Paltiing 19:14 - Ti Baro a Naimbag a Damag Biblia

¹⁴ Sumarsaruno kenkuana dagiti armada ti langit. Nakasakayda kadagiti puraw a kabalio ket sikakawesda iti nadalus ken puraw a de lana.

Ti Biblia (1973)

¹⁴ Ket dagiti buybuyot sadi langit sumursurotda kencuana, a nagsacayda cadagiti cacabayo a puraw, nagcawesda ti lupot a nalapat, puraw ken natarnaw.

Paltiing 19:14 Iomraidhean Croise

Dagiti Salmo 68:17

Kadua ti Dios ti rinibribu a nabileg a luganna. Naggapu ti Apo idiay Sinai ket mapan iti nasantoan a disso.

Dagiti Proverbio 31:22

Agaramid kadagiti abbong ti katre, ken napintas a linen dagiti pagan-anayna.

Isaias 3:23

dagiti makagargari a pagan-anayda, dagiti linen a panioda, dagiti panio a maiputipot iti tengngedda ken dagiti atiddog a belo iti uloda.

Zacarias 14:5

Aglibaskayto ket magnakay iti daytoy a tanap a nanggudua iti bantay. Agtataraykayto a kas kadagidi kapuonanyo idi dimteng ti ginggined iti tiempo ni Uzzias nga ari ti Juda. Umayto ti Apo a Diosko ket ikuyogna dagiti amin nga angheles.

San Mateo 21:5

“Ipakaammoyo iti siudad ti Sion: Umayen ti arim, Napakumbaba ken sisasakay iti asno; Wen, iti urbon ti asno.”

San Mateo 26:53

Dimo aya ammo a mabalinko ti agpatulong ken ni Amak ket ibaonna a dagus ti nasurok a sangapulo ket dua nga armada dagiti angheles?

San Mateo 28:3

Makapurar a kasla kimat ti langana ken nakapudpudaw ti pagan-anayna.

2 Taga-Tesalonica 1:7

Pagin-awaennakayto nga agsagsagaba, ket kastanto met kadakami. Aramidennanto daytoy inton agparang ni Apo Jesus nga aggapu sadi langit, a kaduana dagiti mannakabalin nga anghelesna.

San Judas 1:14

Dagiti kakasta a tattao ti pinampanunot ni Enoc a maikapito a kaputotan ni Adan, idi impadtona daytoy: “Kitaenyo! Umayto ti Apo agraman dagiti rinibribu a nasantoan nga anghelesna

Paltiing 14:1

Nakitak ti Kordero nga agtaktakder idiay Bantay Sion. Kaduana ti 144,000 a tattao a nasuratan ti mugingda iti nagan ti Kordero ken iti nagan ti Amana.

Paltiing 14:20

Napespes dagiti ubas iti ruar ti siudad, ket manipud iti pagpespesan, nagayus ti dara a dimmanon iti 320 a kilometro ti kaatiddog ken lima a kadapan ti kaadalem.

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 19:11

Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

Paltiing 19:8

nakawesan iti nadalus ken nasileng a de lana.” (Ti de lana isu dagiti nalinteg nga aramid dagiti tattao ti Dios.)

Paltiing 3:4

“Ngem ti sumagmamano kadakayo dita Sardis, pinagtalinaedyo a nadalus ti pagan-anayyo. Makipagnakayto kaniak a sikakawes iti puraw ta maikarikayo.

Paltiing 4:4

Iti aglikmut ti trono, adda duapulo ket uppat a sabali a trono a pagtugtugawan ti duapulo ket uppat a panglakayen a nakakawes iti puraw ken nakakorona iti balitok.

Paltiing 7:9

Kalpasan daytoy, nakitak ti nakaad-adu a tattao—awan ti makabilang iti kaaduda. Naggapuda iti amin a puli, tribu, pagilian ken pagsasao. Nakatakderda iti sangoanan ti trono ken ti Kordero. Puraw ti kawesda ken nakaiggemda iti sanga ti palma.