Paltiing 19:7 - Ti Baro a Naimbag a Damag Biblia

⁷ Agrag-o ken agragsaktayo! Idaydayawtayo ti kinatan-okna, ta agkasaren ti Kordero! Nakasaganan ti Babai a Maikallaysa,

Ti Biblia (1973)

⁷ Agragrag-otayo, ket agvivatayo, ket agdaydayawto kencuana ta dimteng ti panagboda ti Cordero, ket ti asawaenna nacasaganan.

Paltiing 19:7 Iomraidhean Croise

Dagiti Salmo 107:42

Makita daytoy dagiti nalinteg ket agragsakda; ngem mapaulimek dagiti nakillo ken dakes.

Dagiti Salmo 48:11

agrag-o koma dagiti tattao ti Sion! Nalinteg ti pangngeddengmo; agrag-o koma dagiti siudad ti Juda!

Dagiti Salmo 9:14

tapno idiay Jerusalem agparangak kadagiti tattao, ket ipakaammok kadakuada ti gapu nga agdaydayawak kenka. Agragsakak agsipud ta insalakannak.

Dagiti Proverbio 29:2

Ipakitam kaniak ti agturay a nalinteg, ket ipakitak kenka dagiti naragsak a tattao. Ipakitam kaniak ti agturay a managdakdakes, ket ipakitak kenka dagiti saan a naragsak a tattao.

Kanta ni Solomon 3:11

Babbai iti Sion, umayyo kitaen ni Ari Solomon. Insaad ni inana ti korona iti ulona iti aldaw a panagkasarna; wen, iti aldaw ti rag-o ken ragsakna.”

Isaias 52:1

Jerusalem, bumilegka ket ipakitam ti kinatan-okmo manen! Nasantoan a siudad ti Dios, yarruatmo ti nadaeg a kawesmo! Dinton sumrek kadagiti ruanganmo dagiti saan a mamati iti Dios.

Isaias 62:5

Kas iti lalaki nga agtutubo, a mangasawa iti ubing a balasang, Isu a nangbukel kenka alaennaka a kas asawa. Kas iti nobio a maragsakan iti ay-ayatenna, Kastanto met a maragsakan ti Dios kenka.

Isaias 66:10

Makipagragsakkayo iti Jerusalem; agrag-okayo gapu kenkuana, dakay a mangipatpateg iti daytoy a siudad. Makipagrag-okayo itan kenkuana, dakay a nangdung-aw idi kenkuana.

Isaias 66:14

Agragsakkayto inton makitayo a mapasamak daytoy. Papigsaen ken pasalun-atennakayto. Iti kasta, maammoanyonto a siak, ni Yahweh, tulongak dagiti agtulnog kaniak, ket idissuorkonto ti pungtotko kadagiti kabusorko.”

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

San Mateo 1:20

Ngem idi pampanunotenna daytoy, nagparang kenkuana ti anghel ti Apo iti maysa a tagtagainep. Kinunana, “Jose nga anak ni David, dika agamak a mangikasar ken ni Maria, ta aramid ti Espiritu Santo ti sikogna.

San Mateo 22:2

“Mayarig ti Pagarian ti Langit iti kastoy: Adda idi maysa nga ari a nagpadaya gapu iti panagkasar ti anakna a lalaki.

San Lucas 12:36

a kas kadagiti adipen a mangpaspasungad iti amongda a napan nakiboda. No sumangpet ket agtugtog, dagdagusenda nga ilukat ti ridaw.

San Juan 3:29

Ti nobio ti akinkukua iti nobia; ti gayyem ti nobio agsiput ken agdengngeg ket maragsakan no mangngegna ti timek ti nobio. Ngarud, naan-anayen ti ragsakko.

2 Taga-Corinto 11:2

Agimonak kadakayo, kas iti panagimon ti Dios. Mayarigkayo iti natarnaw a balasang nga intulagko a mayasawa laeng ken ni Cristo.

Taga-Efeso 5:23

Ta adda kalintegan ti lalaki a mangibaga no ania ti aramiden ti asawana, a kas met iti kaadda ti kalintegan ni Cristo a mangibaga iti aramiden ti iglesia. Ket ni Cristo a mismo ti Mangisalakan iti iglesia a bagina.

Taga-Efeso 5:32

Adda dakkel a kinapudno nga iparangarang daytoy a paset ti Nasantoan a Surat, ket maawatak a mayaplikar daytoy ken ni Cristo ken iti iglesia.

Deuteronomio 32:43

“Dakayo a nasion, masapul nga itan-okyo dagiti tattao ti Apo; dusaenna dagiti amin a mangpapatay kadakuada, balsenna dagiti kabusorna, ket pakawanenna ti basol dagiti tattaona.”

Taga-Filipos 3:3

Datayo, saan nga isuda, ti pudno a nakugit ta agdaydayawtayo iti Dios babaen iti Espirituna. Agrag-otayo ta ti biagtayo adda ken Cristo Jesus ket saantayo nga agtalek kadagiti seremonia.

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Paltiing 19:9

Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”

Paltiing 21:2

Ket nakitak ti Nasantoan a Siudad, ti baro a Jerusalem, a bumabbaba manipud langit nga aggapu iti Dios, a kas iti babai a nakawesan nga agkasar ken mangpadpadaan iti lalaki a mangikallaysa kenkuana.

Paltiing 21:9

Inasitgannak ti maysa kadagiti pito nga angheles nga addaan iti pito a malukong a napno kadagiti pito a maudi a didigra. “Umayka,” kinunana, “ket ipakitak kenka ti babai nga ikasar ti Kordero.”

1 Samuel 2:1

Inkararag ni Ana: “Pinunno ti Apo toy pusok iti rag-o; gapu iti inaramidna, anian a ragsakko. Katawaak dagiti kabusorko; wen, maragsakanak ta tinulongannak ti Dios!