Paltiing 17:2 - Ti Baro a Naimbag a Damag Biblia

² Nakikamalala kenkuana dagiti ari iti daga, ket nabartek dagiti tattao iti sangalubongan iti arak ti kinaderrepna.”

Ti Biblia (1973)

² Isu a nakicamalalaan dagiti ar-ari ti daga, ket dagiti agnaed iti daga nabartecda iti arac ti pannakicamalalana.

Paltiing 17:2 Iomraidhean Croise

Jeremias 51:7

Kasla balitok a kopa ti Babilonia nga ig-iggamak. Binartekna ti entero a lubong. Ininum dagiti nasion ti arakna ket nagmauyongda.

Nahum 3:4

Madusdusan ti balangkantis a Nineve, makagargari ken makapatay ti pintasna. Kinayawanna dagiti nasion, ket ginargarina ida.

San Juan 2:10

Kinunana iti nobio, “Ugali dagiti tattao nga ipasango nga umuna ti kaimasan nga arak sadanto ipasango ti ordinario nga arak no adun ti nainum dagiti sangaili. Ngem sika, inyud-udim nga impasango ti kaimasan nga arak!”

Paltiing 14:8

Simmaruno ti maikadua nga anghel ket kinunana, “Natnagen ti Babilonia! Wen, natnagen ti agdindinamag a siudad! Pinainumna dagiti amin a tattao iti arak—ti naingel nga arak ti kinaderrepna.”

Paltiing 17:13

Maymaysa ti panggep dagitoy a sangapulo, ket itedda ti pannakabalin ken turayda iti narungsot nga animal.

Paltiing 17:17

Tinignay ida ti Dios tapno sangsangkamaysada a mangibanag iti panggepna babaen iti pannangtedda iti turayda iti narungsot nga animal agingga iti pannakatungpal dagiti sao ti Dios.

Paltiing 17:5

Naisurat iti mugingna ti nagan nga adda nalimed a kaipapananna: “Ti Agdindinamag a Babilonia, ina dagiti dakes a babbai ken amin a kinaderrep ditoy lubong.”

Paltiing 17:8

Sibibiag idi ti nakitam nga animal ngem ita, natayen. Dandani rummuaren iti nakaun-uneg a yuyeng ket agturong iti pannakadadael. Dagiti tattao nga agbibiag iti daga a saan a naisurat ti naganda iti libro ti biag sakbay ti pannakaparsua ti lubong, masdaawdanto a makakita iti narungsot nga animal. Sibibiag idi ket ita, natayen, ngem agparangto manen.

Paltiing 18:23

Saannakanto metten a raniagan ti uray maysa a pagsilawan; saanto metten a mangngeg dagiti naragsak a timek ti agkasar. Dagiti komersiantem ti kabibilgan iti amin a lubong. Inallilawmo dagiti amin a nasion babaen iti salamangka.”

Paltiing 18:3

Ta pinainumna dagiti amin a pagilian iti naingel nga arak ti kinaderrepna. Nakikamalala kenkuana dagiti ar-ari iti daga, ket bimmaknang dagiti agtagtagilako ditoy lubong gapu iti aglablabes a kinaderrepna.”

Paltiing 18:9

Mapuoranto ti siudad ket agdung-aw ken agsasangitto dagiti ar-ari a nakikamalala ken nakiraman iti kinaderrepna inton makitada ti asuk ti apuy a mangikisap kenkuana.

Paltiing 2:22

Adtoy, idalitkonto iti pagiddaan, agraman dagiti nakikamalala kenkuana. Agsagabadanto iti nakaro malaksid no agbabawida iti kinadakes nga inaramidda iti sidongna.

Paltiing 3:10

Agsipud ta tinungpalmo ti bilinko, nga anusam nga ibturan ti panagsagaba, aywanankanto met inton dumteng ti riribuk a pakasuotan ti amin a tao iti sangalubongan.

Paltiing 9:21

Saanda met a nagbabawi iti panagpappapatayda, panagan-anitoda, pannakikamkamalalada ken panagtaktakawda.