Paltiing 19:12 - Ti Baro a Naimbag a Damag Biblia

¹² Kasla gumilgil-ayab nga apuy dagiti matana ket adu ti korona iti ulona. Naisurat ti naganna iti bagina, ngem isu laeng ti makaammo iti kaipapananna.

Ti Biblia (1973)

¹² Ket dagiti matana cas la darang ti apuy, ket iti olona adda adu a balbalangat; ket adda maysa a naganna a naisurat nga awan ti nacaammo no di isu met laeng,

Paltiing 19:12 Iomraidhean Croise

Genesis 32:29

“Ita, ibagamon kaniak ti naganmo,” kinuna ni Jacob. Ngem insungbatna, “Apay a kayatmo nga ammoen ti naganko?” Ket binendisionanna ni Jacob.

Dagiti Salmo 8:5

Pinarsuam ti tao a nababbaba ngem sika ket ti dayag ken dayaw kenkuana imbalangatmo.

Exodo 23:21

Ipangagyo ket tungpalenyo ti amin nga ibagana. Diyo sukiren gapu ta siak ti nangibaon kenkuana ket dinto mapakawan ti siasinoman nga agsukir.

Dagiti Proverbio 30:4

Siasino ti nakagun-oden iti nailangitan a pannakaammo? Siasino ti nakaiggemen iti angin? Siasino ti nakabungonen iti danum iti lupot? Siasino ti nakaipasdeken kadagiti beddeng ti daga? Ammom no siasino? Siasino ti anakna a lalaki?

Kanta ni Solomon 3:11

Babbai iti Sion, umayyo kitaen ni Ari Solomon. Insaad ni inana ti korona iti ulona iti aldaw a panagkasarna; wen, iti aldaw ti rag-o ken ragsakna.”

Isaias 62:3

Agbalinkanto a napintas a korona iti ima ti Apo.

Isaias 9:6

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

Daniel 10:6

Naraniag ti bagina a kas iti alahas. Naraniag met ti rupana a kasla kimat. Kasla gumilgil-ayab nga apuy dagiti matana. Kasla napasileng a bronse dagiti takkiag ken saksakana. Kasla met arimbangaw ti umariwekwek a tattao ti timekna.

Zacarias 9:16

Inton dumteng dayta nga aldaw, isalakanto ti Apo dagiti tattaona, a kas iti panangispal ti agpaspastor iti arbanna. Agraniagdanto iti dagana a kasla napateg a bato a naitampok iti korona.

San Mateo 11:27

“Inted kaniak ni Amak ti isuamin a banag. Awan ti makaam-ammo iti Anak no di laeng ti Ama. Awan met ti makaam-ammo iti Ama no di laeng ti Anak ken dagiti kayat ti Anak a pangipakaammoan kenkuana.

San Mateo 21:5

“Ipakaammoyo iti siudad ti Sion: Umayen ti arim, Napakumbaba ken sisasakay iti asno; Wen, iti urbon ti asno.”

San Mateo 28:18

Immasideg ni Jesus ket kinunana, “Naited kaniak ti amin a pannakabalin idiay langit ken ditoy daga.

San Lucas 10:22

“Intalek kaniak ni Amak dagiti amin. Awan makaam-ammo iti Anak no di laeng ti Ama. Awan met makaam-ammo iti Ama no di laeng ti Anak ken dagiti kayat ti Anak a pangipakaammoan.”

San Juan 17:11

Ita, umayakon kenka, Nasantoan nga Ama. Awanakon iti lubong, ngem addada iti lubong. Aywanam ngarud ida babaen iti pannakabalin ti naganmo nga intedmo kaniak tapno agmaymaysada a kas kadata.

San Juan 17:12

Bayat ti kaaddak kadakuada, inaywanak ida babaen iti pannakabalin ti naganmo nga intedmo kaniak. Sinalaknibak ida, ket awan ti uray maysa kadakuada a napukaw, malaksid daydi tao a naituding a mapukaw tapno matungpal ti Nasantoan a Surat.

Taga-Efeso 1:21

Agturay ni Cristo sadiay. Nangatngato ngem dagiti amin a nailangitan a papangulo, agtuturay, pannakabalin ken appo. Addaan iti akem a nangatngato ngem dagiti amin nga akem ti pannakabalin iti agdama ken iti masakbayan.

Hebreo 2:9

Makitatayo ketdi ni Jesus a naaramid a nababbaba ngem dagiti angheles iti apagbiit a tiempo, tapno babaen iti parabur ti Dios, mapadasanna ti matay a maipaay kadagiti amin a tattao. Makitatayo a nabalangatan ita iti dayag ken dayaw gapu iti sinagabana a patay.

Paltiing 1:14

Napudaw a kas iti kapas wenno puraw a delana ti ulo ken dagiti buokna. Kasla gumilgil-ayab nga apuy dagiti matana.

Paltiing 12:3

Sabali pay a nakaskasdaaw a pagilasinan ti nagparang iti langit: Adda dakkel a dragon a nalabaga a pito ti ulona ken sangapulo ti sarana. Adda korona ti tunggal ulo.

Paltiing 13:1

Nakitak ti maysa a narungsot nga animal a rumrumkuas iti taaw. Pito ti ulona ket sangapulo met ti sarana. Nagkorona ti tunggal sara ket iti tunggal ulo, adda dagiti naisurat a nagan a nanglais iti Dios.

Paltiing 19:16

Iti kawes ken luppona, naisurat dagiti balikas: “Ari dagiti ar-ari ken Apo dagiti appo.”

Paltiing 3:12

“Ti agballigi, pagbalinekto a maysa kadagiti adigi iti templo ti Diosko, ket agyanto sadiay iti agnanayon. Ikitikitkonto kenkuana ti nagan ti Diosko ken ti nagan ti siudad ti Diosko, ti baro a Jerusalem a bumabanto manipud langit ken aggapu iti Diosko. Ikitikitkonto met kenkuana ti baro a naganko.

Paltiing 6:2

Kimmitaak, ket adda nagparang a puraw a kabalio. Adda bai ti pana ti nakasakay. Naikkan iti korona ket rimmuar tapno ituloyna ti panagballigina.

Uk-ukom 13:18

“Apay a kayatmo a maammoan?” sinaludsod ti anghel. “Maysa a pagsidsiddaawan ti naganko.”