Paltiing 19:10 - Ti Baro a Naimbag a Damag Biblia

¹⁰ Nagpaklebak iti sakaananna tapno agdaydayawak kenkuana, ngem kinunana, “Dimo aramiden ti kasta! Adipenak met a kas kenka ken kas kadagiti kakabsatmo a nangpaneknek iti pudno maipapan ken ni Jesus. Ti Dios laeng ti pagdaydayawam!” Ta ti pammaneknek maipapan ken ni Jesus isu ti mangtignay kadagiti profeta.

Ti Biblia (1973)

¹⁰ Ket nagrucnoyac cadagiti sacsacana tapno agdaydayawac kencuana. Ket isu kinunana caniac: Kitaem, dica aramiden dayta. Siac ti adipen a caduam ken cadua dagiti cacabsatmo, a mangsalimetmet iti pammanecnec ken Jesus. Agdaydayawca iti Dios ta ti pammanecnec ken Jesus isu ti espiritu ti pammadto.

Paltiing 19:10 Iomraidhean Croise

2 Ar-ari 17:36

Agbutengkayo kaniak, siak, ni Yahweh a nangiruar kadakay idiay Egipto babaen iti naindaklan a bileg ken pannakabalin; masapul nga agrukbabkayo kaniak ken agidatagkayo kaniak kadagiti daton.

Dagiti Salmo 45:11

Gapu iti pintasmo tarigagayannaka ti ari; isun ti apom, tungpalem ngarud ti kayatna.

Exodo 34:14

“Dikay agdaydayaw iti sabali a dios, ta siak, ni Yahweh, diak ipalubos nga adda kasalisalko.

Daniel 2:46

Nagpakleb ni Ari Nebucadnesar kas pammadayawna ken ni Daniel. Kalpasanna, imbilinna a maidatag ken ni Daniel dagiti sakrifisio ken daton.

Daniel 7:10

Agay-ayus nga apuy ti aggapu iti trono. Rinibribu dagiti agserserbi kenkuana ket linaklaksa dagiti adda iti sangoananna. Nangrugi ti panangukom ket naluktan dagiti libro.

San Mateo 4:10

Insungbat ni Jesus, “Pumanawka, Satanas! Kuna ti Nasantoan a Surat, ‘Agdaydayawka iti Apo a Diosmo ket isu laeng ti pagserbiam.’”

San Marcos 5:22

Dimteng ni Jairo, maysa nga ofisial iti sinagoga iti dayta a lugar. Idi makitana ni Jesus, nagparintumeng ket nagpakpakaasi kenkuana,

San Marcos 7:25

Adda idi maysa nga ina. Linuganan ti dakes nga espiritu ti anakna a babai. Nadamagna ti maipapan ken ni Jesus ket dinagdagusna ti napan kenkuana sa nagparintumeng iti sakaananna.

San Lucas 1:19

“Siak ni Gabriel,” kinuna ti anghel. “Agserserbiak iti imatang ti Dios a nangibaon kaniak a makisao ken mangidanon kenka iti daytoy a damag. Ngem dika met mamati iti mensahek a matungpalto iti naituding a tiempo. Gapu ta dika mamati, agumelkanto ket dikanto makasao agingga iti aldaw a matungpal dagiti sinaok.”

San Lucas 24:44

Kalpasanna, kinunana kadakuada, “Dagitoy dagiti imbagbagak kadakayo idi addaak pay laeng iti arpadyo. Masapul a matungpal amin a naisurat maipapan kaniak iti Linteg ni Moises, kadagiti sursurat dagiti profeta, ken kadagiti Salmo.”

San Juan 5:39

“Ad-adalenyo dagiti Sursurat agsipud ta ipagarupyo a masarakan kadagitoy ti biag nga agnanayon. Ket dagitoy met laeng a Sursurat ti agsao maipapan kaniak.

Dagiti Aramid 10:43

Saksian dagiti amin a profeta ti maipapan ken ni Jesus a ti siasinoman a mamati kenkuana, mapakawanto dagiti basbasolna babaen iti pannakabalin ti naganna.”

Dagiti Aramid 13:27

Ta saan a nabigbig dagiti agnaed idiay Jerusalem ken dagiti panguloda a ni Jesus ti Mangisalakan. Dida met naawatan ti sao dagiti profeta a maibasbasa iti tunggal Aldaw a Panaginana. Ngem isuda met laeng ti nangipatungpal iti sao dagiti profeta idi inukomda ni Jesus.

2 Taga-Corinto 8:7

Nabaknangkayo unay iti amin nga adda kadakayo: iti pammati, iti sao, iti ammo, iti gagaryo a tumulong ken iti ayatyo kadakami. Iti kasta, kayatmi a managparaburkayo met koma.

Taga-Efeso 5:15

Ngarud, annadanyo ti panagbiagyo. Dikay agbiag a kas nakuneng a tattao, no di ket kas mamasirib.

Taga-Efeso 5:33

Mayaplikar met daytoy kadakayo. Masapul nga ayaten ti tunggal lalaki ti asawana a kas iti bagina. Masapul met a raemen ti tunggal babai ti asawana.

Taga-Filipos 3:3

Datayo, saan nga isuda, ti pudno a nakugit ta agdaydayawtayo iti Dios babaen iti Espirituna. Agrag-otayo ta ti biagtayo adda ken Cristo Jesus ket saantayo nga agtalek kadagiti seremonia.

1 Taga-Tesalonica 5:15

Diyo supapakan iti dakes dagiti agaramid kadakayo iti dakes. Ikagumaanyo ketdi a kanayon ti agaramid iti naimbag iti tunggal maysa ken kadagiti amin a tattao.

Hebreo 1:14

Siasino ngarud dagiti angheles? Espirituda nga agserserbi iti Dios ket imbaonna ida a tumulong kadagiti umawat iti pannakaisalakan.

Hebreo 12:25

Agannadkayo ngarud ket ipangagyo ti agsasao. No saan a nakalisi dagidi saan a nangipangag iti nasantoan a mensahe, ad-addanto pay a ditayo makalisi no tallikudantayo ti agsasao manipud langit!

1 Juan 5:10

Ngarud, siasinoman a mamati iti Anak ti Dios adda kenkuana daytoy a pammaneknek. Ngem ti di mamati iti Dios, pinagbalinna nga ulbod ti Dios, ta dina pinati ti pammaneknekna maipapan iti Anakna.

1 Juan 5:21

Annakko, annadanyo dagiti saan a pudno a dios.

Paltiing 1:1

Nailanad iti daytoy a libro dagiti impaltiing ti Dios ken ni Jesu-Cristo. Naipaltiing dagitoy kenkuana tapno ipakitana kadagiti adipen ti Dios dagiti masapul a mapasamak iti mabiit. Impakaammo ni Cristo dagitoy ken ni adipenna a Juan babaen iti panangibaonna iti anghelna,

Paltiing 1:9

Siak ni Juan a kabsatyo. Kas pasurot ni Jesus, kaduakayo iti panagsagaba, iti pagarian ni Cristo ken iti naanus a panagibtur. Naipanak iti puro a managan Patmos gapu ta impakaammok ti sao ti Dios ken ti kinapudno nga impakaammo ni Jesus.

Paltiing 12:11

Pinarmek dagiti kakabsattayo babaen iti dara ti Kordero ken iti panangsaksida iti pudno. Siaayatda a mangipatli iti biagda gapu iti pammatida.

Paltiing 12:17

Gapu iti pungtot ti dragon, napanna ginubat dagiti nabati nga annak ti babai, dagiti amin nga agtungtungpal kadagiti bilbilin ti Dios ken mangsaksaksi iti pudno nga impaltiing ni Jesus.

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 19:9

Ket kinuna ti anghel kaniak, “Isuratmo daytoy: Nagasat dagiti naawis iti pannakarambak ti kasar ti Kordero.” Innayonna, “Pudno a sao ti Dios dagitoy.”

Paltiing 4:10

agrukbab dagiti duapulo ket uppat a panglakayen iti sangoanan ti trono ket agdaydayawda iti situtugaw sadiay, isu nga agbiag iti agnanayon nga awan inggana. Ipurruakda ti koronada iti sangoanan ti trono sada kuna: