Paltiing 18:23 - Ti Baro a Naimbag a Damag Biblia

²³ Saannakanto metten a raniagan ti uray maysa a pagsilawan; saanto metten a mangngeg dagiti naragsak a timek ti agkasar. Dagiti komersiantem ti kabibilgan iti amin a lubong. Inallilawmo dagiti amin a nasion babaen iti salamangka.”

Ti Biblia (1973)

²³ Ket ti lawag ti maysa a pagsilawan saanto nga aglawagen kenca; ket ti timec ti novio ken ti novia saanto a mangngeganen kenca: ta dagiti agtagtagilaco kenca isuda idi dagiti pangoloen ti daga; ta gapu cadagiti panagsalsalamangcam naallilaw dagiti isu-amin a pagpagarian.

Paltiing 18:23 Iomraidhean Croise

2 Ar-ari 9:22

Sinaludsod ni Joram, “Kappia kadi ti inyegmo, Jehu?” “Kasano nga adda kappia,” insungbat ni Jehu, “no adda pay laeng panagan-anito ken panagdaydayaw kadagiti didiosen nga insungsong ni inam a Jezebel?”

Ti Libro ni Job 21:17

Adda kadin managdakdakes a naiddep ti silawna? Addan aya maysa kadakuada a nadidigra? Addan aya dinusa ti Dios kadakuada iti pungtotna,

Dagiti Proverbio 24:20

Awan ti masakbayan ti dakes a tao, ket awan namnamaenna.

Isaias 23:8

Siasino ti nangyeg kadagitoy iti Tiro, dayta natan-ok a siudad, a dagiti komersiantena isuda dagiti madaydayaw unay a tattao ditoy daga?

Isaias 47:9

Ngem iti apagkanito, iti maysa la nga aldaw, mapasamakto kenka dagitoy dua a banag. Uray aramidem amin a panagsalamangkam, matayto dagiti annakmo ket mabalokanto.

Jeremias 16:9

Siak ni Yahweh a Mannakabalin-amin a Dios ti Israel. Denggem ti ibagak: Pasardengekto ti amin nga ariwawa ti ragragsak ditoy, ket saanton a mangngeg dagiti naragsak a parambak ti kasar. Masaksianto dagiti tattao nga adda ditoy ti pannakapasamak dagitoy.

Jeremias 25:10

Pagsardengekto dagiti ikkisda iti ragsak ken rag-o, ken dagiti naragsak nga arimbangaw dagiti paboda. Iddepekto met dagiti silawda. Awanton ti makan.

Jeremias 7:34

Agbalinto ti daga a let-ang. Gibusakto ti ragsak ken rag-o kadagiti siudad ti Juda ken kadagiti kalkalsada ti Jerusalem. Saanton a mangngeg dagiti naragsak nga ariwawa ti parambak dagiti agkasar.

Nahum 3:4

Madusdusan ti balangkantis a Nineve, makagargari ken makapatay ti pintasna. Kinayawanna dagiti nasion, ket ginargarina ida.

Dagiti Aramid 8:11

Sigagagarda a dimngeg kenkuana ta nabayag a pinagsiddaawna ida babaen ti panagsalamangkana.

Paltiing 12:9

Naitappuak ti dakkel a dragon, daydi uleg idi ugma a managan Diablo wenno Satanas, a mangal-allilaw iti entero a lubong. Naitappuak ditoy daga agraman dagiti anghelesna.

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 17:5

Naisurat iti mugingna ti nagan nga adda nalimed a kaipapananna: “Ti Agdindinamag a Babilonia, ina dagiti dakes a babbai ken amin a kinaderrep ditoy lubong.”

Paltiing 18:22

Saanton a mangngeg iti siudadmo ti tokar dagiti umaarpa ken musiko, dagiti agpuypuyot iti fluta ken trumpeta. Awanton ti masarakan kenka a managpartuat. Saanton nga aguni dagiti gilingan!

Paltiing 18:3

Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Paltiing 18:9

Mapuoranto ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.

Paltiing 21:8

Ngem nakabutbutengto ti pagbanagan dagiti takrot, dagiti traidor, dagiti naderrep, dagiti mammapatay, dagiti mannakikamalala, dagiti managanito, dagiti agrukbab kadagiti didiosen ken amin nga ulbod—agyandanto iti dan-aw ti gumilgil-ayab nga apuy ken asufre nga isu ti maikadua nga ipapatay.”

Paltiing 22:15

Ngem mabati iti ruar ti siudad dagiti narukop a tattao, dagiti managsalamangka, dagiti mannakikamalala, dagiti mammapatay, dagiti agdaydayaw kadagiti didiosen ken dagiti managayat ken agaramid iti kinaulbod.

Paltiing 22:5

Awan ti rabii sadiay ket didanto masapul ti pagsilawan wenno ti lawag ti init agsipud ta ni Apo Dios ti silawdanto ket agaridanto iti agnanayon nga awan inggana.

Paltiing 6:15

Naglemmeng dagiti ari ditoy daga, dagiti agtuturay ken pangulo dagiti soldado, dagiti nabaknang ken nabileg, ken amin, adipen ken siwawaya. Napanda kadagiti rukib ken sirok dagiti bato kadagiti bambantay.

Paltiing 9:21

Saanda met a nagbabawi iti panagpappapatayda, panagan-anitoda, pannakikamkamalalada ken panagtaktakawda.