Paltiing 18:6 - Ti Baro a Naimbag a Damag Biblia

⁶ Ipalak-amyo kenkuana ti inaramidna kadakayo. Ibalesyo iti mamindua ti impaayna. Punnoenyo ti kopana iti inumen a napapait ngem ti insaganana kadakayo.

Ti Biblia (1973)

⁶ Supapacanyo a cas ti impaayna met; ket paminduaenyo ti mamindua, kencuana, cas mainugot cadagiti ar-aramidna; iti copa a nangilaocanna, ilaocanyo iti mamindua a maipaay kencuana.

Paltiing 18:6 Iomraidhean Croise

Dagiti Salmo 137:8

Madadaelkanto, Babilonia, nagasat daydiay mangbales kenka gapu iti impalak-ammo kadakami.

Dagiti Salmo 28:4

Dusaem ida gapu iti inaramidda, gapu iti amin a dakes a gapuananda. Wen, dusaem ida gapu iti aramidda; ipaaymo ti rumbeng a dusada!

Isaias 40:2

Paregtaenyo dagiti tattao ti Jerusalem. Ibagayo kadakuada nga umdasen ti nabayag a panagsagsagabada, ket napakawanen dagiti basbasolda. Naan-anay ti panangdusak kadakuada gapu kadagiti amin a basolda.”

Isaias 61:7

Agpatinggan ti pannakaibabain ken pannakalalaisyo. Agnaedkayto iti bukodyo a daga; maminduanto ti kaadu ti sanikuayo, ket agpautto iti agnanayon ti rag-oyo.

Jeremias 16:18

Maminduanto ti kadagsen ti dusada gapu kadagiti basol ken kinadakesda, gapu ta tinulawanda ti dagak kadagiti imahen nga awanan biag a kas kadagiti bangkay ket pinunnoda kadagiti saan a pudno a dios.”

Jeremias 17:18

Ibabainmo dagiti mangidadanes kaniak, ngem dinak iramraman. Lapunosem ida iti buteng, ngem dinak butbutngen. Didigraem ken dadaelem ida a mamimpinsan.

Jeremias 50:15

Ipukkawyo ti ikkis ti gubat iti entero a siudad. Simmukon ti Babilonia. Natibbag ken narpuogen dagiti bakudna. Balsek dagiti taga-Babilonia. Balsenyo ngarud ida ket aramidenyo kadakuada ti kas iti inaramidda kadagiti sabsabali.

Jeremias 50:29

“Ibagayo kadagiti pumapana a rautenda ti Babilonia. Ibaonyo dagiti amin a makaammo nga agpana. Lakubenyo ti siudad! Diyo ipalubos nga adda makalibas. Ibalesyo kenkuana ti amin nga inaramidna kadagiti sabsabali agsipud ta sitatangsit a nangbusor kaniak, siak a Nasantoan ti Israel.

Jeremias 51:24

Kuna ni Yahweh, “Makitadakto a mangbales iti Babilonia. Balsekto dagiti tattaona gapu kadagiti dakes nga inaramidda iti Jerusalem.

Jeremias 51:49

Ti Babilonia ti gapu ti nakatayan dagiti tattao iti entero a lubong. Maparmeken agsipud ta isu ti gapu ti nakatayan ti adu nga Israelita. Siak, ni Yahweh, ti agsasao iti daytoy.”

Dungdung-aw 3:64

“Dusaem ida, O Apo, gapu iti inaramidda;

Zacarias 9:12

Agsublikayo, dakayo a naitalaw, dakayo a balud nga addaan namnama; agsublikayon iti natalged a taengyo. Ibagak kadakayo ita, subadakto iti mamindua a kaadu ti bendision ti amin a sinagabayo.

2 Timoteo 4:14

Adu ti dakes nga inaramid kaniak ni Alejandro a mammanday. Dusaento ti Dios gapu iti inaramidna.

Paltiing 13:10

Siasinoman a nairanta a matiliw, matiliwto. Ti nairanta a mapapatay iti kampilan, mapapatayto iti kampilan. Daytoy ti pakasapulan iti panagibtur ken pammati iti biang dagiti tattao ti Dios.”

Paltiing 14:10

inumendanto a mismo ti arak ti napalalo a pungtot ti Dios, ti arak nga imbukbokna nga awan lalaokna iti kopa ti pungtotna! Matutuokdanto iti apuy ken asufre iti sangoanan dagiti nasantoan nga angheles ken ti Kordero.

Paltiing 16:19

Nadadael a nagkatlo ti dakkel a siudad, ket narba dagiti siudad iti amin a pagilian. Saan a nakalisi ti agdindinamag a Babilonia iti pannusa ti Dios; impainumna kenkuana ti arak iti kopana—ti arak ti nakaam-amak a pungtotna.

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 17:4

Kolor ube ken nalabaga ti pagan-anay ti babai. Rumimatrimat dagiti alahasna a balitok, agkakapateg a bato ken perlas. Nakaiggem iti kopa a balitok a napno iti agkakaalas ken agkakarugit a banag a gapuanan ti kinaimmoralna.

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!