Paltiing 16:16 - Ti Baro a Naimbag a Damag Biblia

¹⁶ Ket inummong dagiti espiritu dagiti ar-ari sada impan ida iti lugar a maaw-awagan Armagedon iti pagsasao a Hebreo.

Ti Biblia (1973)

¹⁶ Ket inurnongda ida amin idiay disso nga iti Hebreo managan Armagedon.

Paltiing 16:16 Iomraidhean Croise

2 Cronicas 35:22

Ngem inkeddengen ni Josias ti pannakigubatna. Saanna nga impangag ti Dios ta dina pinati ti imbaga ni Neco. Nanglimlimo ket napan iti tanap ti Megiddo tapno makigubat kenkuana.

Zacarias 12:11

Iti dayta a tiempo, nasaemto ti panagdung-aw idiay Jerusalem a kas iti panangdung-aw ken ni didiosen a Baal iti tanap ti Megiddo.

San Juan 19:13

Idi mangngeg ni Pilato dagitoy a sao, inruarna ni Jesus sa napan nagtugaw iti tugaw ti ukom, iti disso a managan “Plataforma a Bato.” (Iti Hebreo: “Gabata.”)

San Juan 19:17

Rimmuar a sibabaklay iti krusna ket dimteng iti disso a managan “Lugar a yan ti Bangabanga.” (Iti Hebreo: “Golgota.”)

San Juan 5:2

Iti asideg ti Ruangan dagiti Karnero, adda pagdigosan a lima ti arkona. Maaw-awagan daytoy iti Betsata iti pagsasao ti Hebreo.

Dagiti Aramid 26:14

Napasagkam amin iti daga. Nangngegko ti maysa a timek a nagkuna kaniak iti pagsasao iti Hebreo, ‘Saulo, Saulo! Apay nga idaddadanesnak? Dundunorem laeng ti bagim no kugtaram ti natirad a banag.’

Paltiing 17:14

Gubatendanto ti Kordero, ngem parmekento ida ti Kordero ken dagiti naayaban, napili ken mapagtalkan a pasurotna agsipud ta isu ti Apo dagiti appo ken Ari dagiti ar-ari.”

Paltiing 9:11

Adda arida a mangituray kadakuada, ket isu ti anghel a mangbambantay iti nakaun-uneg a yuyeng. Abaddon ti naganna iti Hebreo, ket Apolion met iti Griego (kayatna a sawen, “Ti Mangdadael”).

Uk-ukom 4:7

Ibaonkonto idiay Karayan Kison ni Sisera a pangulo ti armada ni Jabin tapno makiranget kenka. Addanto luglugan a pakigubat ken soldadona, ngem agballigikanto a mangparmek kenkuana.’”

Uk-ukom 5:19

Napan dagiti ari idiay Taanac, iti asideg ti waig idiay Megiddo napanda nakigubat. Nakigubat dagiti ari ti Canaan ngem awan pirak nga inda sinamsam.