Paltiing 17:8 - Ti Baro a Naimbag a Damag Biblia

⁸ Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Ti Biblia (1973)

⁸ Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.

Paltiing 17:8 Iomraidhean Croise

Dagiti Salmo 69:28

Iti libro dagiti sibibiag mapunas koma ti naganda; iti listaan dagiti tattaom, mailaksidda koma.

Daniel 11:45

Bangonennanto pay dagiti dadakkel a toldana a kas ari iti nagbaetan ti baybay ken ti bantay a nakabangonan ti Templo. Ngem matayto, ket awanto sadiay ti tumulong kenkuana.”

Daniel 7:11

Bayat ti panagbuybuyak, mangngegko pay laeng ti panagparparammag ken panagpalpalangguad ti bassit a sara. Idi kitkitaek, napapatay ti maikapat nga animal ket naipurruak ti bangkayna iti apuy.

Daniel 7:26

Kalpasanna, mangukomto iti pangukoman ti langit, ikkatendanto ti pannakabalinna ket dadaelendanto a mamimpinsan.

Daniel 7:3

Manipud iti taaw, timpuar ti uppat a narungsot nga animal. Agdudumada iti langa.

Daniel 7:7

Madama pay la nga agbuybuyaak idi makitak ti maikapat a narungsot nga animal. Nakabutbuteng a matmatan ken kasla nagpaiduma ti pigsana. Dadakkel dagiti ngipenna a landok; kinaremkem ken linamotna dagiti tiniliwna sana imbaddebaddek dagiti aniaman a natda. Saan a kas kadagiti immun-una nga animal. Adda sangapulo a sarana.

San Mateo 25:34

Kalpasanna, kunanto ti Ari kadagiti tattao iti makannawanna: ‘Umaykayo, dakayo a binendisionan ni Amak! Awatenyo ti pagarian a naisagana para kadakayo manipud pannakaparsua ti lubong.

San Lucas 10:20

Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”

San Lucas 8:31

Dinawat dagiti demonio ken ni Jesus a dina ibaon ida iti yuyeng.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

Dagiti Aramid 15:18

Kasta ti kuna ti Apo a nangipakaammo iti daytoy iti nabayagen a tiempo.’”

Taga-Efeso 1:4

Sakbay ti pannakaparsua ti lubong, pinilinatayon ti Dios nga agbalin a kukuana babaen ken ni Cristo, tapno nasantoan ken awan pakababalawantay iti imatangna. Gapu iti ayatna,

1 Pedro 1:20

Sakbay a pinarsua ti Dios ti lubong, pinilina ni Cristo ket naiparangarang kadagitoy maudi nga aldaw tapno maisalakankayo.

Paltiing 11:7

Inton maipakaammo dagiti dua a saksi ti mensaheda, rummuarto ti narungsot nga animal iti nakaun-uneg a yuyeng tapno gubatenna ida. Parmeken ken papatayennanto ida.

Paltiing 17:11

Ket ti narungsot nga animal a sibibiag idi ngem ita natayen, isu ti maikawalo nga ari a maibilang kadagiti pito—agturongen iti pannakadadael.

Paltiing 17:2

Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Paltiing 20:10

Kalpasanna, naitappuak iti dan-aw ti apuy ken asufre ti Diablo a nangallilaw kadakuada. Daytoy met la a dan-aw ti nakaitappuakan ti narungsot nga animal ken ti sinan-profeta. Matutuokdanto sadiay iti aldaw ken rabii, iti agnanayon nga awan inggana.

Paltiing 20:12

Nakitak dagiti natay, natan-ok ken nanumo, nga agtatakder iti sangoanan ti trono. Naluktan dagiti libro ken ti sabali a libro, ti libro ti biag. Naukom dagiti natay segun ti inaramidda a kas naisurat kadagiti libro.

Paltiing 20:15

Ditoy a dan-aw ti apuy ti nakaitappuakan dagiti awan naganna iti libro ti biag.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 3:5

Kastoyto ti pannakakawes ti agballigi, ket diakto punasen ti naganna iti libro ti biag. Ipaduyakyakkonto ti naganna iti sangoanan ni Amak ken dagiti anghelesna nga isu ket kukuak.