Paltiing 18:2 - Ti Baro a Naimbag a Damag Biblia

² “Natnagen!” impukkawna. “Natnagen ti Babilonia nga agdindinamag a siudad! Taeng laengen dagiti demonio ken dakes nga espiritu. Pagaponanen ti amin a kita ti agkakarugit ken nakarimrimon a tumatayab.

Ti Biblia (1973)

² Ket pimmuccaw iti napigsa a timec, a cuncunana: Narba, narba ti dackel a Babilonia, ket nagbalin nga pagnaedan dagiti diablo, ken pagapunan ti amin a kita ti espiritu a nacarimrimon, ken tangcal ti amin a tumatayab a narugit ken macapagura.

Paltiing 18:2 Iomraidhean Croise

Isaias 14:23

Pagbalinekto ti Babilonia a kadandanuman a daga ket agnaedto sadiay dagiti kullaaw. Sagadakto ti Babilonia agingga a maikkat ti amin kenkuana. Siak, ni Yahweh a Mannakabalin-amin, ti nangibaga iti daytoy.”

Jeremias 25:30

“Ket sika, Jeremias, masapul nga ipakaammom dagiti amin nga imbagak. Ibagam daytoy kadagitoy a tattao, ‘Manipud langit agpukkawto ti Apo, ket agsao manipud iti nasantoan a taengna. Pukkawannanto dagiti tattaona; agriawto a kas iti agpespespes iti ubas. Mangngegto ti amin a tattao ditoy daga,

Jeremias 51:37

Agbalinto dayta a pagilian a nagrebbaan a taeng dagiti atap nga animal. Nakabutbutengto ti buyana. Awanto ti agtaeng sadiay, ket makigtotto dagiti amin a makakita iti napasamak kenkuana.

Jeremias 51:8

Kellaat a natnag ti Babilonia ket nadadaelen! Dung-awanyo! Yalaanyo iti agas dagiti sugatna bareng no umimbag pay.

Joel 3:16

Agpukkaw ni Yahweh manipud Bantay Sion; manipud Jerusalem, agallangogan ti timekna. Agkintayeg ti daga ken ti tangatang, ngem salaknibannanto dagiti tattaona.

Sofonias 2:14

Sadiayto ti pagaponan dagiti arban ken amin a kita ti animal. Agnaedto dagiti kullaaw kadagiti rebba a patakderna ket mangngegto ti pukkawda kadagiti tawa. Aguninto dagiti wak kadagiti agdan. Maikkatto dagiti tarikayo a sedro dagiti balbalay.

Paltiing 1:15

Agranraniag dagiti sakana a kasla napasileng a gambang a naglasat iti apuy. Ket ti timekna kasla daranudor ti agdissuor a danum.

Paltiing 10:3

Nagpukkaw ket kasla ungor ti adu a leon ti timekna. Nasungbatan iti dulluog dagiti pito a gurruod.

Paltiing 11:8

Maiwalangto dagiti bangkayda iti kangrunaan a kalsada ti dakkel a siudad. Sodoma wenno Egipto ti naespirituan a naganna. Ditoy met a lugar ti nakailansaan ti Apoda iti krus.

Paltiing 14:15

Sabali pay nga anghel ti rimmuar iti templo ket impukkawna iti agtutugaw iti ulep, “Aramatem ti kumpaymo ta aggapaska, ta dimtengen ti tiempo. Mabalinen ti agani iti daga!”

Paltiing 14:8

Simmaruno ti maikadua nga anghel ket kinunana, “Natnagen ti Babilonia! Wen, natnagen ti agdindinamag a siudad! Pinainumna dagiti amin a tattao iti arak—ti naingel nga arak ti kinaderrepna.”

Paltiing 16:13

Ket nakakitaak iti tallo a narugit nga espiritu a kasla tukak a rumrummuar kadagiti ngiwat ti dragon, ti narungsot nga animal ken ti sinan-profeta.

Paltiing 16:19

Nadadael a nagkatlo ti dakkel a siudad, ket narba dagiti siudad iti amin a pagilian. Saan a nakalisi ti agdindinamag a Babilonia iti pannusa ti Dios; impainumna kenkuana ti arak iti kopana—ti arak ti nakaam-amak a pungtotna.

Paltiing 17:18

“Ti nakitam a babai, isu ti dakkel a siudad a mangituray kadagiti ar-ari iti daga.”

Paltiing 17:5

Naisurat iti mugingna ti nagan nga adda nalimed a kaipapananna: “Ti Agdindinamag a Babilonia, ina dagiti dakes a babbai ken amin a kinaderrep ditoy lubong.”

Paltiing 18:10

Agtakderdanto iti adayo agsipud ta mabutengda a mairaman iti pannakadusana. Kunadanto: “Nakabutbuteng! Iti uneg laeng ti maysa nga oras, nalpasen ti pannakadusa ti agdindinamag a siudad ti Babilonia!”

Paltiing 18:21

Kalpasanna, nangala ti maysa a mannakabalin nga anghel iti bato a kas iti kadakkel ti gilingan ket impurruakna iti baybay a kunkunana: “Kastoyto ti nakaam-amak a pannakatnag ti Babilonia nga agdindinamag a siudad, ket saanton a makita uray kaanoman.

Paltiing 5:2

Ket nakitak ti maysa a mannakabalin nga anghel a nangipakaammo iti napigsa a timek: “Siasino ti maikari a mangikkat kadagiti timbre ken mangukrad iti nalukot a pagbasaan?”