Paltiing 19:9 - Ti Baro a Naimbag a Damag Biblia

⁹ Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”

Ti Biblia (1973)

⁹ Ket isu kinunana caniac: Agsuratca: Nagasat dagidiay naawis iti pangrabi-i a pagbodaan ti Cordero. Ket kinunana caniac: Dagitoy napudnoda a sao ti Dios.

Paltiing 19:9 Iomraidhean Croise

Isaias 8:1

Kinuna ni Yahweh kaniak, “Mangalaka iti dakkel a pagsuratan ket isuratmo iti dadakkel a letra: ‘Maher-salal-has-baz.’

Habakuk 2:2

Ket daytoy ti sungbat ti Apo, “Isuratmo iti tapi a damili ti ipakaammok kenka tapno nalaka a basaen.

San Lucas 22:16

“Ta ibagak kadakayo a diakton mangan iti daytoy agingga a matungpal ti pudno a kaipapananna iti Pagarian ti Dios.”

1 Timoteo 1:15

Pudno daytoy a pagsasao a rumbeng nga awaten ken patien: Immay ni Cristo Jesus ditoy lubong tapno isalakanna dagiti managbasol. Siak ti kadadaksan kadakuada.

1 Timoteo 4:9

Pudno daytoy a pagsasao a naan-anay nga awaten ken patien.

2 Timoteo 2:11

Pudno daytoy a pagsasao: “No nairamantayo kenkuana a natay, kaduatayonto met nga agbiag.

Tito 3:8

Pudno dagitoy a pannursuro. Kayatko a yunay-unaymo dagitoy a bambanag tapno dagiti mamati iti Dios nareggetda nga agaramid iti naimbag. Nasayaat ken naserbi dagitoy a pammagbaga iti amin.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,

Paltiing 1:19

Isuratmo ngarud dagiti makitam, dagiti mapaspasamak iti agdama ken iti masakbayan.

Paltiing 10:4

Idi malpas ti dulluog, agsuratak koman, ngem nangngegko ti maysa a timek a naggapu sadi langit. “Ilimedmo ti imbaga dagiti pito a gurruod,” kinunana. “Dimo isurat.”

Paltiing 14:13

Kalpasanna, nakangngegak iti timek a naggapu sadi langit. Kinunana kaniak, “Isuratmo daytoy: Manipud ita, nagasat dagiti matay iti panagserbida iti Apo.” “Wen, nagasat,” kuna ti Espiritu. “Makainanadan kalpasan ti nadagsen a trabahoda ta kumuykuyog kadakuada ti bunga ti panagserbida.”

Paltiing 17:1

Immasideg kaniak ti maysa kadagiti pito nga angheles nga addaan iti pito a malukong ket kinunana: “Umayka, ket ipakitak kenka ti pannakadusa ti reyna ti immoralidad, dayta agdindinamag a siudad a nabangon iti asideg dagiti adu a karayan.

Paltiing 17:17

Tinignay ida ti Dios tapno sangsangkamaysada a mangibanag iti panggepna babaen iti pannangtedda iti turayda iti narungsot nga animal agingga iti pannakatungpal dagiti sao ti Dios.

Paltiing 2:1

“Kastoy ti isuratmo iti anghel ti iglesia idiay Efeso: “Daytoy ti mensahe nga aggapu iti mangig-iggem kadagiti pito a bituen iti makannawan nga imana ken agpagnapagna iti nagbabaetan dagiti pito a pagsilawan a balitok:

Paltiing 2:12

“Kastoy ti isuratmo iti anghel ti iglesia idiay Pergamo: “Daytoy ti mensahe nga aggapu iti addaan iti natadem a kampilan a dua ti tademna:

Paltiing 2:18

“Kastoy ti isuratmo iti anghel ti iglesia idiay Tiatira: “Daytoy ti mensahe nga aggapu iti Anak ti Dios nga addaan kadagiti mata a gumilgil-ayab a kasla apuy ken kadagiti saksaka nga agranraniag a kas iti napasileng a gambang.

Paltiing 2:8

“Kastoy ti isuratmo iti anghel iti iglesia idiay Esmirna: “Daytoy ti mensahe nga aggapu iti Pangrugian ken Paggibusan, isu a natay ken nagbiag manen:

Paltiing 21:5

Kinuna ti nakatugaw iti trono, “Pabaroekon ti amin a banag!” Kinunana pay kaniak, “Isuratmo daytoy: Mapangnamnamaan ken pudno dagitoy a sao.”

Paltiing 22:6

Kalpasanna, kinunana, “Napudno ken mapangnamnamaan dagitoy a sao. Ni Apo Dios a nangted iti Espirituna kadagiti profeta, isu ti nangibaon iti anghelna tapno ipakitana kadagiti adipenna met laeng ti masapul a mapasamak iti mabiit.

Paltiing 3:1

Ket kinunana kaniak, “Kastoy ti isuratmo iti anghel ti iglesia idiay Sardis: “Daytoy ti mensahe nga aggapu iti addaan kadagiti pito nga espiritu ti Dios ken kadagiti pito a bituen: Ammok dagiti aramidmo. Ammok nga agdindinamag a sibibiagka, ngem ti kinapudnona, nataykan!

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Paltiing 3:20

Denggem, addaak nga agtatakder iti ruar ket agtuktuktokak iti ruangan. No adda makangngeg iti timekko ket luktanna ti ruangan, sumrekakto iti balayna ket agkalanglangkamto a mangan.

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana: