Paltiing 2:10 - Ti Baro a Naimbag a Damag Biblia

¹⁰ Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.

Ti Biblia (1973)

¹⁰ Dica cabuteng dagiti banbanag nga inca lac-amen: Adtoy, ti diablo mapanna ipisoc iti pagbaludan dagiti dadduma cadacayo, tapno masuutcayo; ket addanto rigatyo bayat ti sangapulo nga aldaw. Agtalgedca agingga ken patay, ket itdecto kenca ti balangat ti biag.

Paltiing 2:10 Iomraidhean Croise

Dagiti Salmo 31:23

Ayatenyo ti Apo, dakay amin a matalek a tattaona! Dagiti mapagtalkan, salakniban ti Apo, ngem dagiti natangsit nakaro ti panangdusana kadakuada.

Dungdung-aw 3:57

Sinungbatannak ket imbagam nga awan pagbutngak.

Daniel 1:12

Kinunana, “Paliiwennakami iti uneg ti sangapulo nga aldaw. Ikkannakami laeng iti natnateng a taraon ken danum nga inumen.

Daniel 1:14

Immannugot ti guardia a padasenda ti kasta iti uneg ti sangapulo nga aldaw.

Habakuk 2:3

Isuratmo agsipud ta saan pay a mapasamak. Ngem dandanin dumteng ti tiempo, ket mapasamakto ti ipakitak kenka. Kasla mabayag ti idadatengna ngem urayem. Awan duadua a mapasamak iti tiempo nga inkeddengko ket saanto nga agtaktak.

San Mateo 10:22

Guraendakayto dagiti tattao gapu kaniak. Ngem ti siasinoman a makaibtur agingga iti panungpalan, maisalakanto.

San Mateo 10:28

Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a makabalin a mangpatay iti bagi ken kararua idiay infierno.

San Mateo 24:13

Ngem maisalakanto ti siasinoman a makaibtur agingga iti panungpalan.

San Marcos 13:13

Guraendakayto dagiti amin a tattao gapu kaniak. Ngem maisalakanto ti siasinoman a makaibtur agingga iti panungpalan.”

San Marcos 8:35

Ta ti siasinoman a mangipatpateg iti biagna, mapukawnanto; ngem ti mangyawat iti biagna gapu kaniak ken iti ebanghelio, maisalakannanto.

San Lucas 21:12

“Ngem sakbay a mapasamak dagitoy, tiliwendakayto dagiti tattao ket idadanesdakayto. Maidarumkayto ket mausigkayto iti uneg dagiti sinagoga, ket maibaludkayto. Gapu kaniak, maisaklangkayto kadagiti ar-ari ken agtuturay.

San Juan 12:25

Ti agayat iti biagna, mapukawnanto, ket ti gumura iti biagna ditoy lubong, salimetmetannanto iti biag nga agnanayon.

San Juan 13:2

Madama idi ti panangrabii ni Jesus ken dagiti adalanna. Inserrek ti Diablo iti panunot ni Judas nga anak ni Simon Iscariote ti panggep a mangliput ken ni Jesus.

San Juan 13:27

Apaman nga inawat ni Judas ti tinapay, simrek ni Satanas kenkuana. “Aramidem a dagus ti masapul nga aramidem,” kinuna ni Jesus kenkuana.

Dagiti Aramid 20:24

Ngem saan a nasken no agbiagak man wenno matayak. Matungpalko la ketdi ti nakaibaonak ket maileppasko ti trabaho nga inted kaniak ni Apo Jesus—ti panangiwaragawagko iti Naimbag a Damag maipapan iti parabur ti Dios.

Dagiti Aramid 21:13

Ngem kinunana, “Apay a sangitandak? Apay a pagladingitenyo 'toy pusok? Saanak la a sisasagana a mareppet. Sisasaganaak pay a matay idiay Jerusalem gapu ken ni Apo Jesus.”

1 Taga-Corinto 9:25

Nainget ti disiplina ti tunggal makisalisal a mangsansanay iti bagina. Aramidenna daytoy tapno umawat iti korona a di agpaut. Ngem agtaraytayo tapno magun-odtayo ti korona nga agpaut iti agnanayon.

Taga-Efeso 2:2

Sinurotyo idi ti dakes a panagbiag daytoy a lubong. Pinaiturayankayo iti naespirituan a pannakabalin ti tangatang, ti espiritu a mangituray ita kadagiti tattao a saan nga agtulnog iti Dios.

Taga-Efeso 6:12

Saan a dagiti tattao ti kagubgubattayo, no di ket ti armada dagiti demonio iti tangatang, dagiti agturay, dagiti pannakabalin ken dagiti didiosen wenno espiritu a pagdaydayawan dagiti tattao iti daytoy dakes a panawen.

Santiago 1:12

Nagasat ti tao nga agtalinaed a natibker bayat ti pannakasuotna. Ngamin, no agballigi, awatennanto ti balangat ti biag nga inkari ti Dios kadagiti agayat kenkuana.

1 Pedro 5:4

Ket inton agparang ti Pangulo a Pastor, awatenyonto ti nadayag a korona a dinto agpukaw ti raniagna.

1 Pedro 5:8

Agsalukagkayo. Agsiputkayo. Agdakdakiwas ti Diablo a kabusoryo—kasla leon a ngumerngernger nga agsapsapul iti alun-onenna.

Paltiing 13:14

Inallilawna amin a tattao nga agnanaed ditoy daga babaen kadagiti pagilasinan a naipalubos nga iparangna iti imatang ti umuna a narungsot nga animal. Imbaga ti narungsot nga animal kadagiti tattao ditoy lubong a mangaramidda iti ladawan a pammadayaw iti narungsot nga animal a nasugat iti kampilan ngem nagbiag.

Paltiing 13:2

Kasla leopardo ti nakitak nga animal, kasla agsaksaka nga oso, ken kasla agngiwngiwat a leon. Inted kenkuana ti dragon ti bukodna a pannakabalin, ti trono ken ti naindaklan a turayna.

Paltiing 13:7

Napalubosan a manggubat ken mangparmek kadagiti tattao ti Dios, ket naikkan iti kalintegan a mangituray kadagiti tattao iti amin a tribu, pagilian, pagsasao ken puli.

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 2:13

Ammok ti pagnaedam—ti lugar a yan ti trono ni Satanas. Nupay kasta, nagtalinaedka a napudno kaniak. Dimo tinallikudan ti pammatim kaniak uray idi tiempo ni Antipas a mapagtalkan a saksik a napapatay iti daydiay a pagtaengan ni Satanas.

Paltiing 2:9

Ammok dagiti pakariribukam. Ammok met a napanglawka, ngem iti kinapudnona, nabaknangka! Ammok pay dagiti pammadpadakes kenka dagiti agkunkuna a Judioda uray no saan met. Maysada a bunggoy nga agdaydayaw ken ni Satanas.