Paltiing 19:11 - Ti Baro a Naimbag a Damag Biblia

¹¹ Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

Ti Biblia (1973)

¹¹ Ket nakitac ti langit a silulucat; ket adtoy ti maysa a cabayo a puraw, ket daydi nagsacay kencuana, managan idi ti Matalec ken Napudno; ket maipuon iti kinalinteg mangocom ken agaramid iti gubat.

Paltiing 19:11 Iomraidhean Croise

Dagiti Salmo 50:6

Ibunannag ti langit a nalinteg ti Dios, ket isu met laeng ti ukom.

Dagiti Salmo 96:13

Inton umay ukomen ti Apo ti daga, nalinteg ken awan idumdumana iti panangukomna iti amin a tattao ditoy lubong.

Dagiti Salmo 98:9

ta umayna ukomen ti daga! Nalinteg ken awan idumdumana iti panangukomna iti amin a tao.

Dagiti Salmo 99:4

Mannakabalinka nga ari, ayatem ti nalinteg. Inyegmo ti hustisia iti Israel; inyegmo ti kinalinteg ken panagpapada.

Exodo 15:3

Mannakigubat ti Apo; Yahweh ti naganna.

Isaias 32:1

Dumtengto ti aldaw nga agturayto ti maysa a natakneng nga ari. Tumaudto dagiti papangulo a nalinteg.

Isaias 45:21

Umaykayo ket idatagyo dagiti kasoyo iti pangukoman, bay-anyo nga agiinnuman dagiti naidarum. Siasino ti nangipadto idi un-unana, a daytoyto ti mapasamak? Saan aya a siak, ni Yahweh, ti Dios a mangisalakan kadagiti tattaona? Awanen ti sabali a Dios, malaksid kaniak.

Jeremias 33:15

Iti dayta a tiempo, mangpiliakto iti agbalin nga ari nga agtaud iti kaputotan ni David. Aramidento dayta nga ari ti naimbag ken nalinteg iti entero a daga.

Ezekiel 1:1

Iti maikalima nga aldaw, iti maikapat a bulan, iti maika-30 a tawen, siak, ni Ezekiel a padi ken anak ni Busi, nakipagnanaedak kadagiti napagtalaw a kas balud a Judio iti igid ti Karayan Kebar idiay Babilonia. Naglukat ti langit, ket nakitak ti Dios iti maysa a parmata. (

Zacarias 1:8

Nakitak ti maysa nga anghel ti Apo a nagsakay iti nalabaga a kabalio. Nagsardeng iti ummong dagiti nasamek a kayo iti maysa a tanap. Iti likudanna, adda dagiti sabali pay a kabalio—nalabaga, puraw ken garitgaritan.

San Juan 1:51

Ket kinunana kadakuada, “Ibagak kadakayo ti pudno: makitayonto nga aglukat ti langit ken dagiti angheles ti Dios nga umuli-umulog iti ayan ti Anak ti Tao.”

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

Paltiing 1:5

Aggapu pay ken ni Jesu-Cristo a mapagtalkan a saksi, inauna nga Anak a nagungar ken kangatoan kadagiti agtuturay iti lubong. Ay-ayatennatayo ni Jesu-Cristo, ket winayawayaannatayo kadagiti basbasoltayo babaen iti ipapatayna.

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 19:19

Ket nakitak ti narungsot nga animal, dagiti ari iti daga ken dagiti buyotda. Naguurnongda a manggubat iti nakasakay iti kabalio agraman dagiti buyotna.

Paltiing 19:21

Natay dagiti buyotda iti kampilan a rimmuar iti ngiwat ti nakasakay iti kabalio. Ket nagum-uma dagiti tumatayab a nangan kadagiti lasagda.

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Paltiing 3:7

“Kastoy ti isuratmo iti anghel ti iglesia idiay Filadelfia: “Daytoy ti mensahe ti nasantoan ken napudno. Ig-iggamanna ti tulbek a kukua idi ni David. No adda ilukatna, awan ti makairikep, ket no adda rikpanna, awan ti makailukat. Kunana:

Paltiing 4:1

Kalpasan daytoy, adda manen sabali a parmata a nasaksiak. Nakakitaak iti silulukat a ruangan sadi langit. Ket nangngegko manen ti timek a kasla uni ti trumpeta a kunana kaniak: “Umulika ditoy ket ipakitak kenka dagiti dumteng a mapasamak.”

Paltiing 6:2

Kimmitaak, ket adda nagparang a puraw a kabalio. Adda bai ti pana ti nakasakay. Naikkan iti korona ket rimmuar tapno ituloyna ti panagballigina.