Paltiing 16:6 - Ti Baro a Naimbag a Damag Biblia

⁶ Imparukpokda ti dara dagiti tattao ti Dios, Ken ti dara dagiti profeta, Isut' gapuna a pinainummo ida iti dara. Lak-amenda ti kaikarianda a dusa.”

Ti Biblia (1973)

⁶ Gapu ta imbuyatda ti dara dagiti sasanto ken dagiti mammadto, ket sica impainummo met cadacuada ti dara: caicarianda.

Paltiing 16:6 Iomraidhean Croise

2 Ar-ari 24:4

ken nangnangruna ti panangpapatayna kadagiti tattao nga awan basolna. Saan a mapakawan ni Yahweh ni Manases gapu iti dayta nga inaramidna.

Exodo 21:24

mata iti mata, ngipen iti ngipen, ima iti ima, saka iti saka,

Exodo 7:17

Ibagam nga imbagak a maammoannanto a siak ni Yahweh babaen iti parnuayenna a didigra. Ibagamto kenkuana a yablatmonto ti sarukod iti danum ti karayan; agbalinto a dara ti danum.

Isaias 49:26

Pagpipinnatayekto dagiti mangidadanes kenka; agpapasdanto nga agpapatay ken agunget. Maammoanto ti sangkataoan a siak, ni Yahweh, ti mangisalakan ken mangsubbot kenka. Maammoandanto a siak ti mannakabalin a Dios ti Israel.”

Jeremias 2:30

Awan serserbi ti panangdusak kadakayo; diyo kayat ti paisuro kaniak. Kaskayo la narungsot a leon, a nangpapatay kadagiti profetayo.

Jeremias 26:11

Kinuna dagiti papadi ken dagiti profeta kadagiti pangulo ken kadagiti tattao, “Rumbeng a mapapatay daytoy a tao agsipud ta nagsao iti maibusor iti siudadtayo. Mismo a dakayo ti nakangngeg iti imbagana.”

Jeremias 26:16

Kinuna dagiti pangulo ken dagiti tattao kadagiti papadi ken kadagiti profeta, “Saan koma a maikeddeng a matay daytoy a tao agsipud ta nagsao kadatayo iti nagan ti Apo a Diostayo.”

Dungdung-aw 4:13

Ngem kasta ti napasamak! Nagbasol dagiti papadi ken profetana ket inyegda ti ipapatay dagiti awan basolna.

Ezekiel 32:6

Ibuyatkonto ti daram agingga a malayus dagiti bantay ket mapno dagiti waig.

San Mateo 7:2

ta ukomennakayto ti Dios a kas iti panangukomyo kadagiti sabali. Ti pangrukodyo iti sabali isunto met laeng ti pangrukod ti Dios kadakayo.

San Lucas 12:48

Nalaglag-anto ti pannakasaplit ti adipen a di makaammo iti kayat a paaramid ti amongna nupay no agaramid iti pakaigapuan ti pannakadusana. “No adu ti naited iti tao, adunto met ti manamnama nga aggapu kenkuana. Ngem no ad-adu ti maited iti tao, ad-adunto met ti manamnama nga aggapu kenkuana.”

Hebreo 10:29

Panunotenyo no kasano ti kadagsen ti dusa ti tao a manglalais iti Anak ti Dios, mangumsi iti dara a nangpatalged iti tulag a nangugas kenkuana iti basol ken agsao iti maibusor iti managparabur nga Espiritu!

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”

Paltiing 13:10

Siasinoman a nairanta a matiliw, matiliwto. Ti nairanta a mapapatay iti kampilan, mapapatayto iti kampilan. Daytoy ti pakasapulan iti panagibtur ken pammati iti biang dagiti tattao ti Dios.”

Paltiing 13:15

Napalubosan ti maikadua a narungsot nga animal a mangted biag iti ladawan ti immuna, tapno makasao ti ladawan ken mabalinna a patayen dagiti amin a saan nga agdaydayaw kenkuana.

Paltiing 18:20

Agragsakka, O langit, gapu iti pannakadadaelna; agragsakkayo, dakayo a tattao ti Dios, dakayo nga apostoles ken dakayo a profeta! Ta inukom ti Dios gapu iti inaramidna kadakayo!

Paltiing 18:24

Nadusa ti Babilonia gapu ta nasarakan kenkuana ti dara dagiti profeta, dagiti tattao ti Dios ken dagiti amin a napapatay iti sangalubongan.

Paltiing 19:2

Nalinteg ken rumbeng dagiti panangukomna. Dinusana ti agdindinamag nga immoral a babai a nangmulit iti daga babaen iti kinaderrepna. Dinusa ti Dios agsipud ta pinatayna dagiti adipen ti Apo.”