Paltiing 16:9 - Ti Baro a Naimbag a Damag Biblia

⁹ Mapupuoran la ngaruden dagiti tattao, ilunlunodda pay laeng ti nagan ti Dios nga adda pannakabalinna kadagitoy a didigra idinto nga agbabawida koma kadagiti basbasolda ket agdaydayawda iti dayagna.

Ti Biblia (1973)

⁹ Ket dagidi tattao nacsetda iti napalalo a pudot, ket tinabbaawanda ti nagan ti Dios, isu nga adda pannacabalinna cadagitoy a pannaplit: ket saanda a nagbabawi tapno agdayawda coma kencuana.

Paltiing 16:9 Iomraidhean Croise

2 Ar-ari 6:33

Madama pay laeng nga agsasao idi dumteng ti ari ket kinunana, “Ti Apo ti nangyeg iti daytoy a didigra. Apay nga urayek pay laeng ti tulongna?”

2 Cronicas 28:22

Idi kakaro ti pannakadidigrana, dayta nga Ahaz, inyad-addana ketdi ti nagbasol ken ni Yahweh.

Isaias 1:5

Apay a diyo isardeng ti agsukir? Kayatyo kadi a manayonan pay ti dusayo? Nalapunos ti uloyo iti sugat ket saan a nasalun-at ti puso ken panunotyo.

Isaias 8:21

Maupay ken mabisbisinanto dagiti tattao nga agalla-alla iti daga. Gapu iti bisin ken pungtotda, ilunoddanto ti arida ken ti Diosda. Uray tumangaddanto sadi langit

Jeremias 13:6

Iti saan a nabayag, imbaga ti Apo nga agsubliak idiay Eufrates tapno alaek ti linen a sapin.

Jeremias 5:3

Awan duadua a ti kinapudno ti birbiroken ti Apo. Sinaplitnakayo, ngem saankayo a nangrikna; rinumeknakayo, ngem diyo kayat ti paisuro. Natangken ti uloyo, ket diyo nagpanawan dagiti basolyo.

Ezekiel 24:13

Jerusalem, tinulawannaka dagiti dakes nga aramidmo. Nupay pinadasko ti mangdalus kenka, nagtalinaedka latta a natulawan. Saanto a naan-anay ti pannakadalusmo agingga a mariknam ti bileg ti amin a pungtotko.

San Lucas 13:3

Saan! Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.

San Lucas 13:5

Saan! Ibagak kadakayo a no saankayo nga agbabawi kadagiti basbasolyo, mataykayto amin a kas kadakuada.”

2 Taga-Corinto 12:21

Agamakak amangan no iti sumaruno a yaayko, pabainannakto ti Diosko iti sangoyo. Agamakak amangan no agsangitakto gapu kadagiti amin a nagbasol iti napalabas a di nagbabawi kadagiti narugit nga aramidda—dagiti basolda iti lasag ken kinaderrep.

Josue 7:19

Kinuna ni Josue ken ni Acan, “Anakko, ibagam ti pudno iti sango ni Yahweh a Dios ti Israel. Ipudnom kaniak ti inaramidmo. Dika aglibak kaniak.”

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Paltiing 14:7

“Agbutengkay iti Dios,” impukkawna, “ket agdaydayawkayo iti kinatan-okna! Ta dimtengen ti tiempo a panangukomna. Agdaydayawkayo iti Dios a namarsua iti langit, daga, taaw ken kadagiti ubbog.”

Paltiing 16:21

Manipud langit, nagtudo iti dadakkel nga yelo—aglimapulo a kilo ti dagsen ti tunggal maysa—ket natupakan dagiti tattao. Inlunod dagiti tattao ti Dios gapu iti daytoy a didigra, ta nakabutbuteng unay.

Paltiing 2:21

Inikkak iti naan-anay a panawenna nga agbabawi kadagiti basbasolna ken mangtallikud iti immoral a panagbiagna, ngem dina kayat ti agbalbaliw.

Paltiing 9:20

Saan a nagbabawi dagiti tattao a nakalasat kadagitoy a didigra. Dida insardeng ti panagdaydayawda kadagiti demonio ken kadagiti didiosen nga inaramidda—dagiti ladawan a balitok, pirak, bronse, bato ken kayo a di makakita, makangngeg wenno makapagna.