintegto ti panangukomna kadagiti napanglaw; salaknibannanto ti kalintegan ti awan gawayna. Agbilinto ket madusa ti daga; matayto dagiti managdakdakes a tattao.

Isaias 49:2

Pinagbalinna dagiti saok a kas natadem a kampilan; babaen kadagiti imana, sinalaknibannak! Pinagbalinnak a kasla pana, natirad ken sisasagana a maibiat.

Taga-Efeso 6:17

Awatenyo met ti pannakaisalakan a pannakahelmetyo ken ti sao ti Dios nga ited ti Espiritu a pannakakampilanyo.

2 Taga-Tesalonica 2:8

Kalpasanna, agparangto ti Managdakdakes, ngem inton umay ti Apo Jesus papatayennanto babaen iti pug-awna ken dadaelennanto babaen iti makapurar a raniag ti panagparangna.

Paltiing 1:16

Ig-iggaman ti makannawan nga imana ti pito a bituen. Rimmuar iti ngiwatna ti maysa a kampilan a natadem ken dua ti tademna. Makasisirap ti rupana kas iti raniag ti init iti agmatuon.

Paltiing 16:9

Mapupuoran la ngaruden dagiti tattao, ilunlunodda pay laeng ti nagan ti Dios nga adda pannakabalinna kadagitoy a didigra idinto nga agbabawida koma kadagiti basbasolda ket agdaydayawda iti dayagna.

Paltiing 19:15

Manipud iti ngiwatna, rimmuar ti maysa a natadem a kampilan a pangparmekna kadagiti pagilian. Iturayannanto ida babaen iti baston a landok, ket manipud iti pagpespesan iti ubas, pagayusennanto ti arak ti napalalo a pungtot ti Mannakabalin-amin a Dios.

Paltiing 19:21

Natay dagiti buyotda iti kampilan a rimmuar iti ngiwat ti nakasakay iti kabalio. Ket nagum-uma dagiti tumatayab a nangan kadagiti lasagda.

Paltiing 2:12

“Kastoy ti isuratmo iti anghel ti iglesia idiay Pergamo: “Daytoy ti mensahe nga aggapu iti addaan iti natadem a kampilan a dua ti tademna:

Paltiing 2:5

Laglagipem ti kasasaadmo idi sakbay ti pannakatnagmo. Agbabawika ket agbiagka a kas idi nangrugika a nagkristiano. Ta no saanka nga agbabawi, umaykonto ikkaten ti pagsilawam iti nakaisaadanna.

Paltiing 22:20

Kuna ti mangpaneknek iti daytoy, “Agpayso nga umayakon!” Amen! Umaykan, Apo Jesus!

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 3:19

Babalawek ken dusaek ti amin nga ay-ayatek. Agregtaka ngarud ket agbabawika kadagiti basbasolmo.