Paltiing 17:4 - Ti Baro a Naimbag a Damag Biblia

⁴ Kolor ube ken nalabaga ti pagan-anay ti babai. Rumimatrimat dagiti alahasna a balitok, agkakapateg a bato ken perlas. Nakaiggem iti kopa a balitok a napno iti agkakaalas ken agkakarugit a banag a gapuanan ti kinaimmoralna.

Ti Biblia (1973)

⁴ Ket daydi babai nagcawes iti purpura ken escarlata, ket naarcosan cadagiti balitoc ken batbato a napateg ken perperlas nga adda idi imana ti maysa a copa a balitoc a napno cadagiti macarimon, dagiti met laeng kinarugit ti pannakicamalalana,

Paltiing 17:4 Iomraidhean Croise

1 Ar-ari 14:24

Ket adda pay dagiti lallaki ken babbai nga agserserbi a kas balangkantis kadagita a pagdaydayawan dagiti pagano. Tinulad dagiti tattao ti Juda ti amin a nakababain nga aramid dagiti tattao a pinagtalaw ni Yahweh idi sumrek dagiti Israelita iti daga.

2 Ar-ari 21:2

Saan a naragsakan kenkuana ni Yahweh ta tinuladna dagiti makarimon nga aramid dagiti nasion a pinagtalaw ni Yahweh sakbay a dimteng dagiti Israelita.

ESDRAS 9:11

nga intedmo kadakami babaen kadagiti adipenmo a profeta. Imbagada kadakami a saan a nadalus ti daga nga inkam tagikuaen agsipud ta pinunno dagiti agnanaed sadiay kadagiti narugit ken makarimon nga aramid.

Isaias 66:3

“Aramiden dagiti tattao ti kaykayatda. Iti imatangda, awan pagdumaan dagiti aramidda. Agpartida man iti toro a baka a kas sakrifisio, wenno agidatagda iti tao a kas daton; agidatonda man iti urbon a karnero, wenno rungdoenda ti tengnged ti aso. Agidatagda iti daton a makan wenno agidatagda iti dara ti baboy. Agpuorda iti insenso wenno agkararagda iti imahen. Maragsakanda iti makarimon a panagdaydayaw.

Jeremias 51:7

Kasla balitok a kopa ti Babilonia nga ig-iggamak. Binartekna ti entero a lubong. Ininum dagiti nasion ti arakna ket nagmauyongda.

Dungdung-aw 1:9

Nalaka idi a makita ti kinarugitna. Ngem dina inkankano ti pagbanaganna. Nakaal-alliaw ti pannakaparmekna, awan makaliwliwa kenkuana. Nagballigi dagiti kabusorna, ket agdawat ken ni Yahweh iti panangngaasina.

Ezekiel 20:30

Ibagam ngarud kadagiti Israelita a daytoy ti kunak: Apay a masapul nga aramidenyo dagiti makarimon nga inaramid dagidi kapuonanyo, iti panagdaydayawyo kadagiti didiosenda?

Ezekiel 24:11

Kalpasanna, isaadyo ti bronse a kaldero nga awan nagyanna iti rabaw dagiti beggang ket bay-anyo a bumeggang. Maikkatto dagiti latina ket nadalusto manen iti imatang ti linteg.

Ezekiel 24:13

Jerusalem, tinulawannaka dagiti dakes nga aramidmo. Nupay pinadasko ti mangdalus kenka, nagtalinaedka latta a natulawan. Saanto a naan-anay ti pannakadalusmo agingga a mariknam ti bileg ti amin a pungtotko.

Ezekiel 28:13

Nagnaedka idiay Eden a hardin ti Dios, ket nagalahaska iti amin a kita ti napateg a bato: rubi, diamante, topasio, berilio, karnelia, haspe, safiro, esmeralda ken karbunkulo. Adda idi al-alahasmo a balitok. Naaramidda nga agpaay kenka iti aldaw a pannakaparsuam.

Ezekiel 36:25

Warsiankayto iti nadalus a danum ket madalusankayto iti amin nga didiosen ken amin a nangtulaw kadakayo.

Daniel 11:38

Padayawannanto ketdi ti didiosen a mangsalsalaknib kadagiti sarikedked. Agidatagto kadagiti balitok, pirak ken alahas ken dadduma a napapateg a sagut iti didiosen a saan a nagdaydayawan dagiti kapuonanna.

Oseas 9:10

Kuna ti Apo, “Idi damo a masarakak ti Israel, kaslaak la nakasarak kadagiti pinuon ti ubas a sumansantak iti let-ang. Idi damo a makitak dagiti kapuonanyo, kaslaak la nakakita iti apagluom ken damo a bunga ti igos. Ngem idi dumtengda idiay Bantay Peor, rinugianda ti nagdaydayaw ken ni Baal. Nagbalinda a makarimon a kas iti imahen nga inayatda.

Deuteronomio 29:17

Nakitayo dagiti makarimon a didiosenda a naaramid iti kayo, bato, pirak ken balitok.

Paltiing 14:8

Simmaruno ti maikadua nga anghel ket kinunana, “Natnagen ti Babilonia! Wen, natnagen ti agdindinamag a siudad! Pinainumna dagiti amin a tattao iti arak—ti naingel nga arak ti kinaderrepna.”

Paltiing 18:12

Awanen ti gumatang kadagiti balitok, pirak, agkakapateg a bato ken perlasda; kadagiti linen, ube, seda ken nalabaga a lupot; kadagiti amin nga agkakabanglo a kayo ken amin a kita ti alikamen a naaramid iti marfil ken agkakangina a kayo, bronse, landok ken marmol;

Paltiing 18:16

a kunada, “Nakabutbuteng ti napasamak iti agdindinamag a siudad! Agkawkawes idi iti nalabaga a lupot, de lana ken ube. Agar-aramat idi kadagiti alahas a balitok, agkakapateg a bato ken perlas!

Paltiing 19:2

Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”

Paltiing 21:21

Perlas dagiti sangapulo ket dua a ruangan; naaramid ti tunggal maysa iti sangkanayon a perlas. Paspasig a balitok dagiti kalsada ti siudad; aganninaw a kas kristal.

Paltiing 9:21

Saanda met a nagbabawi iti panagpappapatayda, panagan-anitoda, pannakikamkamalalada ken panagtaktakawda.