Paltiing 16:21 - Ti Baro a Naimbag a Damag Biblia

²¹ Manipud langit, nagtudo iti dadakkel nga yelo—aglimapulo a kilo ti dagsen ti tunggal maysa—ket natupakan dagiti tattao. Inlunod dagiti tattao ti Dios gapu iti daytoy a didigra, ta nakabutbuteng unay.

Ti Biblia (1973)

²¹ Ket nagtinnag cadagiti tattao manipud langit dagiti dadackel nga uraro a cas ti cadagsen ti maysa a talento: ket dagiti tattao tinabbaawanda ti Dios gapu iti pannaplit nga uraro; ta daydi a pannaplitna a dackel unay.

Paltiing 16:21 Iomraidhean Croise

Ti Libro ni Job 38:22

Nastrekmo kadin ti pagiduldulinak kadagiti niebe ken yelo?

Ti Libro ni Job 38:23

Isagsaganak ida iti panawen ti didigra, kadagiti aldaw ti dangadang ken gubat.

Exodo 9:18

Iti kasta, pagtudoekto iti yelo iti kastoy nga oras inton bigat. Daytoyto ti kakaroan a panagtudo iti yelo iti pakasaritaan ti Egipto.

Exodo 9:22

Kinuna ni Yahweh ken ni Moises, “Ilayatmo ta imam iti langit tapno agtinnag ti yelo kadagiti tattao, animal ken amin a mula iti entero nga Egipto.”

Isaias 30:30

Ipangngegto ti Apo ti nadayag a timekna iti amin a tao ket ipariknananto ti bileg ti pungtotna. Addanto apuy, bumayakabak a tudo ken yelo.

Isaias 8:21

Maupay ken mabisbisinanto dagiti tattao nga agalla-alla iti daga. Gapu iti bisin ken pungtotda, ilunoddanto ti arida ken ti Diosda. Uray tumangaddanto sadi langit

Ezekiel 13:11

Ibagam kadagiti profeta a marbanto ti bakudda, gapu ta yegkonto ti bumayakabak a tudo, agbagyonto iti yelo ket umayto ti napigsa nga angin.

Ezekiel 13:13

“Ita, daytoy ti kuna ti Apo a Dios, ‘Iti pungtotko, yegkonto ti napigsa nga angin, bumayakabak a tudo, ken yelo tapno madadael ti bakud.

Josue 10:11

Idi itartarayan dagiti Amorreo ti armada ti Israel iti Bessang, pinagtudo ni Yahweh iti yelo agingga idiay Azeka. Adu ti natay nga Amorreo. Ad-adu kadakuada ti natay iti yelo ngem ti pinapatay dagiti Israelita.

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 16:11

Inlunodda ti Dios sadi langit gapu kadagiti ut-ot ken gaddilda. Ngem saanda a nagbabawi kadagiti dakes nga aramidda.

Paltiing 16:9

Mapupuoran la ngaruden dagiti tattao, ilunlunodda pay laeng ti nagan ti Dios nga adda pannakabalinna kadagitoy a didigra idinto nga agbabawida koma kadagiti basbasolda ket agdaydayawda iti dayagna.

Paltiing 8:7

Pinuyot ti umuna nga anghel ti trumpetana. Nagtudo iti yelo ken apuy a nalaokan iti dara. Napuoran ti apagkatlo a paset ti daga, ti apagkatlo dagiti amin a kaykayo ken dagiti amin a nalangto a ruot.