Paltiing 18:15 - Ti Baro a Naimbag a Damag Biblia

¹⁵ Saan nga umasideg dagiti agtagtagilako a bimmaknang iti dayta a siudad agsipud ta mabutengda a mairaman iti panagsagabana. Agsangit ken agdung-awdanto,

Ti Biblia (1973)

¹⁵ Dagiti agtagtagilaco cadagitoy a banbanag, a bimmacnangda gapu kencuana, agtatacderdanto idiay adayu, gapu iti butengda iti tuocna, nga agsangsangit ken agdungdung-awda;

Paltiing 18:15 Iomraidhean Croise

Ezekiel 27:31

Kuskosanda ti uloda gapu kenka, ket agpanesda. Madudog ti pusoda, bayat ti panagsangitda.

Zacarias 11:5

Partien ida dagiti akinkukua ket dida madusa. Ilakoda ti karne ket kunada, ‘Madaydayaw ti Apo! Nabaknangkamin!’ Uray dagiti mismo a mangipaspastor kadakuada, dida kaasian ida.” (

San Marcos 11:17

Kalpasanna, insurona dagiti tattao, “Nailanad iti Nasantoan a Surat a kuna ti Dios, ‘Managananto ti balayko iti balay a pagkararagan nga agpaay kadagiti amin a tattao.’ Ngem pinagbalinyo a rukib dagiti tulisan!”

Dagiti Aramid 16:19

Idi makita dagiti appo ti balasang nga awanen ti pangkukuartaanda, tiniliwda da Pablo ken Silas. Ginuyodguyodda ida nga impan iti plasa sada indatag ida kadagiti ofisiales ti siudad.

Paltiing 18:12

Awanen ti gumatang kadagiti balitok, pirak, agkakapateg a bato ken perlasda; kadagiti linen, ube, seda ken nalabaga a lupot; kadagiti amin nga agkakabanglo a kayo ken amin a kita ti alikamen a naaramid iti marfil ken agkakangina a kayo, bronse, landok ken marmol;

Paltiing 18:13

ken kadagiti kanela, rekado, insenso, mirra ken olibano; kadagiti arak ken lana, arina ken trigo; kadagiti baka ken karnero, kabalio ken lugan, tagabu, kayatna a sawen, dagiti kararua dagiti tattao.

Paltiing 18:14

Kunanto kenkuana dagiti agtagtagilako: “Awanen dagiti naimbag a bambanag a kayatmo a tagikuaen, ket saanton a mapasubli ti amin a kinabaknangmo agraman ti kinapintasmo!”

Paltiing 18:19

Inikkanda dagiti uloda iti tapok ket kinunada a sililiday: “Nakabutbuteng! Nakaam-amak ti napasamak iti agdindinamag a siudad! Dayta a siudad ti bimmaknangan dagiti amin nga adda barkona nga agbibiahe. Ngem napukawna amin iti uneg ti maysa nga oras!”

Paltiing 18:3

Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”