Paltiing 18:9 - Ti Baro a Naimbag a Damag Biblia

⁹ Mapuoranto ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.

Ti Biblia (1973)

⁹ Ket dagiti ar-ari ti daga, a nakicamalala ken nakipagbiag iti kinabuslon dagiti ragragsac kencuana agsangsangit ket agdungawdanto intono makitada ti asuc ti pacapuuranna.

Paltiing 18:9 Iomraidhean Croise

Genesis 19:28

Manipud sadiay, tinannawaganna ti Sodoma ken Gomorra ken ti entero a tanap. Nakitana ti agpangpangato a napuskol nga asuk a kasla naggapu iti dakkel nga urno.

Dagiti Salmo 58:10

Inton madusa dagiti managbasol, agragsakto ti nalinteg; agdigosto dagiti sakana iti dara dagiti managdakdakes.

Isaias 13:19

Ti Babilonia ti kapintasan a pagarian. Isu ti pagtangtangsit dagiti tattaona. Ngem siak, ni Yahweh, dadaelekto ti Babilonia a kas iti inaramidko iti Sodoma ken Gomorra!

Isaias 30:33

Idi un-unana, addan naisagana a lugar a pakapuoran iti ari ti Asiria. Nauneg ken nalawa daytoy a disso a nakatuontuonan ti adu a kayo. Ket arigto iti gumilgil-ayab nga asufre ti anges ti Apo a mangpasged kadagiti kayo.

Jeremias 50:40

Dadaelekto ti Babilonia a kas iti panangdadaelko idi iti Sodoma ken Gomorra ken kadagiti kabangibangda nga il-ili. Awanton ti agnaed sadiay. Ni Yahweh ti agsasao iti daytoy.

Jeremias 50:46

Inton maparmek ti Babilonia, addanto napigsa nga ikkis ken daranudor a mangdayyeg iti entero a daga. Ti dung-awna mangngegto dagiti nasnasion.”

Jeremias 51:8

Kellaat a natnag ti Babilonia ket nadadaelen! Dung-awanyo! Yalaanyo iti agas dagiti sugatna bareng no umimbag pay.

Ezekiel 27:35

“Nakigtot dagiti amin nga agnaed iti igid ti baybay idi maammoanda ti napasamak kenka. Mabuteng uray pay dagiti arida, ket makita ti buteng iti rupada.

Daniel 4:14

Impukkawna, ‘Pukanem dayta a kayo ket sip-akem dagiti sangana! Rurosem dagiti bulongna ken iwarawaram dagiti bungana. Bugawem dagiti animal iti sirokna ken dagiti tumatayab kadagiti sangana.

Deuteronomio 29:23

Awanto ti serserbi ti daga ta makumotanto iti asufre ken asin. Awanto ti maimula ket uray ruruot dinto agtubo sadiay. Maipadanto ti dagayo kadagiti ili ti Sodoma ken Gomorra, Adma ken Seboim a dinadael ti Dios idi kasta unay ti pungtotna.

1 Timoteo 5:11

Ngem dimo ilista dagiti ub-ubing a balo, agsipud ta no dida magawidan ti riknada ket kayatda manen ti makiasawa, tallikudanda ni Cristo

Paltiing 14:11

Agnanayon nga awan inggana ti panagpangato ti apuy a mangparparigat kadakuada. Aldaw ken rabii nga awan inana dagiti nagdaydayaw iti narungsot nga animal ken iti ladawanna, ken dagiti namarkaan iti naganna.”

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 18:18

Agsangsangitda a mangbuybuya iti asuk ti maur-uram a siudad. “Awan umasping iti kinalatak dayta a siudad!” kinunada.

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

Paltiing 18:3

Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Paltiing 18:7

No kasano ti kinapasindayag ken kinabarayuboyna, Kasta met ti rigat ken ladingit nga ipalak-amyo kenkuana. Ta kanayon nga ibagbagana iti bagina: ‘Naisaadak a reyna, saanak a maysa a balo. Diakto aglak-am iti ladingit uray kaano!’

Paltiing 19:3

Kinunada pay iti napigsa a timek: “Madaydayaw ti Dios! Agpangato iti agnanayon nga awan inggana ti asuk ti mapupuoran nga agdindinamag a siudad!”

Paltiing 2:22

Adtoy, idalitkonto iti pagiddaan, agraman dagiti nakikamalala kenkuana. Agsagabadanto iti nakaro malaksid no agbabawida iti kinadakes nga inaramidda iti sidongna.