Paltiing 19:3 - Ti Baro a Naimbag a Damag Biblia

³ Kinunada pay iti napigsa a timek: “Madaydayaw ti Dios! Agpangato iti agnanayon nga awan inggana ti asuk ti mapupuoran nga agdindinamag a siudad!”

Ti Biblia (1973)

³ Ket kinunada iti maicadua: Aleluya. Ket daydi asucna agpangato iti agnanayon.

Paltiing 19:3 Iomraidhean Croise

Genesis 19:28

Manipud sadiay, tinannawaganna ti Sodoma ken Gomorra ken ti entero a tanap. Nakitana ti agpangpangato a napuskol nga asuk a kasla naggapu iti dakkel nga urno.

Dagiti Salmo 104:35

Mapukaw koma dagiti managbasol ditoy daga; dagiti managdakdakes mamimpinsan koma a maikisapda. O kararuak, idaydayawmo ti Apo. Madaydayaw ti Apo.

Isaias 34:10

Sumgedto iti aldaw ken rabii, ket agnanayonto nga agas-asuk. Aglangalangto ti daga iti amin a tiempo, ket awanton a pulos ti magna iti rabawna.

San Judas 1:7

Laglagipenyo ti Sodoma ken Gomorra ken dagiti kabangibang nga il-ili. Nagbasolda iti pannakikamalala ken kinaderrep ket sagsagabaenda ti dusa iti agnanayon nga apuy. Daytoy ti pakaballaagantayo amin.

Paltiing 14:11

Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Paltiing 18:18

Agsangsangitda a mangbuybuya iti asuk ti maur-uram a siudad. “Awan umasping iti kinalatak dayta a siudad!” kinunada.

Paltiing 18:9

Mapuoranto ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.

Paltiing 19:1

Kalpasan daytoy, nangngegko ti kasla nagtitipon a timek ti adu a tattao sadi langit. Ikankantada: “Madaydayaw ti Dios! Ti pannakaisalakan, dayaw ken pannakabalin kukua ti Diostayo!

Paltiing 19:4

Nagpakleb dagiti duapulo ket uppat a panglakayen ken dagiti uppat a sibibiag a parsua, ket nagdaydayawda iti Dios nga agtugtugaw iti trono. Kinunada, “Amen! Madaydayaw ti Dios!”