Paltiing 17:3 - Ti Baro a Naimbag a Damag Biblia

³ Nariknak nga addaak iti pannakabalin ti Espiritu ket impannak ti anghel iti let-ang. Nakitak sadiay ti maysa a babai a nakasakay iti narungsot nga animal a nalabaga a nasuratan ti entero a bagina kadagiti agkakadakes a nagan a maibusor iti Dios. Adda pito nga ulo ken sangapulo a sarana.

Ti Biblia (1973)

³ Ket impannac babaen iti Espiritu iti maysa a let-ang; ket nakitac idiay ti maysa a babai a nagsacay iti maysa nga animal a nalabaga, a napno cadagiti nagnagan a tabbaaw, nga addaan pito nga olo ken sangapulo a sara.

Paltiing 17:3 Iomraidhean Croise

1 Ar-ari 18:12

Ngem amangan ketdi nga apaman a makapanawak, alaennaka ti espiritu ti Apo sanaka ipan iti lugar nga awan ti makaammo. No ibagak ken ni Ahab nga addaka ditoy ket dinakanto mabirokan, papapataynakto. Laglagipem a napasnekak nga agdaydayaw iti Apo manipud pay idi ubingak.

2 Ar-ari 2:16

ket kinunada, “Limapulokami ditoy a napipigsa a lallaki. Intayo sapulen ti apom. Nalabit nga impanaw laeng ti espiritu ti Apo ket imbatina iti maysa a bantay wenno iti maysa a tanap.” “Saankayo a mapan,” kinuna ni Eliseo.

Kanta ni Solomon 8:5

“Siasino daytoy sumungad nga aggapu iti let-ang nga agkibkibinda iti ay-ayatenna?” “Riniingka iti sirok ti mansanas, iti lugar a nakaipasngayam.

Ezekiel 11:24

Iti parmata, impangatonak ti espiritu ti Dios, sanak insubli iti ayan dagiti napagtalaw a kas balud idiay Babilonia. Kalpasanna, nagin-inut a napukaw ti parmata,

Ezekiel 3:12

Kalpasanna, impangatonak ti espiritu ti Dios ket manipud iti likudak, nangngegko ti napigsa a timek a kunana, “Idaydayawyo ti dayag ti Apo nga adda sadi langit.”

Ezekiel 8:3

Inyunnatna ti kasla ima ti tao ket ginammatanna ti buokko. Iti daytoy a parmata, impangatonak ti espiritu ti Dios ket impannak idiay Jerusalem. Indissonak iti akin-uneg a pagserkan iti akin-amianan a ruangan ti Templo nga ayan ti maysa nga imahen a makarimon iti Dios.

Daniel 11:36

“Aramidento ti ari ti Siria ti kaykayatna. Ipasindayagnanto a natantan-ok ngem iti uray ania a didiosen ket itangsitnanto a nabilbileg ngem ti Kangatoan a Dios. Maaramidnanto daytoy agingga iti tiempo a panangdusa ti Dios kenkuana. Aramidento ti Dios dagiti inkeddengna nga aramiden.

Daniel 7:20

Tinarigagayak pay nga ammoen ti maipapan kadagiti sangapulo a sara iti ulona, ken iti bassit a sara a nagtubo a nakaigapuan ti pannakaparut ti tallo kadagiti sara. Adda ngiwatna ket kasta unay ti palangguadna. Ad-adda a nakabutbuteng ti langana ngem dagiti dadduma a sara.

Daniel 7:25

Agsaonto iti maibusor iti Kangatoan a Dios, ket idadanesnanto dagiti tattao ti Dios. Kayatnanto a baliwan dagiti linteg ken dagiti panawen. Tallonto ket kagudua a tawen nga iturayanna dagiti tattao ti Dios.

Daniel 7:8

Idi buybuyaek dagiti sarana, nagtubo a kellaat ti maysa a bassit a sara iti nagbabaetanda. Pinarutna ti tallo kadagiti sara a sigud nga adda sadiay. Adda mata ti tao iti sara ket adda ngiwatna nga agsasao a napalangguad.

San Mateo 27:28

Inuksobda ti pagan-anayna sada kinagayan iti nalabaga a lupot.

Dagiti Aramid 8:39

Idi makasang-atdan, impanaw ti Espiritu ti Apo ni Felipe ket saanen a nakita ti ofisial. Intuloy ti ofisial ti panagawidna a siraragsak.

2 Taga-Tesalonica 2:4

Kontraennanto amin a pagrukbaban dagiti tattao ken amin a bambanag nga ibilangda a nadiosan. Isaadnanto ti bagina iti ngatoenda amin ket sumrekto pay nga agtugaw iti Templo ti Dios, sananto ibaga nga isu ti Dios.

Paltiing 1:10

Iti aldaw ti Apo, addaak iti pannakabalin ti Espiritu ket nangngegko iti likudak ti maysa a napigsa a timek a kasla uni ti trumpeta.

Paltiing 12:14

Ngem naikkan ti babai iti dua a payak ti dakkel nga agila tapno makatayab a mapan iti lugarna idiay let-ang. Sadiayto ti pakataripatoanna iti uneg ti tallo ket gudua a tawen tapno malisianna ti pungtot ti uleg.

Paltiing 12:3

Sabali pay a nakaskasdaaw a pagilasinan ti nagparang iti langit: Adda dakkel a dragon a nalabaga a pito ti ulona ken sangapulo ti sarana. Adda korona ti tunggal ulo.

Paltiing 12:6

Nagkamang ti babai iti let-ang, iti maysa a lugar nga insagana ti Dios a pakataripatoanna iti uneg ti 1,260 nga aldaw.

Paltiing 17:18

“Ti nakitam a babai, isu ti dakkel a siudad a mangituray kadagiti ar-ari iti daga.”

Paltiing 17:4

Kolor ube ken nalabaga ti pagan-anay ti babai. Rumimatrimat dagiti alahasna a balitok, agkakapateg a bato ken perlas. Nakaiggem iti kopa a balitok a napno iti agkakaalas ken agkakarugit a banag a gapuanan ti kinaimmoralna.

Paltiing 18:12

Awanen ti gumatang kadagiti balitok, pirak, agkakapateg a bato ken perlasda; kadagiti linen, ube, seda ken nalabaga a lupot; kadagiti amin nga agkakabanglo a kayo ken amin a kita ti alikamen a naaramid iti marfil ken agkakangina a kayo, bronse, landok ken marmol;

Paltiing 18:16

a kunada, “Nakabutbuteng ti napasamak iti agdindinamag a siudad! Agkawkawes idi iti nalabaga a lupot, de lana ken ube. Agar-aramat idi kadagiti alahas a balitok, agkakapateg a bato ken perlas!

Paltiing 21:10

Addaak iti pannakabalin ti Espiritu ket impannak ti anghel iti rabaw ti nakangatngato a bantay. Impakitana kaniak ti Jerusalem, ti Nasantoan a Siudad a bumabbaba manipud langit nga aggapu iti Dios.

Paltiing 4:2

Pagammoan, addaak iti pannakabalin ti Espiritu ket nakitak sadi langit ti maysa a trono. Adda nakatugaw iti trono.