Paltiing 18:4 - Ti Baro a Naimbag a Damag Biblia

⁴ Nangngegko ti sabali pay a timek a naggapu sadi langit a kunana: “Adaywanyo, rummuarkayo kenkuana, tattaok! Saankayo a makiraman kadagiti basbasolna, tapno diyo baklayen met ti pannakadusana!

Ti Biblia (1973)

⁴ Ket nangngegco ti sabali a timec a naggapu sadi langit, a cuncunana: Rummuarcay kencuana, O tattaoc, tapno dicay mairaman cadagiti basbasolna, ken tapno saanyo nga awaten dagiti saplitna:

Paltiing 18:4 Iomraidhean Croise

Genesis 19:14

Napan ni Lot kadagiti mangasawanto kadagiti babbai nga annakna ket kinunana, “Darasenyo ti pumanaw! Dadaelen ti Apo daytoy a lugar.” Ngem impagarupda nga agang-angaw ni Lot.

Dagiti Salmo 50:18

No makakitaka iti mannanakaw, agbalinka a gayyemna, ket makipulpulapolka kadagiti mannakikamalala.

Isaias 48:20

Panawanyo ti Babilonia ket agbalinkayo a siwawaya! Idir-iyo a siraragsak ti damag, ket ipakaammoyo iti amin a lugar: “Insalakan ti Apo ti Israel nga adipenna!”

Isaias 52:11

Pumanawkayo, pumanawkayo iti Babilonia, dakay a mangaw-awit kadagiti nasagradoan nga alikamen! Diyo sagiden ti aniaman a maiparit; pasantoenyo dagiti bagbagiyo, ket panawanyo ti siudad.

Jeremias 50:8

“Panawanyo ti Babilonia, dakayo nga Israelita! Pumanawkayo iti dayta a daga! Dakayo ti umuna a pumanaw!

Jeremias 51:45

Tattao ti Israel, panawanyo dayta a lugar. Tumaray ti tunggal maysa tapno malisianna ti nakaro a pungtotko.

Jeremias 51:50

Kuna ni Yahweh kadagiti tattaona iti Babilonia, “Nalisianyo ti patay! Inkayon! Dikay agtaktak! Nupay adayokayo, siak, ni Yahweh, ti panunotenyo. Laglagipenyo ti Jerusalem.

Jeremias 51:6

Talawanyo ti Babilonia! Isalakanyo ti biagyo! Saankayo koma a matay gapu iti basol ti Babilonia. Agibalesakon ket dusaek a kas iti maiparbeng kenkuana.

Jeremias 51:9

Kinuna dagiti ganggannaet nga agnaed sadiay, ‘Pinadasmi a tulongan ti Babilonia ngem naladawen. Umaykayon! Panawantayon ket agawidtayo kadagiti dagdagatayo. Impakat ti Dios ti amin a pigsana a nangdusa iti Babilonia. Dinadaelna a namimpinsan.’”

San Mateo 23:30

Kunayo pay, ‘No addakam la koma idi tiempo dagiti ammami dimi koma tinulongan ida a nagpapatay kadagiti profeta.’

2 Taga-Corinto 6:17

Isut' gapuna a kuna ti Apo: “Panawanyo ida ket suminakayo kadakuada. Diyo sagiden dagiti makatulaw a banag, Ket awatenkayto.

1 Timoteo 5:22

Dika agganat a mangipatay iti imam iti siasinoman para iti panagserbi iti Apo. Dika makiraman iti basol dagiti sabali. Agtalinaedka a nadalus.

2 Juan 1:11

Ta ti mangkablaaw kenkuana, agbalin a kaduana iti dakes nga aramidna.