Paltiing 16:18 - Ti Baro a Naimbag a Damag Biblia

¹⁸ Nagkimatkimat, rimkuas dagiti dulluog ken gurruod ken nagginggined iti napigsa. Daytoy ti kapigsaan a ginggined manipud pannakaparsua ti tao. Wen, nakapigpigsa!

Ti Biblia (1973)

¹⁸ Ket adda kimkimat idi ken ririaw ken gurgurrood; ket immay ti maysa a dackel a gingined, nga awan capadana nanipud idi adda tattao iti rabaw ti daga, maysa a gingined a nagdackel, casta unay a nagbileg.

Paltiing 16:18 Iomraidhean Croise

Isaias 29:6

nga ispalenkayo. Aramatekto dagiti nadawel nga allawig ken ginggined. Mangyegakto iti napipigsa nga angin ken gumilgil-ayab nga apuy.

Daniel 12:1

Intuloy ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios.

San Mateo 24:21

Ta kadagita nga aldaw, nakarkaronto nga adayo ti rigat ngem iti aniaman a napasamak manipud pannakaparsua ti lubong agingga kadagitoy nga aldaw. Ket uray kaano awanton ti kastoy a mapasamak.

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 4:5

Manipud iti trono, agkimatkimat a kagiddan ti agkakapigsa nga uni ken gurruod. Iti sango ti trono, adda pito a pagsilawan a sumsumged; dagitoy dagiti pito nga espiritu ti Dios.

Paltiing 6:12

Inikkat ti Kordero ti maikanem a timbre. Nagginggined iti napigsa. Ngimmisit ti init a kasla iti nakersang a nangisit a lupot idinto a limmabbaga ti bulan a kas iti dara.

Paltiing 8:5

Kalpasanna, innala ti anghel ti insensario, kinargaanna kadagiti beggang manipud iti altar sana impurruak iti daga. Naggurruod, rimsua ti napigsa nga arimbangaw, nagkimat ken nagginggined.