Paltiing 19:6 - Ti Baro a Naimbag a Damag Biblia

⁶ Kalpasanna, nangngegko ti kasla timek ti adu a tattao a kasla daranudor ti agdissuor a danum ken napigsa a gurruod. Kinunada: “Madaydayaw ti Dios! Ari ti Apo a Diostayo a Mannakabalin-amin!

Ti Biblia (1973)

⁶ Ket nangegco ti ariwawa ti cas la umariwecwec, ken cas la ungor dagiti adu a dandanum ken ti cas la uni ti napigsa a gurgurood, a cuncunada: Aleluya; ta agari ni Apo Dios, a Mannacabalin-amin.

Paltiing 19:6 Iomraidhean Croise

Ti Libro ni Job 40:9

Napigsaka kadi a kas kaniak? Gumluong kadi ti timekmo a kas iti timekko?

Dagiti Salmo 47:2

Masapul a pagbutngan ti Apo a Kangatoan, ta naindaklan nga Ari a mangiturong iti sangalubongan.

Dagiti Salmo 47:7

Kantaanyo ti Dios kadagiti pagdaydayaw ta isu ti Ari iti entero a daga!

Dagiti Salmo 77:18

Agallangogan ti uni ti gurruodmo, ket ti lubong malawagan kadagiti kimatmo; nagkintayeg ken nagpigerger ti daga.

Dagiti Salmo 93:1

Agari ti Apo; nakawesan iti kinadaeg ken bileg. Naipasdek ti lubong a pulos a saan a magunggon.

Dagiti Salmo 97:1

Agari ti Apo! Agragsakka, daga! Agrag-okayo, dakay amin nga isla!

Dagiti Salmo 97:12

Dakay a nalinteg, agrag-okayo iti Apo, ket idaydayawyo ti nasantoan a naganna.

Dagiti Salmo 99:1

Agarin ti Apo; agtigerger dagiti tattao. Agtugtugaw iti tronona iti ngatoen dagiti kerubim, ket agginggined ti daga.

Isaias 52:7

Nagpintas ketdin nga imatangan ti naibaon a sumungsungad iti bantay! Umayna ipakaammo kadagiti kabambantayan ti naimbag a damag ti kappia! Ipakaammona ti balligi ket kunana, “Agarin ti Diosmo, Sion!”

Jeremias 51:48

Inton umay dagiti taga-amianan a mangdadael iti Babilonia ket matnag ti siudad, agikkisto iti rag-o dagiti amin nga adda iti daga ken langit.

Ezekiel 1:24

Nangngegko ti banesbes dagiti payakda iti panagtayabda. Kasla daranudor ti baybay, kasla arimbangaw ti dakkel nga armada, kasla timek ti Dios a Mannakabalin-amin. Idi sumardengda nga agtayab, nagkupin dagiti payakda,

Ezekiel 43:2

Sadiay, nakitak ti idadateng ti dayag ti Dios ti Israel manipud iti daya. Kasla daranudor ti dalluyon ti baybay ti timek ti Dios, ket nagraniag ti daga iti makapurar a lawag.

San Mateo 6:13

Dinakam iturong iti nakaro a pakasuotan; Ilisinakami ketdi iti Managdakdakes.’

Paltiing 1:15

Agranraniag dagiti sakana a kasla napasileng a gambang a naglasat iti apuy. Ket ti timekna kasla daranudor ti agdissuor a danum.

Paltiing 1:8

“Siak ti Alfa ken ti Omega,” kuna ni Apo Dios a Mannakabalin-amin, isu nga adda ita, adda idi ken umayto.

Paltiing 12:10

Kalpasanna, nangngegko ti maysa a napigsa a timek sadi langit. Kinunana, “Dimtengen ti panangisalakan ti Dios, ti pannakabalinna ken ti pagarianna! Ipabigbigen ti Cristona ti turayna iti sangalubongan. Ta napagtalawen sadi langit ti mangidardarum kadagiti kakabsattayo iti pammati iti aldaw ken rabii iti sangoanan ti Dios.

Paltiing 14:2

Manipud sadi langit, adda nangngegko a timek a kasla daranudor ti dissuor ti danum ken napigsa a gurruod. Immaweng a kasla musika nga agtaud kadagiti matoktokar nga arpa.

Paltiing 19:1

Kalpasan daytoy, nangngegko ti kasla nagtitipon a timek ti adu a tattao sadi langit. Ikankantada: “Madaydayaw ti Dios! Ti pannakaisalakan, dayaw ken pannakabalin kukua ti Diostayo!

Paltiing 19:4

Nagpakleb dagiti duapulo ket uppat a panglakayen ken dagiti uppat a sibibiag a parsua, ket nagdaydayawda iti Dios nga agtugtugaw iti trono. Kinunada, “Amen! Madaydayaw ti Dios!”

Paltiing 21:22

Nadlawko nga awan templo iti siudad agsipud ta ni Apo Dios a Mannakabalin-amin ken ti Kordero ti pannakatemplona.

Paltiing 4:5

Manipud iti trono, agkimatkimat a kagiddan ti agkakapigsa nga uni ken gurruod. Iti sango ti trono, adda pito a pagsilawan a sumsumged; dagitoy dagiti pito nga espiritu ti Dios.

Paltiing 6:1

Kalpasanna, nakitak nga inikkat ti Kordero ti umuna kadagiti pito a timbre ket nangngegko ti napigsa a timek a kas iti gurruod ti maysa kadagiti uppat a sibibiag a parsua a kunana, “Umayka!”

Paltiing 8:5

Kalpasanna, innala ti anghel ti insensario, kinargaanna kadagiti beggang manipud iti altar sana impurruak iti daga. Naggurruod, rimsua ti napigsa nga arimbangaw, nagkimat ken nagginggined.