Paltiing 18:3 - Ti Baro a Naimbag a Damag Biblia

³ Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Ti Biblia (1973)

³ Ta gapu iti arac ti pungtot ti pannakicamalalana, narba dagiti isu-amin a pagpagarian: ket dagiti ar-ari ti daga nakicamalalada kencuana, ket dagiti agtagtagilaco ditoy daga bimmacnangda gapu iti kinabuslon dagiti ragragsacna.

Paltiing 18:3 Iomraidhean Croise

Isaias 47:15

Daytoy ti pangiturongan kenka ti pammagbaga dagitoy nga astrologo a nakium-umanam bayat ti panagbiagmo. Panawandakanto ket mapandanto iti kaykayatda; awanto ti mabati a mangisalakan kenka.”

Jeremias 51:34

Rinangrangkay ti ari ti Babilonia ti Jerusalem ket kinnanna. Kasla dragon a nangalun-on kenkuana; imbukbokna a kasla burnay ti amin a nagyan iti siudad. Innalana ti kinaykayatna ket imbellengna ti natda.

Jeremias 51:7

Kasla balitok a kopa ti Babilonia nga ig-iggamak. Binartekna ti entero a lubong. Ininum dagiti nasion ti arakna ket nagmauyongda.

Dungdung-aw 4:5

Matmatay iti bisin kadagiti kalsada dagiti tattao a naimas idi ti taraonna. Dagiti dimmakkel iti nanam-ay a panagbiag agsuksukainda iti basura nga agbirok iti kanenda.

Nahum 3:4

Madusdusan ti balangkantis a Nineve, makagargari ken makapatay ti pintasna. Kinayawanna dagiti nasion, ket ginargarina ida.

San Lucas 7:25

Ania ti napanyo kinita? Maysa a tao a nagkawes iti napintas a pagan-anay? Kinapudnona, palasio ti pagnaedan dagiti agkawes iti kasta ken agbiag a sibubuslon!

1 Timoteo 5:11

Ngem dimo ilista dagiti ub-ubing a balo, agsipud ta no dida magawidan ti riknada ket kayatda manen ti makiasawa, tallikudanda ni Cristo

Paltiing 14:8

Simmaruno ti maikadua nga anghel ket kinunana, “Natnagen ti Babilonia! Wen, natnagen ti agdindinamag a siudad! Pinainumna dagiti amin a tattao iti arak—ti naingel nga arak ti kinaderrepna.”

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 18:19

Inikkanda dagiti uloda iti tapok ket kinunada a sililiday: “Nakabutbuteng! Nakaam-amak ti napasamak iti agdindinamag a siudad! Dayta a siudad ti bimmaknangan dagiti amin nga adda barkona nga agbibiahe. Ngem napukawna amin iti uneg ti maysa nga oras!”

Paltiing 18:23

Saannakanto metten a raniagan ti uray maysa a pagsilawan; saanto metten a mangngeg dagiti naragsak a timek ti agkasar. Dagiti komersiantem ti kabibilgan iti amin a lubong. Inallilawmo dagiti amin a nasion babaen iti salamangka.”

Paltiing 18:7

No kasano ti kinapasindayag ken kinabarayuboyna, Kasta met ti rigat ken ladingit nga ipalak-amyo kenkuana. Ta kanayon nga ibagbagana iti bagina: ‘Naisaadak a reyna, saanak a maysa a balo. Diakto aglak-am iti ladingit uray kaano!’

Paltiing 18:9

Mapuoranto ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.