Paltiing 16:15 - Ti Baro a Naimbag a Damag Biblia

¹⁵ “Denggenyo, umayak a kasla mannanakaw! Nagasat ti tao a siririing ken di manguksob iti pagan-anayna tapno saan a lamolamo a magna ken saan a mabain kadagiti tattao.”

Ti Biblia (1973)

¹⁵ (Adtoy, siac umayac a cas la mannanacaw. Nagasat daydiay agsalucag ket aywananna dagiti pagan-anayna; di la ket magna a silalamolamo, ket makitada ti ibainna.)

Paltiing 16:15 Iomraidhean Croise

Exodo 32:25

Naammiris ni Moises a pinalubosan ni Aaron dagiti tattao nga aglablabesda ket nagbalinda a maag iti imatang dagiti kabusorda.

Isaias 47:3

Makitadanto ti kinalamolamom a kas babai a tagabu, maimatangandanto ti pannakaipababa ken pannakaibabainmo. Agibalesakto ket awan ti makaatipa.”

Ezekiel 16:37

Gapu iti daytoy, ummongekto dagiti amin a kaayan-ayatmo, dagiti impatpategmo ken dagiti ginurguram. Tiponekto amin ida iti lawlawmo, ket labusankanto tapno makitada a lamolamoka.

Oseas 2:3

No dina isardeng ti aramidna, labusak ket bay-ak a lamolamo a kas iti daydi nga aldaw a pannakaipasngayna, a kas iti aldaw a pannakayanakna. Pagbalinek a natikag a daga nga awan ti agtubo a mula, ket matayto iti waw.

Habakuk 2:15

Nakabutbuteng ti pagbanagam! Gapu iti pungtotmo, inrurumen ken imbabainmo dagiti kaarrubam. Pinagbasingbasingmo ida a kasda la nabartek.

San Mateo 25:13

Kamaudiananna, kinuna ni Jesus: “Agsaganakayo ngarud ta diyo ammo ti aldaw wenno ti oras.”

San Mateo 26:41

Agridam ken agkararagkayo tapno saankay a matnag iti sulisog. Sisasagana ti espiritu, ngem nakapuy ti lasag.”

San Marcos 14:38

Kinunana kadakuada: “Agpuot ken agkararagkayo tapno saankayo a matnag iti sulisog. Natudio ti espiritu, ngem nakapuy ti lasag.”

San Lucas 21:36

Agsalukagkayo ket agkararagkayo a kankanayon tapno addanto naan-anay a kiredyo nga agibtur kadagiti amin a mapasamak, ken agtakder iti sangoanan ti Anak ti Tao.”

Dagiti Aramid 20:31

Ngarud, agannadkayo ket laglagipenyo nga aldaw ken rabii, iti baet ti adu a panagsagabak, a sinursuroankay amin iti las-ud ti tallo a tawen.

2 Taga-Corinto 5:3

Iti kasta a pannakakawestayo, saantayton a lamolamo.

1 Taga-Tesalonica 5:4

Kakabsat, saankayo nga agbibiag a kasla addakayo iti sipnget. Saankayto ngarud a maklaat iti dayta nga Aldaw a kas iti panangkellaat ti maysa a mannanakaw.

1 Taga-Tesalonica 5:6

Ngarud, ditay koma maturog a kas kadagiti dadduma, no di ket siririing ken naalibtakkayo.

1 Pedro 4:7

Asidegen ti panungpalan dagiti amin a bambanag. Agbiagkayo ngarud a nanakem ken nateppel tapno mabalinyo ti agkararag.

2 Pedro 3:10

Dumtengto ti Aldaw ti Apo a di mapakpakadaan, kas iti yaay ti mannanakaw. Iti dayta nga Aldaw, agpukawto dagiti langlangit a kagiddan ti napigsa a daranudor, ket matunaw iti apuy ti init, bulan ken dagiti bituen ket awanton ti daga ken amin a linaonna.

Paltiing 22:7

Umayakon! Nagasat dagiti agtungpal kadagiti padto a nailanad iti daytoy a libro!”

Paltiing 3:11

Umayak iti mabiit. Saluadam ngarud ti adda kenka tapno awan ti mangagaw iti gunggonam.

Paltiing 3:18

Ngarud, ibalakadko kenka a gumatangka kaniak iti balitok a nagugoran iti apuy tapno bumaknangka. Gumatangka met iti puraw a pagan-anay a pagkawesmo tapno saan a makita ti nakababain a kinalamolamom. Gumatangka pay iti agas ta matam tapno makakitaka.